ବେତନଟୀ, ୧୪/୧୨ :  ବେତନଟୀ ବ୍ଲକ ଅଧୀନ ବ୍ରହ୍ମପୁରା - ରଖିଣି ବିଷ୍ଣୁପୁର ରାସ୍ତାରେ ଏକ ଚାଉଳ ବୋଝେଇ ଟ୍ରକ ଶନିବାର ଅପରାହ୍ନରେ ଜନୈକ ସାଇକେଲ ଚାଳକଙ୍କ ଉପରେ ଚଢ଼ିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି l ମୃତକ ଜଣକ ହେଉଛନ୍ତି ରଖିଣି ବିଷ୍ଣୁପୁର ଗ୍ରାମର ସ୍ୱାସ୍ଥ୍ୟ ବିଭାଗର ଅବସରପ୍ରାପ୍ତ କର୍ମଚାରୀ ଗୋପବନ୍ଧୁ ପରିଡା l 

ଗୋପବନ୍ଧୁ ସାଇକେଲ ଯୋଗେ ରାସ୍ତାରେ ଯାଉଥିବା ସମୟରେ  ଏକ ଚାଉଳ ବୋଝେଇ ଟ୍ରକ (ନଂ ଓଡି -୦୧କ୍ୟୁ – ୭୩୧୯)   ତାଙ୍କ ଉପରେ ମାଡି ଯାଇଥିଲା l ଦୁର୍ଘଟଣାସ୍ଥଳରେ ହିଁ ଗୋପବନ୍ଧୁଙ୍କର ଶୋଚନୀୟ ମୃତ୍ୟୁ ଘଟିଥିଲା l ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା। ବେପରୁଆ ଗାଡି ଚାଳନା ପାଇଁ ଟ୍ରକ ଡ୍ରାଇଭରଙ୍କୁ  ନିସ୍ତୁକ ମାଡ଼ ମାରିଥିଲେ l ମୃତକଙ୍କ ପରିବାରବର୍ଗଙ୍କୁ କ୍ଷତିପୂରଣ ସମେତ ବିଭିନ୍ନ ଦାବି ନେଇ ସ୍ଥାନୀୟ ଉର୍ତ୍ତ୍ୟକ୍ତ ଲୋକମାନେ ଦୁର୍ଘଟଣାଗ୍ରସ୍ତ ଟ୍ରକ ଅଟକ ରଖିଛନ୍ତି l ରାସ୍ତାରେ ଯାତାୟାତ ବାଧାପ୍ରାପ୍ତ ହୋଇଛି। ଖବର ପାଇ ବୈଶିଙ୍ଗା ପୁଲିସ ଘଟଣାସ୍ଥଳରେ ପହଞ୍ଚି  ବୁଝାସୁଝା ଜାରି ରଖିଛି l