ଉଦଳା ୦୧/୧୧: ଭାରସାମ୍ୟ ହରାଇ ରାସ୍ତାକଡ଼କୁ ଖସିଲା ଯାତ୍ରୀବାହୀ ବସ୍ ନୀଳମାଧବ। ଉଦଳାରୁ ଠାକୁରମୁଣ୍ଡା ଯାଉଥିବା ବେଳେ ଜଡ଼ିଦା ଛକରେ ଦୁର୍ଘଟଣା ଘଟିଛି। ଅଳ୍ପକେ ବର୍ତ୍ତିଗଲେ ୨୫ରୁ ଅଧିକ ଯାତ୍ରୀ। ୩ ଜଣ ଯାତ୍ରୀ ସାମନ୍ୟ ଆହତ ହୋଇଛନ୍ତି।
ସୂଚନା ଅନୁଯାଇ, ନୀଳମାଧବ ନାମ ଏକ ଯାତ୍ରୀବାହୀ ବସ୍ ୨୫ରୁ ଅଧିକ ଯାତ୍ରୀ ନେଇ ଗନ୍ତବ୍ୟ ସ୍ଥଳକୁ ଯାଉଥିଲା ବସ। ହଠାତ୍ ମଝି ରାସ୍ତାରେ ଭାରସାମ୍ୟ ହରାଇ ରାସ୍ତା ପାର୍ଶ୍ଵକୁ ଢଳିପଡିବା ବେଳେ ଏକ ଗଛ ଉପରେ ବସଟି ଆଉଜି ହୋଇପଡିଥିଲା। ବସଟିକୁ ଓଲଟାଇବାରୁ ବଞ୍ଚାଇଥିଲା ଗଛ। ଯାହା ଫଳରେ ବସ ଭିତରେ ଥିବା ୨୫ ରୁ ଉର୍ଦ୍ଧ ଯାତ୍ରୀ ଅଳ୍ପକେ ବଡ଼ ଦୁର୍ଘଟଣାରୁ ବଞ୍ଚି ଯାଇଛନ୍ତି। ତେବେ ୩ଜଣ ସାମାନ୍ୟ ଆହତ ହୋଇଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
