ନୂଆଦିଲ୍ଲୀ,୨୮।୭: ସୋସିଆଲ ମିଡିଆରେ ପାକିସ୍ତାନ ସବୁବେଳେ ନିଜର କ୍ଷେପଣାସ୍ତ୍ର ଶକ୍ତି ଏବଂ ଅସ୍ତ୍ରଶସ୍ତ୍ରକୁ ଖୁବ୍ ଆତ୍ମ ପ୍ରଚାର କରେ। ନିଜକୁ ଭାରତ ପରି ଶକ୍ତିଶାଳୀ ଦେଖାଇବାକୁ ଚାହୁଁଛି, କିନ୍ତୁ ବାସ୍ତବତା ଏଥିରୁ ବହୁତ ଦୂରରେ। ପାକିସ୍ତାନୀ ବୈଜ୍ଞାନିକମାନେ ବହୁ ଚେଷ୍ଟା ପରେ ବି  ବାଲିଷ୍ଟିକ୍ କ୍ଷେପଣାସ୍ତ୍ର ତିଆରି କରିବାରେ ବିଫଳ। ଏହି କାରଣରୁ ପ୍ରଧାନମନ୍ତ୍ରୀ ଶେହହବାଜ ସରିଫ ଏବଂ ସେନା ମୁଖ୍ୟ ଅସୀମ ମୁନିରଙ୍କ ସ୍ୱପ୍ନ ଭାଙ୍ଗି ଯାଇଛି।।

ନିକଟରେ ପାକିସ୍ତାନୀ ବୈଜ୍ଞାନିକମାନେ ପୁଣି ଥରେ ମଧ୍ୟମ ଦୂରଗାମୀ ବାଲିଷ୍ଟିକ୍ କ୍ଷେପଣାସ୍ତ୍ର (MRBM) ଆବାବିଲ୍ ପରୀକ୍ଷଣ କରିଥିଲେ, କିନ୍ତୁ ଏହି ପରୀକ୍ଷଣ ବିଫଳ ହୋଇଥିଲା। ପହଲଗାମ୍ ଆତଙ୍କବାଦୀ ଆକ୍ରମଣ ପରେ, ‘ଅପରେସନ୍ ସିନ୍ଦୁର’ ସମୟରେ ପାକିସ୍ତାନ ଭାରତର ଅସ୍ତ୍ରଶସ୍ତ୍ର ଦ୍ୱାରା ପରାସ୍ତ ହୋଇଥିଲା। କେବଳ ପାକିସ୍ତାନ ନୁହେଁ ବରଂ ଚୀନ୍ ଏବଂ ତୁର୍କୀର ଏୟାର ଡିଫେନ୍ସ ସିଷ୍ଟମ ଏବଂ ଅସ୍ତ୍ରଶସ୍ତ୍ର ଭାରତ ଆଗରେ ଫେଲ୍ ମାରିଥିଲା। ସେବେଠାରୁ ପାକିସ୍ତାନରେ ଭାରତ ପ୍ରତି ଭୟ ବୃଦ୍ଧି ପାଉଛି।

IDRW ୱେବସାଇଟର ରିପୋର୍ଟ ଅନୁଯାୟୀ, MIRV ଟେକ୍ନୋଲୋଜି ଇଣ୍ଟର କଣ୍ଟିନେଣ୍ଟ ବାଲାଷ୍ଟିକ ମିସାଇଲ (ICBM) ପାଇଁ ବହୁତ ଭଲ ବୋଲି ବିବେଚନା କରାଯାଏ। ICBMର ବିଶେଷତ୍ୱ ହେଉଛି ଏହା ୫୦୦୦ କିଲୋମିଟର ପର୍ଯ୍ୟନ୍ତ ଆକ୍ରମଣ କରିପାରିବ, ଯେପରି ଭାରତର ଅଗ୍ନି-୫ କ୍ଷେପଣାସ୍ତ୍ର, ଯାହାର ପରୀକ୍ଷା ମାର୍ଚ୍ଚ୨୦୨୪ ରେ ସଫଳ ହୋଇଥିଲା। ସେହି ସମୟରୁ, ପାକିସ୍ତାନ ଏହାକୁ ନକଲ କରିବାରେ ବାରମ୍ବାର ବିଫଳ ହେଉଛି।

ଆବାବିଲ୍ କ୍ଷେପଣାସ୍ତ୍ର ପରୀକ୍ଷାରେ ବାରମ୍ବାର ବିଫଳ ହେବା ପରେ ମଧ୍ୟ, ପାକିସ୍ତାନ ଦାବି କରିଆସୁଛି ଯେ ସେ ଏକ ମଧ୍ୟମ ଦୂରଗାମୀ ବାଲିଷ୍ଟିକ୍ କ୍ଷେପଣାସ୍ତ୍ର ପରୀକ୍ଷଣ କରିଛି। ଏହାକୁ ନେଇ ବହୁ ପ୍ରତିରକ୍ଷା ବିଶେଷଜ୍ଞ ପ୍ରଶ୍ନ ଉଠାଇ କହିଛନ୍ତି ଯେ ପାକିସ୍ତାନର ଇଞ୍ଜିନିୟରିଂରେ ବହୁତ ସମସ୍ୟା ଅଛି। ପର୍ଯ୍ୟାପ୍ତ ପରୀକ୍ଷଣ ଭିତ୍ତିଭୂମିର ଅଭାବ, ବ୍ୟବସ୍ଥିତ ସମସ୍ୟା, ବିଶେଷକରି ଚୀନ୍ ଉପରେ ନିର୍ଭରଶୀଳତା ଏବଂ ସମ୍ବଳର ଅଭାବ ପାକିସ୍ତାନକୁ ଏହି କ୍ଷେତ୍ରରେ ଦୁର୍ବଳ ରହିଛି।