କୋଣାର୍କ,୨୫/୧୧: ଡିସେମ୍ବର ପ୍ରଥମ ସପ୍ତାହରେ ଚଳଚଞ୍ଚଳ ହୋଇଉଠିବ ପୁରୀ -କୋଣାର୍କ ବେଳାମାର୍ଗ ରାମଚଣ୍ଡୀ ମୁହାଣ । ପର୍ଯ୍ୟଟନ ବିଭାଗ ପକ୍ଷରୁ କୋଣାର୍କ ଇକୋ ରିଟ୍ରିଟ୍ର ଷଷ୍ଠ ସଂସ୍କରଣ ଆରମ୍ଭ ହେବ । ଏହା ତିନି ମାସ ପର୍ଯ୍ୟନ୍ତ ଚାଲିବ । ଏଥିନିମନ୍ତେ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି ।
ବେଳାଭୂମିରେ ୭୦ଟି ତମ୍ବୁ ଘର ନିର୍ମାଣ ଶେଷ ପର୍ଯ୍ୟାୟରେ । ପର୍ଯ୍ୟଟକଙ୍କୁ ଆକୃଷ୍ଟ କଲା ଭଳି ବଡ଼ ବଡ଼ ତୋରଣ, ସେଲ୍ଫି ପଏଣ୍ଟ, କନଫରେନ୍ସ ଓ ରିସେପସନ୍ ପାଇଁ ଦୁଇଟି ବଡ଼ ହଲ୍, ପାନୀୟ ଜଳ ବ୍ୟବସ୍ଥା, ବିଦ୍ୟୁତ୍ ସଂଯୋଗ ଆଦି କାର୍ଯ୍ୟ ଚାଲୁ ରହିଛି । ତମ୍ବୁ ଘରେ ତାରକା ହୋଟେଲ୍ ଭଳି ସମସ୍ତ ସୁବିଧା ସହିତ ସୁରକ୍ଷା ପ୍ରତି ଅଧିକ ଦୃଷ୍ଟି ଦିଆଯିବ । ୬ଟି ପ୍ରେସିଡେନ୍ସିଆଲ୍ ଓ ୧୨ଟି ପ୍ରିମିୟମ୍ ତମ୍ବୁ ଘରେ ତାରକା ହୋଟେଲ୍ ଭଳି ସମସ୍ତ ସୁବିଧା ଉପଲବ୍ଧ ହେବ । ପର୍ଯ୍ୟଟକମାନେ ବେଳାଭୂମିରେ ରହି ପ୍ରାକୃତିକ ପରିବେଶକୁ ମନଭରି ଉପଭୋଗ କରିବେ । ଏହା ବ୍ୟତୀତ ବିଚ୍ ବାର୍, ଜଳକ୍ରୀଡ଼ା, ପାରାସେଲିଙ୍ଗ, ସଂଗୀତ ଓ ଯୋଗଭିତ୍ତିକ କାର୍ଯ୍ୟକ୍ରମ ହେବ
