ମୁମ୍ବାଇ,୨୮/୦୮: ମହାରାଷ୍ଟ୍ର ପାଲଘର ଜିଲ୍ଲାରେ ମଙ୍ଗଳବାର ବିଳମ୍ବିତ ରାତିରେ ଏକ ୪ ମହଲା କୋଠାର ଏକ ଅଂଶ ଭୁଶୁଡ଼ି ପଡିଥିଲା । ଏହି ଅଘଟଣରେ ମୃତ୍ୟୁସଂଖ୍ୟା ୧୫ରେ ପହଞ୍ଚିଛି । ମୃତକଙ୍କ ମଧ୍ୟରେ ଜଣେ ମାଆ-ଝିଅ ମଧ୍ୟ ଅଛନ୍ତି । ୯ ଜଣ ଆହତ ହୋଇଥିବା ସୂଚନା ମିଳିଛି । ଅନ୍ୟ ୨ ଜଣ ନିଖୋଜ ଏବେ ବି ନିଖୋଜ ଅଛନ୍ତି । ଉଦ୍ଧାରକାର୍ଯ୍ୟ ଜାରି ରହିଛି ।
ସୂଚନା ଅନୁସାରେ ମଙ୍ଗଳବାର ବିଳମ୍ବିତ ରାତିପ୍ରାୟ ୧ଟାରେ ରମାବାଇ ଆପାର୍ଟମେଣ୍ଟର ୪ ମହଲା ବିଲ୍ଡିଂ ଭୁଶୁଡି ପଡିଥିଲା । ଚତୁର୍ଥ ମହଲାରେ ଏକ ଜନ୍ମଦିନ ପାର୍ଟି ଚାଲିଥିଲା । ଅଚାନକ ଆପାର୍ଟମେଣ୍ଟରେ ଗୋଟିଏ ଭାଗ ଭୁଶୁଡ଼ି ପଡିଥିଲା । ଉଦ୍ଧାରକାରୀ ଟମ୍ ୯ଜଣଙ୍କୁ ଉଦ୍ଧାର କରି ବିବିସିଏମସି ଡାକ୍ତରଖାନାରେ ଭର୍ତ୍ତି କରିଥିଲେ । ଏହି ବିଲ୍ଡିଂରେ ପ୍ରାୟ ୧୨ ପରିବାର ରହୁଥିଲେ । ପୁଲିସ୍ ଆପାର୍ଟମେଣ୍ଟ ସିଲ୍ କରି ଦେଇଥିଲା । ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଥିଲା । ଏବେ ବି ଅଗ୍ନିଶମ ବାହିନୀ ଓ ଏନଡିଆରଏଫ ଦଳ ଉଦ୍ଧାରକାର୍ଯ୍ୟରେ ଲାଗିଛନ୍ତି ।
ଅଧିକ ପଢନ୍ତୁ...ଭିତରେ ଚାଲିଥିଲା ପାର୍ଟି, ଭୁଶୁଡ଼ିଲା ୪ ମହଲା ବିଲ୍ଡିଂ; ୩ ମୃତ, ୨୦ ଜଣ ଫସିଥିବା ଆଶଙ୍କା
୧୦ ବର୍ଷ ପୂର୍ବେ ନିର୍ମିତ ହୋଇଥିଲା କୋଠା- ଏହି କୋଠା ୧୦ ବର୍ଷ ପୂର୍ବେ ନିର୍ମିତ ହୋଇଥିଲା । ନଗର ନିଗମ ଏହାକୁ ଅତି ବିପଦପୂର୍ଣ୍ଣ କୋଠା ଘୋଷଣା କରିଥିଲା । ରମାବାଇ ଆପାର୍ଟମେକୁ ଏବେ ଭାଙ୍ଗି ଦିଆଯାଇଛି । ବିଧାୟକ ସ୍ନେହା ପଣ୍ଡିତ ଦୁବେ ସୂଚନା ଦେଇ କହିଛନ୍ତି ଯେ, ବିରାର ନାରଙ୍ଗୀରେ ୧୦-୧୫ ବର୍ଷ ପୁରୁଣା କୋଠା ଭୁଶୁଡ଼ି ପଡ଼ିବା ଯୋଗୁଁ ଦୁର୍ଘଟଣା ଘଟିଛି । ଏପର୍ୟ୍ୟନ୍ତ ୯ ଜଣଙ୍କୁ ଉଦ୍ଧାର କରାଯାଇଛି । ପ୍ରାୟ ୨୦ରୁ ଅଧିକ ଲୋକ ଫସି ରହିଥିବା ଆଶଙ୍କା କରାଯାଉଛି । ଏନଡିଆରଏଫ ଦଳ, ପୁଲିସ ଟିମ୍ ଉଦ୍ଧାର କାର୍ୟ୍ୟରେ ନିୟୋଜିତ ଅଛନ୍ତି ।
