ପାଟଣାଗଡ, ୨୦/୬ : ପାଟଣାଗଡ ବ୍ଲକ ଅର୍ନ୍ତଗତ ସାଲେପାଲି ମାଇନିଙ୍ଗ ବ୍ଳକ ଖଣି ଖନନକୁ ବିରୋଧ କରି ଜନମ ମାଏଟ ବଚାଓ ସଂଘର୍ଷ ସମିତି ପକ୍ଷରୁ ଆସନ୍ତା ୨୩ ରେ ଆନ୍ଦୋଳନ ପାଇଁ ଗାଁ ଗାଁରେ ଡ଼ାକବାଜି ଯନ୍ତ୍ର ମାଧ୍ୟମରେ ବିକ୍ଷୋଭ ପ୍ରଦର୍ଶନ ସହ ଉପଜିଲ୍ଲାପାଳଙ୍କ ଅଫିସ୍ ଘେରାଉ ପାଇଁ ସଜବାଜ ହେବାକୁ ସଂଘର କର୍ମକର୍ତ୍ତାମାନେ ଗାଁ ଗାଁରେ ଲୋକଙ୍କୁ ସଚେତନ ହେବାପାଇଁ ପ୍ରଚାର ଆରମ୍ଭ କରିଛନ୍ତି ।
ପ୍ରକାଶ ଯେ, କେନ୍ଦ୍ର ସରକାର ତାମିଲନାଡୁ ରାଜ୍ୟର ଭିନାମିର ରିଶୋର୍ଷ ନାମକ ଏକ ଘରୋଇ କମ୍ପାନିକୁ ଉକ୍ତ ଖଣି ନିଲାମରେ ଦେଇଛନ୍ତି । ଜନ ସାଧାରଣଙ୍କ ସହମତି, ଜନଶୁଣାଣୀ କିମ୍ବା ଗାଁ ଗାଁରେ ପଲ୍ଲୀସଭା ନକରି କମ୍ପାନୀକୁ ଉକ୍ତ ଖଣି ଟେକିଦେବାକୁ ସଂଘର୍ଷ ସମିତି ବିରୋଧ କରିଛି । ଏଠାରେ ଖଣି ଖନନ ହେଲେ ଲୋକେ ଭିଟାମାଟି ଛାଡ଼ିବାକୁ ବାଧ୍ୟ ହେବେ ଏବଂ ଦୁର୍ଦ୍ଦଶା ଭୋଗିବେ । ଏପରିକି ପରିବେଶ ଦୁସିତ ହେବାସହ ଜଳସ୍ତର ହ୍ରାସ ପାଇଁବ, ଜଙ୍ଗଲ ଧ୍ୱଂସ ହେବ । ସମୟାନୁକ୍ରମେ ଲୋକେ ବିଭିନ୍ନ ରୋଗ ଯନ୍ତ୍ରଣା ଭୋଗିବେ । ଲୋକଙ୍କ ବିନା ସହମତିରେ ନିଲାମ ପ୍ରକିୟା କେତେଦୂର ଯୁକ୍ତିଯୁକ୍ତ ବୋଲି ସଂଘର୍ଷ ସମିତି ସରକାରଙ୍କୁ ପ୍ରଶ୍ନ କରିଛିନ୍ତି । ଆଗାମୀ ଦିନରେ ଏହି ଖଣି ଖନନ ପ୍ରକିୟା ପ୍ରସଙ୍ଗକୁ ସରକାର ବନ୍ଦନ କଲେ ଏଥିପାଇଁ ଜାହାବି ଅଘଟଣ ଘଟିଲେ ସରକାର ହିଁ ଦାୟୀ ରହିବେ ବୋଲି ଜନମ ମାଏଟ ସଂଘର୍ଷ ସମିତିର ଆବାହକ ମଣ୍ଡଲିର ସଦସ୍ୟ ଗିରିରାଜ ଭୋଇ ଚେତାବନୀ ଦେଇଛନ୍ତି ।
