ମୁମ୍ବାଇ, ୨୪/୪ : ‘କଲ୍କି ୨୮୯୮ ଏଡି’କୁ ଦର୍ଶକଙ୍କୁ ବହୁ ଦିନରୁ ଅପେକ୍ଷା ଅଛି । ଫିଲ୍ମର ରିଲିଜ ଡେଟ ଏବେ ସାମ୍ନାକୁ ଆସି ନାହିଁ କିନ୍ତୁ ଷ୍ଟାରକାଷ୍ଟର ଫାଷ୍ଟ ଲୁକ୍ ରିଭିଲ ହୋଇଯାଇଛି । ଫିଲ୍ମରେ ପ୍ରଭାସ, ଦୀପିକା ପାଦୁକୋନ, ଅମିତାଭ ବଚ୍ଚନ, କମଲ ହାସନ ଏବଂ ଦିଶା ପଟାନୀଙ୍କ ଭଳି ଷ୍ଟାର୍ସ ଦେଖାଯିବାରେ ଅଛନ୍ତି । ଏହି ଫିଲ୍ମ ଲାଗି ସବୁ ଷ୍ଟାର୍ସ କୋଟି କୋଟି ଟଙ୍କାର ଫିସ୍ ନେଇଛନ୍ତି ।
ପ୍ରଭାସ ଫିଲ୍ମରେ ଲିଡ଼ ରୋଲ ନିଭାଇବେ । ଏହି ଫିଲ୍ମ ଲାଗି ଅଭିନେତା କୋଟିର ଟଙ୍କା ନେଇଛନ୍ତି । ପ୍ରଭାସ ସାଧାରଣତ ନିଜ ଫିଲ୍ମ ଲାଗି ୧୦୦କୋଟି ଟଙ୍କା ଚାର୍ଜ କରିଥାନ୍ତି । ଏହା ପୂର୍ବରୁ ତାଙ୍କର ଦୁଇଟି ଫିଲ୍ମ ‘ଆଦିପୁରୁଷ’ ଏବଂ ‘ରାଧେ ଶ୍ୟାମ’ ଫ୍ଲପ୍ ସାବ୍ୟସ୍ତ ହୋଇଛି । ଏହାପରେ ବି ନବଭାରତର ରିପୋର୍ଟ ଅନୁଯାୟୀ ଫିଲ୍ମ ‘କଲ୍କି ୨୮୯୮ ଏଡି’ ଲାଗି ତାଙ୍କୁ ୫୦ପ୍ରତିଶତ ଅଧିକ ଫିସ୍ ମିଳିଛି ଏବଂ ସେ ୧୫୦କୋଟି ଟଙ୍କା ଚାର୍ଜ କରିଛନ୍ତି ।
‘କଲ୍କି ୨୮୯୮ ଏଡି’ରେ ଦୀପିକା ପାଦୁକୋନ ଲିଡ ଅଭିନେତ୍ରୀ ଭାବେ ନଜର ଆସିବେ । ପ୍ରକାଶ ଯେ, ଲିଡ୍ ଅଭିନେତା ପ୍ରଭାସଙ୍କ ତୁଳନାରେ ତାଙ୍କ ଫିସ୍ ବହୁତ କମ୍ ଅଟେ । ରିପୋର୍ଟ ଅନୁଯାୟୀ ଫିଲ୍ମ ‘ଫାଇଟର’ ଲାଗି ଅଭିନେତ୍ରୀ ୧୫କୋଟି ଟଙ୍କା ଚାର୍ଜ କରିଥିଲେ । ସେହିଭଳି ‘କଲ୍କି ୨୮୯୮ ଏଡି’ ଲାଗି ସେ ୨୦କୋଟି ଟଙ୍କା ଫିସ୍ ନେଇଛନ୍ତି । ଅମିତାଭ ବଚ୍ଚନ ବି ‘କଲ୍କି ୨୮୯୮ ଏଡି’ର ଭାଗିଦାରୀ ଅଟନ୍ତି । ସେ ଫିଲ୍ମରେ ଅଶ୍ବତ୍ଥମାର ଚରିତ୍ର ନିଭାଇବାରେ ଅଛନ୍ତି । ଗତ ଦିନରେ ଫିଲ୍ମରେ ତାଙ୍କ ଫାଷ୍ଟ ଲୁକ୍ ସାମ୍ନାକୁ ଆସିଥିଲା ଏବଂ ଏବେ ତାଙ୍କ ଫିସର ଖୁଲାସା ବି ହୋଇଯାଇଛି । କୁହାଯାଉଛି କି ବିଗ୍ ବି ଫିଲ୍ମ ‘କଲ୍କି ୨୮୯୮ ଏଡି’ରେ ଅଶ୍ବତ୍ଥମାର ଭୂମିକା ନିଭାଇବାକୁ ୧୮କୋଟି ଟଙ୍କା ଚାର୍ଜ କରିଛନ୍ତି ।
‘କଲ୍କି ୨୮୯୮ ଏଡି’ରେ କମଲ ହାସନଙ୍କ କ୍ୟାମିୟୋ ହେବ । ଏଭଳି ସ୍ଥଳେ ଅଭିନେତା ଫିଲ୍ମ ଲାଗି ୨୦କୋଟି ଟଙ୍କା ନେଇଛନ୍ତି । ସେହିଭଳି ଦିଶା ପାଟନୀ ବି ‘କଲ୍କି ୨୮୯୮ ଏଡି’ରେ ଦେଖାଯିବେ । ଏହି ଫିଲ୍ମ ଲାଗି ଦିଶା ପ୍ରାୟ ୨କୋଟି ଟଙ୍କା ଫିସ୍ ନେଇଛନ୍ତି । ଅଭିନେତ୍ରୀ ଶେଷ ଥର ଲାଗି ସିଦ୍ଧାର୍ଥ ମହ୍ଲୋତ୍ରାଙ୍କ ସହ ଫିଲ୍ମ ‘ୟୋଦ୍ଧା’ରେ ନଜର ଆସିଥିଲେ ଏବଂ ଏହି ଫିଲ୍ମ ଲାଗି ବି ଅଭିନେତ୍ରୀ ଏତିକି ଟଙ୍କା ଚାର୍ଜ କରିଥିଲେ ।
