ତେହେରାନ, ୨୧/୦୧: ପ୍ରଫେଟ ମହମ୍ମଦଙ୍କୁ ଅସମ୍ମାନ କରିବା ଅଭିଯୋଗରେ ଇରାନର ଏକ କୋର୍ଟ ଦେଶର ଜଣେ ଲୋକପ୍ରିୟ ପପ୍ ଗାୟକଙ୍କୁ ମୃତ୍ୟୁ ଦଣ୍ଡାଦେଶ ଦେଇଛନ୍ତି । ତାଙ୍କ ନାମ ଅମିର ହୁସେନ ମଗସୁଦଲୁ ଓରଫ ଟଟଲୁ । ପୂର୍ବରୁ ଏହି ୩୭ ବର୍ଷୀୟ ଗାୟକଙ୍କୁ ତଳକୋର୍ଟ ୫ ବର୍ଷ ଜେଲ୍ ଦଣ୍ଡାଦେଶ ଦେଇଥିଲେ । କିନ୍ତୁ ସରକାରୀ ଓକିଲ ଏହା ବିରୋଧରେ ସୁପ୍ରିମକୋର୍ଟରେ ଅପିଲ କରିଥିଲେ ।
ସୁପ୍ରିମକୋର୍ଟ ସୋମାବାର ମାମଲାର ଶୁଣାଣି କରି ତାଙ୍କୁ ଦୋଷୀ ସାବ୍ୟସ୍ତ କରିବା ସହ ମୃତ୍ୟୁଦଣ୍ଡରେ ଦଣ୍ଡିତ କରିଛନ୍ତି । ତେବେ ଏହା ବିରୋଧରେ ତାଙ୍କୁ ଅପିଲ କରିବା ଲାଗି ସୁଯୋଗ ଦିଆଯାଇଛି । ୨୦୧୮ରୁ ସେ ଇସ୍ତାନବୁଲରେ ରହୁଥିଲା ବେଳେ ତୁର୍କୀ ପୁଲିସ ତାଙ୍କୁ ୨୦୨୩ ଡିସେମ୍ବରରେ ଇରାନକୁ ହସ୍ତାନ୍ତର କରିଥିଲା ।
