ନୂଆଦିଲ୍ଲୀ,୦୫/ ୦୨: ୧୯ ତାରିଖରୁ ଚମ୍ପିଅନ୍ସ ଟ୍ରଫି ଆରମ୍ଭ ହେବ । ଆଉ ମଝିରେ ହାତ ଗଣତି ଦିନ ରହିଛି । ଏହା ପୂର୍ବରୁ ଅଷ୍ଟ୍ରେଲିଆକୁ ବଡ ଝଟକା ଲାଗିଛି । କଙ୍ଗାରୁ ଦଳକ୍ୟାପ୍ଟେନ ତଥା ଦ୍ରୁତ ବୋଲର ପାଟ୍ କମିନ୍ସ ଏବେ ଯାଏ ଫିଟ୍ ହୋଇ ନାହାନ୍ତି । ତେଣୁ ସେ ଚମ୍ପିଅନ୍ସ ଟ୍ରଫି ଖେଳି ନ ପାରନ୍ତି । ତେବେ ତାଙ୍କ ସ୍ଥାନରେ ଷ୍ଟିଭ ସ୍ମିଥ ଓ ଟ୍ରେଭିସ ହେଡ୍ ଦଳର ନେତୃତ୍ବ ନେଇ ପାରନ୍ତି । ହେଡ୍ କୋଟ୍ ମ୍ୟାକଡୋଲ୍ଡଙ୍କ ପକ୍ଷରୁ ଏହି ସୂଚନା ମିଳିଛି ।
ପାଟ୍ କମିନ୍ସଙ୍କ ଆହତ ସମସ୍ୟାକୁ ନେଇ ମୁଖ୍ୟ କୋଚ୍ କହିଛନ୍ତି, କମିନ୍ସ ସୁସ୍ଥ ହୋଇନାହାନ୍ତି । ତେଣୁ ସେ ଦ୍ରୁତ ବୋଲିଂ କରିବାକୁ ସକ୍ଷମ ନୁହଁନ୍ତି । ଚମ୍ପିଅନ୍ସ ଟ୍ରଫି ପର୍ବରୁ ଯଦି ସେ ସୁସ୍ଥ ନ ହୁଅନ୍ତି ତେବେ ମ୍ୟାଚ ଖେଳିବେ ନାହିଁ । ସମ୍ପୂର୍ଣ୍ଣ ସୁସ୍ଥ ନ ହୋଇଥିବାରୁ ତାଙ୍କର ଚମ୍ପିଅନ୍ସ ଟ୍ରଫି ଖେଳିବା ସମ୍ବାବନା କମ୍ ରହିଛି । କମିନ୍ସଙ୍କ ବଦଳରେ ଆମେ ଆଉ ଜଣେ ଅଧିନାୟକ ଖୋଜୁଛୁ । ତାଙ୍କ ସ୍ଥାନରେ ଷ୍ଟିଭ ସ୍ମିଥ କିମ୍ବା ହେଡ୍ ଦଳର ନେତୃତ୍ବ ନେଇପାରନ୍ତି ।
ଏହା ବି ପଢନ୍ତୁ...କ୍ରିକେଟ୍ ପ୍ରେମୀଙ୍କ ପାଇଁ ଖୋଲିଲା କାଉଣ୍ଟର, ଟିକେଟ୍ ପାଇଁ ରାତିରୁ ଲମ୍ବା ଲାଇନ୍
ଆସନ୍ତା ଫେବୃଆରୀ ୧୯ ତାରିଖରୁ ଚମ୍ପିଆନ୍ସ ଟ୍ରଫି ଆରମ୍ଭ ହେବ। ମୋଟ ୮ଟି ଦଳ ମଧ୍ୟରେ ୧୫ଟି ମ୍ୟାଚ ଖେଳାଯିବ । ୮ଟି ଦଳକୁ ୨ଟି ଗ୍ରୁପରେ ଭାଗ କରାଯାଇଛି । ଗ୍ରୁପ-ଏ ରେ ଭାରତ, ପାକିସ୍ତାନ ସମେତ ନ୍ୟୁଜିଲାଣ୍ଡ ଓ ବାଂଲାଦେଶ ରହିଛନ୍ତି । ଗ୍ରୁପ-ବିରେ ଅଷ୍ଟ୍ରେଲିଆ, ସାଉଥ ଆଫ୍ରିକା, ଆଫଗାନିସ୍ତାନ ଓ ଇଂଲଣ୍ଡ ରହିଛନ୍ତି । ପ୍ରତି ଟିମ୍ ପରସ୍ପର ବିପକ୍ଷରେ ୩ଟି ଲେଖାଏଁ ମ୍ୟାଚ ଖେଳିବେ ।
