ନୂଆଦିଲ୍ଲୀ,୧୧/୧୨: ଭାରତୀୟ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ନୂଆ ଗଭର୍ଣ୍ଣର ଭାବେ ଦାୟିତ୍ବ ଗ୍ରହଣ କରିଛନ୍ତି ସଞ୍ଜୟ ମଲହୋତ୍ରା । ଆରବିଆର ୨୬ତମ ଗଭର୍ଣ୍ଣର ହୋଇଛନ୍ତି ସଞ୍ଜୟ ମଲହୋତ୍ରା । ରାଜସ୍ବ ସଚିବରୁ ଆରବିଆଇର ଗଭର୍ଣ୍ଣର ହୋଇଛନ୍ତି ସେ । ଆସନ୍ତା ୩ ବର୍ଷ ପାଇଁ ଦାୟିତ୍ବ ଗ୍ରହଣ କରିଛନ୍ତି ସଞ୍ଜୟ ମଲହୋତ୍ରା ।
ଗତ ଡିସେମ୍ବର ୯ ତାରିଖରେ ସଞ୍ଜୟ ମଲହୋତ୍ରଙ୍କୁ ଆରବିଆଇ ଗଭର୍ଣ୍ଣର ଭାବେ ନାମ ଘୋଷଣା କରିଥିଲେ କେନ୍ଦ୍ର ସରକାର । ଦୀଘ ୬ ବର୍ଷ ପରେ ଶକ୍ତିକାନ୍ତଙ୍କ ପରେ ସଞ୍ଜୟ ମଲହୋତ୍ରା ଆରବିଆଇ ଗଭର୍ଣ୍ଣର ଭାବେ ଦାୟିତ୍ବ ନେଇଛନ୍ତି । ୬ ବର୍ଷ ଧରି ସର୍ବୋଚ୍ଚ ବ୍ୟାଙ୍କର ମୁଖ୍ୟ ପଦ ସମ୍ଭାଳିଥିବା ଶକ୍ତିକାନ୍ତ ଦାସଙ୍କ ସ୍ଥାନରେ ଦାୟିତ୍ବ ଭାର ଗ୍ରହଣ କରିଛନ୍ତି ସଞ୍ଜୟ ମଲହୋତ୍ରା ।
ଗତ ଡିସେମ୍ବର ୧୦ ତାରିଖ ଶକ୍ତିକାନ୍ତଙ୍କ କାର୍ଯ୍ୟକାଳର ଶେଷ ହୋଇଥିଲା । ନିବନିଯୁକ୍ତ ଗଭର୍ଣ୍ଣର ସଞ୍ଜୟ ମଲହୋତ୍ରା ଏଭଳିସମୟରେ କାର୍ଯ୍ୟଭାର ଗ୍ରହଣ କରିଛନ୍ତି ଯେବେ କେନ୍ଦ୍ରୀୟ ବ୍ୟାଙ୍କ ଆହ୍ବାନମୂଳକ ପରିସ୍ଥିତିର ସାମ୍ନା କରୁଛି । ଆରବିଆଇ ଆଗରେ ସୁଧ ହାର ହ୍ରାସ ନେଇ ଚାପ ରହିଛି । ଅନ୍ୟ ପକ୍ଷେ ଦରଦାମ ବୃଦ୍ଧି ଚାପ ରହିଛି । ଏହି ସବୁ ସଞ୍ଜୟଙ୍କ ଆଗରେ ଚ୍ୟାଲେଞ୍ଜ ହେବ। ୧୯୯୦ ବ୍ୟାଚ ରାଜସ୍ଥାନ କ୍ୟାଡେର ଆଇଆଇଏସ ଅଧିକାରୀ ସଞ୍ଜୟ ମଲହୋତ୍ରା ଆଇଆଇଟି କାନପୁରରୁ କମ୍ପ୍ୟୁଟର ସାଇନ୍ସରେ ଇଞ୍ଜିନିୟରିଂ କରିଥିଲେ । ସେ ଶକ୍ତି , ଅର୍ଥ , ଆଇଟି, ଟିକସ, ମାଇନ୍ସ ବିଭାଗରେ କାର୍ଯ୍ୟ କରିଛନ୍ତି । ତାଙ୍କର ୩୩ ବର୍ଷର ଅଭିଜ୍ଞତା ରହିଛି ।
