ନୂଆଦିଲ୍ଲୀ- ନିଜର ପ୍ରକଳ୍ପ ଗୁଡ଼ିକର ଖର୍ଚ୍ଚ ଓ ସମୟକୁ ବଞ୍ଚାଇବା ପାଇଁ ନେପାଳ ଓ ଶ୍ରୀଲଙ୍କା ଭାରତ ଠାରୁ ପିଏମ ଗତି ଶକ୍ତି ଯୋଜନାକୁ ଆପଣାଇବାକୁ ଆଲୋଚନା କରୁଛନ୍ତି। ଭାରତର ଉଦ୍ୟୋଗ ସଚିବ ଅମରଦୀପ ସିଂହ ଭାଟିଆ ସୂଚନା ଦେଇ କହିଛନ୍ତି ଯେ , ଏହି ସବୁ ଦେଶର ପ୍ରସ୍ତାବ ଉପରେ ବିଚାର କରାଯାଉଛି। ଯେଉଁଠି ନେପାଳର ଆବଶ୍ୟକତା ବିଶେଷ ପ୍ରକଳ୍ପକୁ ନେଇ ରହିଥିବା ବେଳେ , ଅନ୍ୟପଟେ ଶ୍ରୀଲଙ୍କା ନିଜର ପୁରା ସିଷ୍ଟମରେ ପିଏମ ଗତି ଶକ୍ତି ଯୋଜନାକୁ ଲାଗୁ କରାଇବାକୁ ଇଚ୍ଛୁକ। ସେ କହିଛନ୍ତି ଯେ, ଏହି ପ୍ରଣାଳୀ ୩ ବର୍ଷ ପୂର୍ବେ ଏହାର ଶୁଭାରମ୍ଭ ପର ଠାରୁ ଏବେସୁଦ୍ଧା ୧୫ ଲକ୍ଷ କୋଟି ଟଙ୍କାରୁ ଅଧିକର ବେସିକ୍ ଷ୍ଟ୍ରକଚର ପ୍ରକଳ୍ପକୁ ମଞ୍ଜୁରୀ ଦେଇଛି।
କହି ରଖୁଛୁ କି, ପିଏମ ଗତିଶକ୍ତି ଭାରତ ସରକାରଙ୍କର ଏକ ମହତ୍ତ୍ୱପୂର୍ଣ୍ଣ ଯୋଜନା , ଯାହାର ଉଦ୍ଦେଶ୍ୟ ଦେଶରେ ବେସିକ୍ ଢାଞ୍ଚାର ବିକାଶକୁ ଗତିଶୀଳ କରିବା। ଏହାକୁ ୧୩ ଅକ୍ଟୋବର ୨୦୨୧ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଆରମ୍ଭ କରାଯାଇ ଥିଲା।
ଏହି ଯୋଜନାର ମୁଖ୍ୟ ଉଦ୍ଦେଶ୍ୟ ବିଭିନ୍ନ ମନ୍ତ୍ରଣାଳୟ ଓ ସରକାରୀ ଏଜେନ୍ସିଙ୍କ ମଧ୍ୟରେ ଉତ୍ତମ ସମନ୍ୱୟ ଆଣିବା ଏବଂ ପ୍ରକଳ୍ପଗୁଡ଼ିକୁ ସମୟବଦ୍ଧ ଉପାୟରେ କାର୍ଯ୍ୟକାରୀକୁ ସ୍ପଷ୍ଟ କରିବା। ଉଦ୍ୟୋଗ ଓ ଆଭ୍ୟନ୍ତରୀଣ ବ୍ୟାପାର ବିଭାଗ ( ଡିପିଆଇଆଇଟି)ର ସଚିବ ଅମରଦୀପ ଭାଟିଆଙ୍କ ଅନୁସାରେ , ଭାରତ ନିଜର ପଡୋଶୀ ଦେଶକୁ ତାଙ୍କର ବେସିକ୍ ଢାଞ୍ଚାର ପ୍ରକଳ୍ପର ଉତ୍ତମ ଯୋଜନା କରିବାରେ ସାହାଯ୍ୟ କରିବାକୁ ପ୍ରସ୍ତୁତ।
ପିଏମ ଗତିଶକ୍ତି ଯୋଜନାର ଉଦ୍ଦେଶ୍ୟ ଦେଶରେ ଉତ୍ତମ ରାସ୍ତା ,ରେଳ , ବନ୍ଦର , ଏୟାରପୋର୍ଟ ଓ ଅନ୍ୟ ବେସିକ୍ ଢାଞ୍ଚାର ବିକାଶ ଉପରେ ଆର୍ଥିକ ସୁଧାରକୁ ପ୍ରୋତ୍ସାହିତ କରିବା। ଏଥିରେ ଭାରତକୁ ବୈଶିକ ସ୍ତରରେ ଏକ ମଜବୁତ ଲଜିଷ୍ଟିକ୍ସ ହବ୍ ଭାବେ ସ୍ଥାପିତ କରିବାର ଆଶା କରାଯାଉଛି।
