ନୂଆଦିଲ୍ଲୀ : ଆମେରିକାର ଉପରାଷ୍ଟ୍ରପତି ଜେ.ଡି. ଭାନ୍ସ ୟୁକ୍ରେନରେ ଶାନ୍ତି ରକ୍ଷା ମିଶନର ଅଂଶ ଭାବରେ ଭାରତୀୟ ସୈନ୍ୟଙ୍କୁ ନିୟୋଜିତ କରିବାକୁ ଚାହୁଁଥିଲେ। ସେ ୨୦୨୫ ମସିହାରେ ହ୍ୱାଇଟ୍ ହାଉସ୍ ବୈଠକରେ ଡୋନାଲ୍ଡ ଟ୍ରମ୍ପଙ୍କୁ ଏହି ପରାମର୍ଶ ଦେଇଥିଲେ। ସେତେବେଳେ ଟ୍ରମ୍ପ୍ ୟୁକ୍ରେନରେ ଯୁଦ୍ଧ ରୋକିବାକୁ ଚେଷ୍ଟା କରୁଥିଲେ ଏବଂ ନିୟମିତ ଭାବରେ ଏହି ପ୍ରସଙ୍ଗ ଉପରେ ଆଲୋଚନା କରୁଥିଲେ। ହେଲେ ଟ୍ରମ୍ପ୍ ଭାନ୍ସଙ୍କ ପରାମର୍ଶକୁ ପ୍ରତ୍ୟାଖ୍ୟାନ କରିଥିଲେ। ଭାନ୍ସ ଏବଂ ଟ୍ରମ୍ପଙ୍କୁ ନେଇ ଏହି ଦାବି, ମଙ୍ଗଳବାର ମ୍ୟାଗି ହାବରମ୍ୟାନ୍ ଏବଂ ଜୋନାଥନ୍ ସ୍ୱାନଙ୍କ ଦ୍ୱାରା ପ୍ରକାଶିତ ଏକ ନୂତନ ପୁସ୍ତକ "ରିଜିମ୍ ଚେଞ୍ଜ"ରେ କରାଯାଇଛି, ଯାହା ଟ୍ରମ୍ପ୍ ପ୍ରଶାସନର ଗୁପ୍ତ କଥା ଉନ୍ମୋଚନ କରିଥିବା ଦାବି କରୁଛି।
ପୁସ୍ତକରେ କୁହାଯାଇଛି ଯେ, ୨୦୨୫ ମସିହାରେ ହ୍ୱାଇଟ୍ ହାଉସରେ ୟୁକ୍ରେନରେ ଭାରତୀୟ ସୈନ୍ୟଙ୍କ ସମ୍ଭାବ୍ୟ ଭୂମିକା ବିଷୟରେ ଆଲୋଚନା କରାଯାଇଥିଲା। ଏହି ବୈଠକରେ, ଉପରାଷ୍ଟ୍ରପତି ଜେ.ଡି. ଭାନ୍ସ ପରାମର୍ଶ ଦେଇଥିଲେ ଯେ, ଭାରତ କିମ୍ବା ସାଉଦି ଆରବ ସମେତ ୟୁରୋପ ବାହାରର ଦେଶ ଗୁଡ଼ିକ ୟୁକ୍ରେନରେ ଏକ ସମ୍ଭାବ୍ୟ ଶାନ୍ତିରକ୍ଷା ମିଶନ ପାଇଁ ସୈନ୍ୟ ପଠାଇ ପାରିବେ। ସେ ସାଉଦି ଆରବ ଏବଂ ଭାରତକୁ ଭଲ ବିକଳ୍ପ ଭାବରେ ଉଲ୍ଲେଖ କରିଥିଲେ।
ଟ୍ରମ୍ପ୍ ପରାମର୍ଶକୁ ପ୍ରତ୍ୟାଖ୍ୟାନ କରିଥିଲେ…
ପୁସ୍ତକରେ କୁହାଯାଇଛି ଯେ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜେଡି ଭାନ୍ସଙ୍କ ପରାମର୍ଶକୁ ଶୁଣି ହସିଥିଲେ। ଟ୍ରମ୍ପ ଉତ୍ତର ଦେଇଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ପସନ୍ଦ କରନ୍ତି, କିନ୍ତୁ ଭାରତୀୟ ମାନେ ତାହା କରିବେ ନାହିଁ। ସେ ଏପରି କିଛି ପାଇଁ ମୂଲ୍ୟ ଦେବେ ନାହିଁ। ଏପରି ପରିସ୍ଥିତିରେ, ବ୍ରିଟେନ କିମ୍ବା ଫ୍ରାନ୍ସ ୟୁକ୍ରେନକୁ ସେମାନଙ୍କର ସୈନ୍ୟ ପଠାଇଲେ ଭଲ ହେବ। ଭାରତ କିମ୍ବା ସାଉଦି ଆରବ ଏଥିପାଇଁ ଉପଯୁକ୍ତ ହେବ ନାହିଁ।
ପୁସ୍ତକଟି ୟୁକ୍ରେନ ପାଇଁ ଯୁଦ୍ଧ ପରବର୍ତ୍ତୀ ସୁରକ୍ଷା ବ୍ୟବସ୍ଥା ଏବଂ ଅନ୍ତର୍ଜାତୀୟ ଦାୟିତ୍ୱ ବିଭାଜନ ବିଷୟରେ ଟ୍ରମ୍ପ ପ୍ରଶାସନର ଆଭ୍ୟନ୍ତରୀଣ ଆଲୋଚନାର ଏକ ଝଲକ ପ୍ରଦାନ କରେ। ପୁସ୍ତକଟି ଉଲ୍ଲେଖ କରିଛି ଯେ ଟ୍ରମ୍ପ ଏକ ବୈଠକରେ ଖୋଲାଖୋଲି ଭାବରେ କହିଥିଲେ ଯେ, ସେ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନ୍ସକିଙ୍କୁ ନାପସନ୍ଦ କରନ୍ତି। ସେ ବାରମ୍ବାର ଜେଲେନ୍ସକିଙ୍କୁ ଆପୋଷ ବୁଝାମଣାରେ ଅକାରର୍ଯ୍ୟକ୍ଷମ ବୋଲି କହିଥିଲେ ।
ଏହା ସହ ପଢନ୍ତୁ : ରାଷ୍ଟ୍ରପତି ଟ୍ରମ୍ପଙ୍କ ଦାବି, ଏବେ କମିବ ଦରଦାମ୍, ବିଶ୍ବ ଏବେ ସୁରକ୍ଷିତ…
