ନୂଆଦିଲ୍ଲୀ,୨୨/୦୨; ୧୩୧ତମ୍ ମନ୍ କି ବାତ୍ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ । ଡିଜାଟାଲ ଆରେଷ୍ଟରୁ, ଗ୍ଲୋବାଲ ଏଆଇ ଇମ୍ପାକ୍ଟ ସମିଟ୍ରୁ ନେଇ ଲାଲକିଲ୍ଲାରୁ କରିଥିବା ପଞ୍ଚ-ପ୍ରାଣକୁ ହୋଦରାଇଛନ୍ତି ପ୍ରଧାନମନ୍ତ୍ରୀ । ଏହା ସହିତ କେରଳର ସର୍ବକନିଷ୍ଠ ଅଙ୍ଗଦାତା କୁନି ଝିଅ କଥା କହିଛନ୍ତି । ବିଭିନ୍ନ ପ୍ରସଙ୍ଗରେ ମନ୍ କି ବାତରେ କହିବା ସହିତ ଓଡ଼ିଆ ପୁଅ ହିରୋଦ ପଟେଲଙ୍କ କଥା କହିଛନ୍ତି । ମନ୍ କି ବାତ୍ ଦେଶରେ ବିଭିନ୍ନ ଉପଲବ୍ଧିକୁ ସାମ୍ନାକୁ ଆଣିବାର ଏକ ମଜଭୂତ ପ୍ଲାଟଫର୍ମ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । AIର ଯାଦୁ, ଅଙ୍ଗଦାନର କାହାଣୀ ଏବଂ ଡ଼ିଜିଟାଲ ଆରେଷ୍ଟକୁ ନେଇ ଦେଶବାସୀଙ୍କୁ ୩ ବଡ଼ ମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ ।
'ସନ୍ତାନକୁ ହରାଇବାଠୁ ବଡ଼ ଦୁଃଖ କିଛି ନାହିଁ'- ମନ୍ କି ବାତରେ କେରଳର ସର୍ବକନିଷ୍ଠ ଅଙ୍ଗଦାତା କୁନିଝିଅ କଥା କହି ପ୍ରଧାନମନ୍ତ୍ରୀ କହିଛନ୍ତି,''କୌଣସି ପିତାମାତାଙ୍କ ପାଇଁ ନିଜ ସନ୍ତାନକୁ ହରାଇବାଠୁ ବଡ଼ ଦୁଃଖ ଆଉ କିଛି ନାହିଁ । କୁନି ପିଲାକୁ ହରାଇବାର ଯନ୍ତ୍ରଣା ବହୁତ ଗଭୀର । କିଛି ଦିନ ପୂର୍ବରୁ, ଆମେ କେରଳର ଏକ ଛୋଟ ଝିଅ ଏଲିନ୍ ସେରିନ୍ ଆବ୍ରାହମଙ୍କୁ ହରାଇଲୁ । ଅଙ୍ଗଦାନ ସମ୍ପର୍କରେ ସଚେତନତା ବଢ଼ୁଛି । ଚିକିତ୍ସା ଗବେଷଣା ମଧ୍ୟ ବୃଦ୍ଧି ପାଉଛି । ଏଲିନ୍ ଭଳି ଅନେକ ଲୋକ ଅଛନ୍ତି ଯେଉଁମାନେ ଅଙ୍ଗଦାନ କରି କାହାକୁ ଆଉ ଏକ ଜୀବନ ଦେଇଛନ୍ତି। "
During the 131st episode of Mann Ki Baat, PM Modi says, "There is no greater sorrow for any parent than losing one’s own child. The pain of losing a very young child is deeper. Just a few days ago, we lost Aalin Sherin Abraham, a little innocent girl from Kerala... Awareness… pic.twitter.com/BWx2ss6D6G
— ANI (@ANI) February 22, 2026
'ଯିଏ କାମ କରନ୍ତି ସେ ପ୍ରସ୍ତୁଟିତ ହୁଅନ୍ତି'- ପ୍ରଧାନମନ୍ତ୍ରୀ ମୋଦି ମନ୍ କି ବାତ୍ରେ କହିଛନ୍ତି, "ଆପଣମାନେ ଆଜିକାଲି ଟି-୨୦ ବିଶ୍ୱକପ୍ ମ୍ୟାଚ୍ ଦେଖୁଥିବେ। ଜର୍ସିଟି ଅନ୍ୟ ଦେଶର ହୋଇପାରେ, କିନ୍ତୁ ସେମାନଙ୍କ ନାମ ଶୁଣି ଆପଣ ଅନୁଭବ କରୁଛନ୍ତି ଯେ ସେ ଆମ ଦେଶର । ଏହି ମୁହୂର୍ତ୍ତ ଆପଣଙ୍କୁ ସାମାନ୍ୟ ଖୁସି ଦିଏ, କାରଣ ଖେଳାଳି ଜଣକ ଭାରତୀୟ ବଂଶୋଦ୍ଭବ ଏବଂ ତାଙ୍କ ପରିବାର ଯେଉଁ ଦେଶରେ ବାସ କରନ୍ତି ସେହି ଦେଶ ପାଇଁ ଖେଳୁଛନ୍ତି । କାନାଡା ଦଳରେ ସର୍ବାଧିକ ସଂଖ୍ୟକ ଭାରତୀୟ ବଂଶୋଦ୍ଭବ ଖେଳାଳି ଅଛନ୍ତି । ଦଳର ଅଧିନାୟକ ଦିଲପ୍ରୀତ ବାଜୱାଙ୍କ ଜନ୍ମ ପଞ୍ଜାବର ଗୁରୁଦାସପୁରରେ ହୋଇଥିଲା। ଆମେରିକା ଦଳରେ ଭାରତର ଘରୋଇ କ୍ରିକେଟର ଅନେକ ଖେଳାଳି ଅଛନ୍ତି । ତେଣୁ ଯେଉଁମାନେ ଖେଳନ୍ତି ସେମାନେ ପ୍ରସ୍ଫୁଟିତ ହୁଇନ୍ତି । "
During the 131st episode of Mann Ki Baat, PM Modi says, "You must be watching T20 World Cup matches these days. The jersey may belong to another country, but hearing their name, you realise that he is from our country. This moment gives you slight happiness, because the player is… pic.twitter.com/uYnEHck1zE
— ANI (@ANI) February 22, 2026
ଏଆଇ ସମ୍ମିଟ୍ ବାବଦରେ କହି ପ୍ରଧାନମନ୍ତ୍ରୀ କହିଛନ୍ତି, AI ଇମ୍ପାକ୍ଟ ସମ୍ମିଳନୀ ଭାରତ ପାଇଁ ବଡ଼ ଉପଲବ୍ଧି । ଦୁଇଟି ଉତ୍ପାଦ ବିଶ୍ୱ ନେତାଙ୍କୁ ପ୍ରଭାବିତ କରିଥିଲା । ପ୍ରଥମ ଉତ୍ପାଦଟି ଅମୂଲର ବୁଥରେ ଥିଲା। ଏଥିରେ ବ୍ୟାଖ୍ୟା କରାଯାଇଥିଲା ଯେ ଏଆଇ ଆମକୁ ପଶୁମାନଙ୍କ ଚିକିତ୍ସାରେ କିପରି ସାହାଯ୍ୟ କରୁଛି ଏବଂ ଚାଷୀମାନେ କିପରି ୨୪ ଘଣ୍ଟା ଏଆଇ ସହାୟତାରେ ସେମାନଙ୍କର ଦୁଗ୍ଧ ଏବଂ ପଶୁପାଳନ ଉପରେ ନଜର ରଖିପାରିବେ । ଦ୍ୱିତୀୟ ଉତ୍ପାଦଟି ଆମର ସଂସ୍କୃତି ସହିତ ଜଡିତ ଥିଲା । ଏଆଇ ସାହାଯ୍ୟରେ ଆମେ ଆମର ପ୍ରାଚୀନ ଗ୍ରନ୍ଥ, ଆମର ପ୍ରାଚୀନ ଜ୍ଞାନ, ଆମର ପାଣ୍ଡୁଲିପିକୁ କିପରି ସଂରକ୍ଷଣ କରିଛୁ ଯାହା ବିଶ୍ୱ ନେତାଙ୍କୁ ଆଶ୍ଚର୍ଯ୍ୟ କରିଥିଲା ।
ପ୍ରଧାନମନ୍ତ୍ରୀ ମୋଦି କହିଛନ୍ତି, "ଆଜାଦୀ କା ଅମୃତ ମହୋତ୍ସବ ସମୟରେ, ମୁଁ ଲାଲକିଲ୍ଲାରୁ 'ପଞ୍ଚ-ପ୍ରାଣ' ବିଷୟରେ କହିଥିଲି । ସେଥିମଧ୍ୟରୁ ଗୋଟିଏ ହେଉଛି ଦାସତ୍ୱର ମାନସିକତାରୁ ମୁକ୍ତି । ଆଜି, ଦେଶ ଦାସତ୍ୱର ପ୍ରତୀକଗୁଡ଼ିକୁ ପଛରେ ପକାଇ ଭାରତୀୟ ସଂସ୍କୃତି ସହିତ ଜଡିତ ପ୍ରତୀକଗୁଡ଼ିକୁ ମୂଲ୍ୟ ଦେବା ଆରମ୍ଭ କରିଛି । ଆସନ୍ତାକାଲି, ୨୩ ଫେବୃଆରୀରେ, ରାଷ୍ଟ୍ରପତି ଭବନରେ ରାଜାଜୀ ମହୋତ୍ସବ ପାଳନ କରାଯିବ । ପ୍ରଦର୍ଶନୀ ୨୪ ଫେବୃଆରୀରୁ ୧ ମାର୍ଚ୍ଚ ପର୍ଯ୍ୟନ୍ତ ଚାଲିବ। "
'ମନ କି ବାତ୍'ରେ ଡିଜିଟାଲ ଆରେଷ୍ଟ ବିଷୟରେ ବିସ୍ତାର ଭାବରେ କଥା ହୋଇଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି, ଡିଜିଟାଲ ଆରେଷ୍ଟ ଏବଂ ଡିଜିଟାଲ ଠକେଇ ସମ୍ପର୍କରେ ବହୁତ ସଚେତନତା ସୃଷ୍ଟି କରାଯାଉଛି କିନ୍ତୁ ତଥାପି, ଏପରି ଘଟଣା ଘଟୁଛି । ଆପଣମାନେ ସମସ୍ତେ କେୱାଇସି - ଆପଣଙ୍କ ଗ୍ରାହକଙ୍କୁ ଜାଣନ୍ତୁ ପ୍ରକ୍ରିୟା ସହିତ ପରିଚିତ ହେବା ଉଚିତ।କେଓ୍ୱାଇସି ନାଁରେ ଆସୁଥିବା କଲ୍ ପ୍ରତି ସର୍ବଦା ସତର୍କ ରୁହନ୍ତୁ । କେବେ ହେଲେ କାହାରିକୁ ଓଟିପି ଦିଅନ୍ତୁ ନାହିଁ ଏପରିକି ଅପଡେଟ୍ ପାଇଁ ଆସୁଥିବା ଲିଙ୍କ୍ରେ କ୍ଲିକ୍ କରନ୍ତୁ ନାହିଁ'
ପ୍ରଧାନମନ୍ତ୍ରୀ ଆହୁରି କହିଛନ୍ତି, "ଆମ ଦେଶରେ, ଯେଉଁମାନେ ସମାଜର କଲ୍ୟାଣ ପାଇଁ କାମ କରିଛନ୍ତି, ସେମାନେ ସର୍ବଦା ଲୋକଙ୍କ ହୃଦୟରେ ରହିଥାନ୍ତି । ଆମ୍ମା ଜୟଲଳିତା ଜୀ ଜଣେ ସେମିତି ଲୋକପ୍ରିୟ ନେତା ଥିଲେ । ଫେବୃଆରୀ ୨୪ ତାରିଖ ହେଉଛି ତାଙ୍କ ଜନ୍ମବାର୍ଷିକୀ । ଆଜି ମଧ୍ୟ, ତାମିଲନାଡୁର ଲୋକ ତାଙ୍କ ପ୍ରତି ଗଭୀର ସ୍ନେହ ମୁଁ ଅନୁଭବ କରୁଛି । ଆମ୍ମା ଜୟଲଳିତାଙ୍କ ନାମ ତାମିଲନାଡୁର ଲୋକଙ୍କ ମୁହଁରେ ଚମକ ଆଣିଥାଏ । ସେ ଗୁଜରାଟରେ ମୋର ଶପଥ ଗ୍ରହଣ ଉତ୍ସବରେ ଯୋଗ ଦେଇଥିଲେ । ତାଙ୍କର ଚିନ୍ତାଧାରା ବହୁତ ସ୍ପଷ୍ଟ ଥିଲା।"
। କିଛି ଦିନ ଅନ୍ତରରେ ନିଜର ପାସଓ୍ୱାର୍ଡକୁ ପରିବର୍ତ୍ତନ କରନ୍ତୁ ।''
ଏହା ବି ପଢନ୍ତୁ...ବଡ଼ ଆତଙ୍କୀ ଆକ୍ରମଣ ଯୋଜନାରେ ୮ ଗିରଫ, ପାକିସ୍ତାନ-ବାଂଲାଦେଶ ସହ ଲିଙ୍କ୍
"ଓଡ଼ିଆ ପୁଅଙ୍କୁ ପ୍ରଶଂସା- ପ୍ରଧାନମନ୍ତ୍ରୀ ମୋଦି ମନ୍ କି ବାତରେ କହିଛନ୍ତି, ଓଡ଼ିଶାର ହିରୋଦ ପଟେଲ ନାମକ ଜଣେ ଯୁବ ଚାଷୀଙ୍କ କାହାଣୀ ପ୍ରେରଣାଦାୟ କ। ପ୍ରାୟ ୮ ବର୍ଷ ପୂର୍ବେ ସେ ତାଙ୍କ ବାପା ଶିବ ଶଙ୍କର ପଟେଲଙ୍କ ସହ ପାରମ୍ପରିକ ଉପାୟରେ ଧାନ ଚାଷ କରୁଥିଲେ, କିନ୍ତୁ ତା’ପରେ ସେ ଏକ ନୂଆ ଦୃଷ୍ଟିକୋଣରୁ ଚାଷ କରିବାକୁ ଆରମ୍ଭ କଲେ । ଜମିରେ କଦଳୀ, ନଡ଼ିଆ ପିଜୁଳି ଲଗାଇଛନ୍ତି । ପୋଖରୀରେ ମାଛ ଚାଷ କରିଛନ୍ତି । ଗୋଟିଏ ସ୍ଥାନରେ ପାରମ୍ପରିକ ଚାଷ କରିଛନ୍ତି । ଗୋଟିଏ ସ୍ଥାନରେ ଫଳ, ମାଛ ଚାଷ କରି ମାଟିର ଉପଯୋଗ କରିଛନ୍ତି । ପାଣି ସଂରକ୍ଷିତ ହୋଇଛି । ଅତିରିକ୍ତ ଆମଦାନୀ ମଧ୍ୟ ହୋଇଛି । ଚାଷୀ ହିରୋଦଙ୍କୁ ଆଜି ତାଙ୍କର ପ୍ରେରଣା ବୋଲି ମାନୁଛନ୍ତି । ଚାଷୀ କେବଳ ଅନ୍ନଦାତା ନୁହେଁ, ମାଟିର ସଚ୍ଚା ସାଧକ ।''
