ନୂଆଦିଲ୍ଲୀ,୦୮/୦୬; ଥମିବନି ଯୁଦ୍ଧ । ଶାନ୍ତି ଫେରିବା ଆଶା କ୍ଷୀଣ । ପୁଣି ଅଶାନ୍ତ ହୋଇଚି ମଧ୍ୟପ୍ରାଚ୍ୟ । ଇରାନ-ଇସ୍ରାଏଲ ମଧ୍ୟରେ ଆରପାର୍ ଲଢେଇ ହୋଇଛି । ଦୁଇ ଦେଶ ମଧ୍ୟରେ ଘନଘନ ମିସାଇଲ୍ ମାଡ଼ ହୋଇଛି । ବାଲାଷ୍ଟିକ୍ ମିସାଇଲ୍ ମାଡ ସହ ଜଳୁଛି ଅନେକ ସହର । ସାମରିକ ଘାଟି ଉପରେ ଘନ ଘନ କ୍ଷେପଣାସ୍ତ୍ର ମାଡ଼ ହୋଇଛି । ଦୁଇ ଦେଶ ମଧ୍ୟରେ ଆକ୍ରମଣ-ପ୍ରତିଆକ୍ରମଣ ଜାରି ରହିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବେଞ୍ଜାମିନ୍ ନେତାନ୍ୟାହୁଙ୍କୁ ଫୋନ୍ କରି ଇରାନ ଆକ୍ରମଣର ଜବାବ ନ ଦେବାକୁ ଅନୁରୋଧ କରିଥିଲେ, କିନ୍ତୁ ନେତାନ୍ୟାହୁ ମାନିନଥିଲେ । ଇରାନ ଉପରେ ମିସାଇଲ୍ ଦାଗିଥିଲେ ।
ପଶ୍ଚିମ ଏସିଆରେ ଯୁଦ୍ଧ ରୋକିବା ପାଇଁ ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଆଲୋଚନା ମଧ୍ୟରେ, ଇସ୍ରାଏଲ ଏକ ନୂତନ ମୋର୍ଚ୍ଚା ଖୋଲିଛି । ଲେବାନନରେ ଇସ୍ରାଏଲୀୟ ଆକ୍ରମଣର ଜବାବରେ ଇରାନ, ଇସ୍ରାଏଲୀୟ ସହରଗୁଡ଼ିକ ଉପରେ କ୍ଷେପଣାସ୍ତ୍ର ମାଡ଼ କରି ତେହେରାନକୁ ପ୍ରତିଶୋଧ ପାଇଁ ପରିଣତ କରିଛି। ଇସ୍ରାଏଲ ଅନେକ ଇରାନୀ ସାମରିକ ଘାଟିକୁ ଧ୍ୱଂସ କରିଛି । ଇସ୍ରାଏଲ ଦେଶରେ ସ୍କୁଲ ଛୁଟି ଘୋଷଣା କରିଛି, ଯାହା ଏକ ଦୀର୍ଘକାଳୀନ ଆଭିମୁଖ୍ୟର ଏକ ସଙ୍କେତ ଭାବରେ ଦେଖାଯାଉଛି । ଇସ୍ରାଏଲ ଏବଂ ଇରାନ ମଧ୍ୟରେ ଏହି ନୂା ସଂଘର୍ଷ ମଧ୍ୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଚର୍ଚ୍ଚାରେ ରହିଛନ୍ତି । ସେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ସହ ଫୋନ୍ ମାଧ୍ୟମରେ କଥା ହୋଇଥିଲେ । ଟ୍ରମ୍ପ ନେତାନ୍ୟାହୁଙ୍କୁ ଫୋନ୍ କରି ପ୍ରତିଶୋଧ ନ ନେବାକୁ ଅନୁରୋଧ କରିଥିଲେ। ଟ୍ରମ୍ପ କହିଥିଲେ ଯେ, ଇରାନ ଆକ୍ରମଣରେ କାହାରି କ୍ଷତି ହୋଇନାହିଁ । ସେ ଏହା ମଧ୍ୟ ଆଶା ପ୍ରକାଶ କରିଥିଲେ ଯେ, ଇସ୍ରାଏଲ ପ୍ରତିଶୋଧ ନେବ ନାହିଁ । ଟ୍ରମ୍ପଙ୍କ ମନା ସତ୍ତ୍ୱେ, ଇସ୍ରାଏଲ୍ ଇରାନ ଉପରେ ବାଲାଷ୍ଟିକ୍ ମିସାଇଲ୍ ଆଟାକ୍ କରିଛି ।
ଏହା ବି ପଢନ୍ତୁ...Donald Trump AI Video: ଏଆଇ ଭିଡିଓକୁ ନେଇ ପୁଣି ଚର୍ଚ୍ଚାରେ ଟ୍ରମ୍ପ: ଭାରତରେ ବାଇକ୍ ଚଳାଉଛନ୍ତି, ସ୍ପେସସୁଟ୍ ପିନ୍ଧି ଚନ୍ଦ୍ରରେ ଲଗାଉଛନ୍ତି ଆମେରିକାର ପତାକା
କୁହାଯାଉଛି ଯେ, ବେଞ୍ଜାମିନ୍ ନେତାନ୍ୟାହୁ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ କଥା ମଧ୍ୟ ଶୁଣୁନାହାଁନ୍ତି । ଟ୍ରମ୍ପ ଏହା ମଧ୍ୟ କହିଛନ୍ତି ଯେ, ଯଦି ନେତାନ୍ୟାହୁ ପୁଣି ଆକ୍ରମଣ କରନ୍ତି, ତେବେ ଏହି ଚକ୍ର ଜାରି ରହିବ । ଗତ ୪୭ ବର୍ଷ କିମ୍ବା ଗତ ୩ ହଜାର ବର୍ଷ ଧରି ଚାଲିବ । ଆମେ ଇରାନ ସହିତ ଏକ ଚୁଡାନ୍ତ ଡିଲର ନିକଟତର ହୋଇଛି । ଆଉ କିଛି ବାଟ ନାହିଁ । ଇସ୍ରାଏଲକୁ ଇରାନ ଡିଲ୍ ମାନିବାକୁ ପଡିବ । ବର୍ତ୍ତମାନର ଘଟଣାକ୍ରମ ଚୁକ୍ତିନାମାକୁ ପଥଭ୍ରଷ୍ଟ କରିଦେଉ ମୁଁ ଚାହୁଁନାହିଁ । ପୂର୍ବରୁ, ଡୋନାଲ୍ଡ ଟ୍ରମ୍ପ ଲେବାନନ ଉପରେ ଇସ୍ରାଏଲର ଆକ୍ରମଣ ଉପରେ ନିଜର ଅସନ୍ତୋଷ ପ୍ରକାଶ କରିଥିଲେ । ମିସାଇଲ ମାଡ ବନ୍ଦ କରିବାକୁ କହିଥିଲେ । ଟ୍ରମ୍ପ ମଧ୍ୟ ଇରାନକୁ ଆଲୋଚନା ଟେବୁଲକୁ ଫେରି ଏକ ଆପୋଷ ସମାଧାନ କରିବାକୁ ପରାମର୍ଶ ଦେଇଥିଲେ ।
ଏହା ବି ପଢନ୍ତୁ...Israel-Iran War: ମଧ୍ୟପ୍ରାଚ୍ୟରେ ହାହାକାର; ଇରାନ୍ ଉପରେ ବର୍ଷି ପଡ଼ିଛି ଇସ୍ରାଏଲ,୨ ଦେଶ ମଧ୍ୟରେ ଘମାଘୋଟ୍ ଲଢେଇ
