ନୂଆଦିଲ୍ଲୀ,୦୮/୦୬: ଥମିବାର ନାଁ ନେଉନାହିଁ ଟ୍ରମ୍ପ-ମସ୍କ କଳି । ଦିନକୁ ଦିନ ଦୁଇ ଜଣଙ୍କ ସମ୍ପର୍କର ଫାଟ ବଢୁଛି । ଦାଣ୍ଡରେ ପଡ଼ି ହାତରେ ଗଡ଼ୁଛି ଦୁହିଁଙ୍କ କଳି । ଟେସଲା ମାଲିକ ଏଲନ ମସ୍କଙ୍କ କମ୍ପାନୀ ସହିତ ସରକାରୀ ଚୁକ୍ତିନାମା ଓ ସବ୍ସିଡି ବନ୍ଦ କରିବାକୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚେତାବନୀ ଦେଇଛନ୍ତି । ଏହା ସହିତ ବିରୋଧୀ ଡେମୋକ୍ରାଟିକ୍ ପାର୍ଟିକୁ ଆର୍ଥିକ ସହାୟତା ଯୋଗାଇଲେ ମସ୍କଙ୍କୁ ଭୟଙ୍କର ପରିଣାମ ଭୋଗିବାକୁ ପଡିବ ବୋଲି ଚେତାଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
ସାର୍ବଜନିକ ଭାବେ ମସ୍କ ଓ ଟ୍ରମ୍ପ ପରସ୍ପର ବିରୋଧରେ ବୟାନବାଜି ଜାରି ରଖିଛନ୍ତି । ଏଲନ ମସ୍କଙ୍କ ସହିତ ହୋଇଥିବା ବିବାଦକୁ ପଛୁକୁ ହଟିବାର ନାମ ନେଉନାହାନ୍ତି ଟ୍ରମ୍ପ । ମସ୍କଙ୍କ ସହିତ ସମ୍ପର୍କ ସୁଧରିବାକୁ ନେଇ ଇଚ୍ଛା ନଥିବା କହିଛନ୍ତି । ମସ୍କଙ୍କ କମ୍ପାନୀ ସହିତ ସରକାରୀ ଚୁକ୍ତିନାମା ଓ ସବ୍ସିଡି ବନ୍ଦ କରିବାକୁ ଚେତାବନୀ ଦେଇଛନ୍ତି । ଏହା ସହିତ ଡେମୋକ୍ରାଟିକ୍ ପାର୍ଟିକୁ ଆର୍ଥିକ ସହାୟତା କଲେ ଭୟଙ୍କର ପରିଣାମ ଭୋଗିବାକୁ ପଡିବ ବୋଲି କହିଛନ୍ତି । ଡେମୋକ୍ରାଟିକ୍କୁ ସହୟତା ନ କରିବାକୁ ଧମକ ଦେଇଛନ୍ତି ଟ୍ରମ୍ପ । ମସ୍କଙ୍କ ସହିତ ମୋର କଥା ହେବାର କୌଣସି ଇଚ୍ଛା ନାହିଁ ।
କ'ଣ ଟ୍ରମ୍ପ-ମସ୍କ ବିବାଦ-ଟେସ୍ଲା ସିଇଓ ଏଲନ ମସ୍କ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିଗ୍ ବିୟୁଟିଫୁଲ ବିଲ ଉପରେ କହିବା ପରେ ଦୁହିଁଙ୍କ ମଧ୍ୟରେ ବିବାବ ଆରମ୍ଭ ହୋଇଛି । ମସ୍କ ଟମ୍ପଙ୍କ ଏକ ବିଲ୍କୁ ସମାଲୋଚନା କରିଥିଲେ । ଏହା ଫେଡେରାଲ ନିଅଣ୍ଟକୁ ବୃଦ୍ଧି କରିବ ବୋଲି ଆଶଙ୍କା କରିଥିଲା । ଏହା ବ୍ୟତୀୟ ମସ୍କ ଟ୍ରମ୍ପ ପ୍ରଶାସନର ପରାମର୍ଶଦାତା ପଦବୀ ମଧ୍ୟ ଛାଡିଥିଲେ । ଏହା ପରେ ମସ୍କକୁ ଟାର୍ଗେଟ କରିଥିଲେ ଟ୍ରମ୍ପ । ଏବେ ବି ବିଶ୍ୱର ସବୁଠୁ ଧନୀ ବ୍ୟକ୍ତି ମସ୍କଙ୍କୁ ହ୍ୱାଉଟ୍ ହାଉସ୍କୁ ମିସ୍ କରୁଛନ୍ତି । କିଛି ଦିନ ତଳେ ମସ୍କ କହିଥିଲେ ସେ ଯଦି ଟ୍ରମ୍ପଙ୍କ ସାଥ ଦେଇନଥାନ୍ତେ ତେବେ ସେ ନିର୍ବାଚନ ହାରିଥାନ୍ତେ । ମସ୍କଙ୍କୁ ମୋ ସମର୍ଥନ ତାଙ୍କୁ ପାଇଁ ଲାଭବାନ ହୋଇଥିଲା ।
