ନୂଆଦିଲ୍ଲୀ,୦୭/୦୫: ଭାରତ ମାତା କି ଜୟ । ବନ୍ଦେ ମାତରମ୍ । ଜୟ ହିନ୍ଦ । ଆଜି ଆଖିରୁ ଖୁସିର ଲୁହ ଝରୁଛି । ଯେବେ 'ଅପରେସନ୍ ସିନ୍ଦୂର'ର ନାମ ଶୁଣିଲି ଭେ ଭୋ ହୋଇ କାନ୍ଦିଥିଲି । ମିଶନ ନାଁ ମୋତେ କନ୍ଦାଇ ଦେଇଛି । ପହଲଗାମ ଆତଙ୍କୀ ଆକ୍ରମଣରେ ମୃତ ସମସ୍ତଙ୍କୁ ଏହା ପ୍ରକୃତ ଶ୍ରଦ୍ଧାଞ୍ଜଳି । ଅପରେସନ୍ ସିନ୍ଦୂରରେ ପହଲଗାମ ପ୍ରତିଶୋଧ ପରେ କିଛି ଏମିତି କହିଛନ୍ତି ଆତଙ୍କୀ ଆକ୍ରମଣରେ ମୃତ ସନ୍ତୋଷ ଜଗଦଲଙ୍କ ଝିଅ ଅଶ୍ୱଭାରି ।
ଲୁହ ଲହୁର ହିସାବ ନେଇଛି ଭାରତୀୟ ସେନା । ସିନ୍ଦୂରର ହିସାବ ନେଇଛି 'ଅପେରସନ ସିନ୍ଦୂର' । ପାକିସ୍ତାନ ଉପରେ ଭାରତ କରିଛି ଆକ୍ରମଣ । ପହଲଗାମ୍ ଗଣହତ୍ୟାର ବଦଲା ନେଇ ପାକିସ୍ତାନର ୯ଟି ସ୍ଥାନରେ ପ୍ରଚଣ୍ଡ ମିସାଇଲ ମାଡ଼ । ଥରି ଉଠିଛି ପାକ୍ ଅଧିକୃତ କାଶ୍ମୀର ଏବଂ ପାକିସ୍ତାନର କେତେକ ଅଞ୍ଚଳ । ୨୫ ମିନିଟରେ ୯ ଆତଙ୍କୀ ଆଡ୍ଡା ଉପରେ ଆକ୍ରମଣ କରିଥିଲା । ହାମର ବୋମା ଓ ସ୍କ୍ରାଲ୍ପ ମିସାଇଲ ପକାଇ ଆତଙ୍କୀ ଆଡ୍ଡାକୁ ଛାରଖାର କରିଛି ଭାରତ । ଏହା ପରେ ମୃତ ସନ୍ତୋଷ ଜଗଦଲଙ୍କ ଝିଅ ଅଶ୍ୱଭାରି ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, 'ଅପରେସନ୍ ସିନ୍ଦୂର'ର ନାମ ଶୁଣିଲି ଭୋ ଭୋ ହୋଇ କାନ୍ଦିଥିଲି । ପହଲଗାମ ଆତଙ୍କୀ ଆକ୍ରମଣରେ ମୃତ ସମସ୍ତଙ୍କୁ ଏହା ପ୍ରକୃତ ଶ୍ରଦ୍ଧାଞ୍ଜଳି । ଆତଙ୍କୀ ଆକ୍ରମଣରେ ମୃତ ସବୁ ସ୍ୱାମୀଙ୍କୁ ସମ୍ମାନ ଦେବାକୁ ମିଶନ୍ର ନାମ ରଖାଯାଇଛି 'ଅପରେସନ୍ ସିନ୍ଦୂର' ।
ପହଲଗାମ ଆତଙ୍କୀ ଆକ୍ରମଣରେ ମୃତ ସନ୍ତୋଷ ଜଗଦଲଙ୍କ ପତ୍ନୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ଦେଖାଇ ଦେଇଛନ୍ତି କି ଆମେ ଚୁପ୍ ବସିବା ଲୋକ ନୁହେଁ । ଆମ ଉପରେ ସେମାନେ ଆଟାକ୍ କରିଥିଲେ । ପ୍ରଧାନମନ୍ତ୍ରୀଙ୍କ ଏହି 'ଅପରେସନ୍ ସିନ୍ଦୂର' ଆତଙ୍କବାଦ ଶେଷ କରିବ ।''
