ଇସଲାମାବାଦ,୨୬।୫: ସବୁବେଳେ ଆମେରିକାର ଚାଟୁକାରୀ କରି ଆସୁଥିବା ପାକିସ୍ତାନ ଏବେ କିନ୍ତୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କଥା ମାନିବନି ବୋଲି ସଫା ସଫା କହିଦେଇଛି। ଟ୍ରମ୍ପ୍ ପାକିସ୍ତାନ ସମେତ ପାଞ୍ଚଟି ଦେଶକୁ ଆବ୍ରାହମ ଚୁକ୍ତିନାମାରେ ସ୍ୱାକ୍ଷର କରିବାକୁ ଦାବି କରିଥିଲେ। ତେବେ ତାଙ୍କର ଏହି ପ୍ରସ୍ତାବକୁ ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ଗ୍ରହଣ କରିନାହାନ୍ତି। ସେ କଡ଼ା ଜବାବ ଦେଇଛନ୍ତି।
ସୋମବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କଡ଼ା କୂଟନୈତିକ ଚ୍ୟାଲେଞ୍ଜ ପରେ, ପାକିସ୍ତାନ ଆବ୍ରାହମ ଚୁକ୍ତିରେ ପୁନର୍ବାର ଯୋଗଦାନ ଏବଂ ଇସ୍ରାଏଲକୁ ଆନୁଷ୍ଠାନିକ ଭାବରେ ସ୍ୱୀକୃତି ଦେବା ପାଇଁ ଆମେରିକୀୟ ଚାପକୁ ଦୃଢ଼ ଭାବରେ ପ୍ରତ୍ୟାଖ୍ୟାନ କରିଛି। ଟ୍ରମ୍ପଙ୍କ ପ୍ରସ୍ତାବକୁ ବିରୋଧ କରି, ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ୍ ଏହା ‘ମୌଳିକ ନୀତି ବିରୋଧି’ ଏବଂ ସ୍ବୀକାର ଯୋଗ୍ୟ ନୁହେଁ।’
ଟ୍ରମ୍ପ କହିଛନ୍ତି ଯେ ଇରାନ ସହିତ ଆଲୋଚନାରେ ସାମିଲ ଥିବା ମୁସଲିମ ଦେଶମାନେ ଇବ୍ରାହିମ ଚୁକ୍ତିରେ ସ୍ୱାକ୍ଷର କରିବା ଉଚିତ। ୟୁଏଇ ଏବଂ ବାହାରିନ ପୂର୍ବରୁ ଏହି ଚୁକ୍ତିର ସଦସ୍ୟ। ସାଉଦି ଆରବ, କତାର, ପାକିସ୍ତାନ, ତୁର୍କୀ, ଇଜିପ୍ଟ ଏବଂ ଜୋର୍ଡାନ ମଧ୍ୟ ସ୍ୱାକ୍ଷର କରିବେ ବୋଲି ଆଶା କରାଯାଉଛି। ଏହି ଚୁକ୍ତି ଇସ୍ରାଏଲ ଏବଂ ଆରବ ଦେଶ ମଧ୍ୟରେ କୂଟନୈତିକ, ଆର୍ଥିକ ଏବଂ ସୁରକ୍ଷା ସମ୍ପର୍କ ସ୍ଥାପନ କରେ। ତେବେ ଟ୍ରମ୍ପଙ୍କ ଏହି ଆଶାକୁ ନିରାଶ କରିଛି ପାକିସ୍ତନା। ଖାୱାଜା ଆସିଫ କହିଛନ୍ତି, ସେ ଇସ୍ରାଏଲ ସହିତ ଆବ୍ରାହିମ ଚୁକ୍ତିରେ ଯୋଗ ଦେଇ ସମ୍ପର୍କ ସ୍ୱାଭାବିକ କରିବା ସପକ୍ଷରେ ନାହାଁନ୍ତି।
ଟ୍ରମ୍ପ କହିଥିଲେ ବହୁ ଦେଶ ଏହି ଚୁକ୍ତିରୁ ବହୁତ ଲାଭବାନ ହୋଇଛନ୍ତି ଏବଂ ଭବିଷ୍ୟତରେ ଏହାର ଲାଭ ଆହୁରି ଅଧିକ ହୋଇପାରେ। ପାକିସ୍ତାନୀ ନ୍ୟୁଜ୍ ଚ୍ୟାନେଲ୍ ସାମା ଟିଭି ସହିତ ଏକ ସାକ୍ଷାତକାରରେ ପ୍ରତିରକ୍ଷା ମନ୍ତ୍ରୀ କହିଛନ୍ତି, ‘ବ୍ୟକ୍ତିଗତ ଭାବରେ, ମୁଁ ଭାବୁନାହିଁ ଯେ ଆମକୁ ଏପରି କୌଣସି ଚୁକ୍ତି କରିବା ଉଚିତ ଯାହା ଆମର ମୂଳ ବିଚାରଧାରା ବିରୋଧରେ ରହିଛି। ସେ କହିଛନ୍ତି, ତାଙ୍କ ଦେଶ ଦୀର୍ଘଦିନ ଧରି ନିଜର ସ୍ଥିତି ବଜାୟ ରଖିଛି ଯେ ୧୯୬୭ ପୂର୍ବ ସୀମା ଆଧାରରେ ପୂର୍ବ ଜେରୁଜେଲମକୁ ରାଜଧାନୀ କରି ଏକ ସ୍ୱାଧୀନ ପାଲେଷ୍ଟାଇନୀୟ ରାଷ୍ଟ୍ର ପ୍ରତିଷ୍ଠା ନହେବା ପର୍ଯ୍ୟନ୍ତ ସେ ଇସ୍ରାଏଲକୁ ସ୍ୱୀକୃତି ଦେବ ନାହିଁ। ପାକିସ୍ତାନ କହିଛି ‘ଆମର ସ୍ଥିତି ସମ୍ପୂର୍ଣ୍ଣ ସ୍ପଷ୍ଟ: ଏହା ଆମ ପାଇଁ ଗ୍ରହଣୀୟ ନୁହେଁ।"
ଖୱାଜା ଆସିଫ ମଧ୍ୟ ବିଶ୍ୱସନୀୟତା ଉପରେ ପ୍ରଶ୍ନ ଉଠାଇଥିଲେ। ସେ କହିଛନ୍ତି ‘ଯେଉଁମାନଙ୍କ କଥା ଉପରେ ଟିକିଏ ବି ବିଶ୍ୱାସ କରାଯାଇପାରିବ ନାହିଁ, ସେମାନଙ୍କ ସହିତ ଆପଣ କିପରି ବସିପାରିବେ?’ ସେ ପାକିସ୍ତାନୀ ପାସପୋର୍ଟ ବିଷୟରେ ମଧ୍ୟ ଉଲ୍ଲେଖ କରିଥିଲେ, ଯେଉଁଥିରେ କୁହାଯାଇଛି ଯେ ଇସ୍ରାଏଲ ଯାତ୍ରା ପାଇଁ ଏହା ବୈଧ ନୁହେଁ। ଆସିଫ ସେହି ନେତାଙ୍କ ମଧ୍ୟରେ ଅନ୍ୟତମ ଯେଉଁମାନେ ଇସ୍ରାଏଲ ସହିତ ସମ୍ପର୍କ ସ୍ୱାଭାବିକ କରିବାର କୌଣସି ଚିନ୍ତାଧାରାକୁ ଦୃଢ଼ ବିରୋଧ କରନ୍ତି। ଗତ ମାସରେ, ସେ ଇସ୍ରାଏଲକୁ ମାନବତା ଉପରେ ଅଭିଶାପ ବୋଲି କହିଥିଲେ ଏବଂ ଏହି ଅଞ୍ଚଳରେ ନରସଂହାର କରିବାର ଅଭିଯୋଗ କରିଥିଲେ।
