ଅହମ୍ମଦାବାଦ,୦୮/୦୩ : ଆଜି ଅନ୍ତର୍ଜାତୀୟ ମହିଳା ଦିବସ । ଏହି ଅବସରରେ ଗୁଜୁରାଟର ନଭସାରୀରେ ଲକ୍ଷପତି ଦିଦି କାର୍ଯ୍ୟକ୍ରମରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମହିଳାଙ୍କ ଆର୍ଶୀବାଦ ମୋ ପାଇଁ ଶକ୍ତି । ଏହା ମୋର ସବୁଠୁ ବଡ ପୁଞ୍ଜି । ମୋ ସୁରକ୍ଷା କବଚ । ମୁଁ ଗର୍ବରେ କହିବି ଯେ ଦୁନିଆର ସବୁଠୁ ଧନୀ ବ୍ୟକ୍ତି । ନାରୀଙ୍କ ସମ୍ମାନ, ସମାଜ ଏବଂ ଦେଶର ବିକାଶର ପ୍ରଥମ ସୋପାନ । ବିକଶିତ ଭାରତ ପାଇଁ ମହିଳାଙ୍କ ନେତୃତ୍ବାଧୀନ ରାସ୍ତାରେ ଚାଲିବାକୁ ହେବ ବୋଲି କାର୍ଯ୍ୟକ୍ରମକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ।
'ମୁଁ ଦୁନିଆର ସବୁଠୁ ଧନୀ ବ୍ୟକ୍ତି'- ଏହି ପବିତ୍ର ଦିବସରେ ସମସ୍ତଙ୍କୁ ଶୁଭେଚ୍ଛା । ମୁଁ ଗର୍ବର ସହିତ କହିବି କି ଦୁନିଆର ସବୁଠୁ ଧନବାନ ବ୍ୟକ୍ତି । ଏହା ହୁଏତ କାହାକୁ ଠିକ୍ ନ ଲାଗି ପାରେ । ଟ୍ରୋଲସେନା ହୁଏତ ମୋତେ ଘେରି ଯାଇପାରନ୍ତି । ତଥାପି ମୁଁ କହିବି ଦୁନିଆର ସବୁଠୁ ଧନୀ ବ୍ୟକ୍ତି । ମୋ ଜୀବନ ଆକାଉଣ୍ଟରେ କୋଟି କୋଟି ମହିଳାଙ୍କ ଆର୍ଶୀବାଦ ଅଛି । ଏହା ନିରନ୍ତର ବଢିବାରେ ଲାଗିଛି । ମହିଳାଙ୍କ ଆର୍ଶୀବାଦ ମୋ ପାଇଁ ଶକ୍ତି । ଏହା ମୋର ସବୁଠୁ ବଡ ପୁଞ୍ଜି । ମୋ ସୁରକ୍ଷା କବଚ । ନାରୀଙ୍କ ସମ୍ମାନ ସମାଜ ଏବଂ ଦେଶର ବିକାଶର ପ୍ରଥମ ପାହାଚ । ତେଣୁ ବିକଶିତ ଭାରତ ପାଇଁ ଦେଶକୁ ଦ୍ରୁତ ଗତିରେ ବିକାଶ ପାଇଁ ଭାରତକୁ ମହିଳା ନେତୃତ୍ବାଧୀନ ରାସ୍ତାରେ ଚାଲିବାକୁ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ପ୍ରଧାନମନ୍ତ୍ରୀ ଆହୁରି କହିଛନ୍ତି, ଗାନ୍ଧିଜୀ କହୁଥିଲେ ଦେଶର ଆତ୍ମା ଗ୍ରାମୀଣ ଭାରତରେ ରହିଛି । ଆଜି ମୁଁ ଏହି ପଂକ୍ତିରେ ନୂଆ କିଛି ଯୋଡିବାକୁ ଚାହୁଁଛି...ଗ୍ରାମୀଣ ଭାରତର ଆତ୍ମା, ଗ୍ରାମୀଣ ନାରୀର ସଶକ୍ତିକରଣରେ ରହିଛି । ଆଜି ଦେଶର ନାରୀଶକ୍ତି ସବୁ ଆଶଙ୍କାକୁ ପରାସ୍ତ କରି ସବୁ ସନ୍ଦେହକୁ ପଛରେ ପକାଇ ଆଗକୁ ବଢୁଛି । ବିଗତ ଦିନରେ ମହିଳାଙ୍କ ସୁରକ୍ଷାକୁ ପ୍ରାଥମିକତା ଦିଆଯାଇଥିଲା । ମହିଳାଙ୍କ ବିରୋଧରେ ହେଉଥିବା ଅପରାଧକୁ ରୋକିବାକୁ ନିୟମ-କାନୁନକୁ ଆମେ ଅଧିକ ସଶକ୍ତ କରିଛୁ । ରାଜନୀତି ହେଉ କି ଖେଳ ମଇଦାନ କିମ୍ବା ନ୍ୟାୟପାଳିକା ସବୁ କ୍ଷେତ୍ରରେ ମହିଳାଙ୍କ ଅବଦାନ ରହିଛି । ୨୦୧୪ ପରଠୁ ଦେଶରେ ବଡ ବଡ ପଦରେ ମହିଳା ସ୍ଥାନ ଅଧିକାର କରିଛନ୍ତି । ଆମକୁ ଯେବେ ନୂଆ ସଂସଦ ଭବନ ମିଳିଲା ଆମେ ପ୍ରଥମେ ନାରୀ ଶକ୍ତି ବନ୍ଦନମ ଅଧିନିୟମ ଆଣିଲୁ । ପ୍ରଥମ ନାରୀଶକ୍ତି ବିଲ୍ ଆଣିଲୁ ।''
#WATCH | Gujarat: Prime Minister Narendra Modi says "Today, on this day, I can proudly say that I am the richest person in the world. When I say that I am the richest person in the world, many people will perk up their ears. Today, the entire troll army will enter the fray, but I… pic.twitter.com/Cci2EEzNR1
— ANI (@ANI) March 8, 2025
ସୁରକ୍ଷାରେ ମହିଳା ଅଧିକାରୀ- ମହିଳା ଦିବସ ଅବସରରେ ଗୁଜୁରାଟ ନବସାରୀରେ ଲକ୍ଷପତି ଦିଦି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏଥିରେ ପ୍ରଧାନମନ୍ତ୍ରୀ ସାମିଲ ହୋଇଛି । ମୋଦିଙ୍କ ସୁରକ୍ଷାରେ ଗୋଟିଏ ଦିନ ପାଇଁ କେବଳ ମହିଳା ଅଧିକାରୀ ମୁତୟନ ହୋଇଛନ୍ତି । କାର୍ଯ୍ୟକ୍ରମକୁ ଅଭିଭାଷଣ କରିବା ପୂର୍ବରୁ ସମସ୍ତଙ୍କୁ ହାତ ହଲାଇ ଅଭିବାଦନ ଜଣାଇଥିଲେ । ୭୦୦ ମିଟର ରୋଡ ଶୋ କରିଥିଲେ । ଏହି ସମୟରେ ତାଙ୍କ ସୁରକ୍ଷାରେ କେବଳ ମହିଳା ଅଧିକାରୀ ମୁତନୟ ହୋଇଥିବା ଦେଖିବାକୁ ମିଳିଛି ।
