ନୂଆଦିଲ୍ଲୀ,୬।୧: ବରିଷ୍ଠ କଂଗ୍ରେସ ନେତା ଏବଂ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀ ଅସୁସ୍ଥ। ତାଙ୍କୁ ଦିଲ୍ଲୀର ସାର୍ ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଛି। ପିଟିଆଇ ରିପୋର୍ଟ ଅନୁଯାୟୀ, ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବା ପରେ ମଙ୍ଗଳବାର ସକାଳେ ତାଙ୍କୁ ହସ୍ପିଟାଲକୁ ନିଆଯାଇଥିଲା। ସୋନିଆ ଗାନ୍ଧୀ କିଛି ସମୟ ଧରି ଅସୁସ୍ଥ ଥିଲେ, ତେଣୁ ତାଙ୍କୁ ଭର୍ତ୍ତି କରାଯାଇଥିଲା। ଡାକ୍ତରଙ୍କ ଏକ ଟିମ୍ ହସ୍ପିଟାଲରେ ତାଙ୍କ ସ୍ବାସ୍ଥ୍ୟବସ୍ଥା ଉପରେ ନଜର ରଖିଛି। ସୂତ୍ର ଅନୁଯାୟୀ ସେ ଜଣେ ପଲନୋଲୋଜିଷ୍ଟ ବା ଯକ୍ଷ୍ମା,ଶ୍ଵାସ ଓ ଛାତି ରୋଗ ବିଶେଷଜ୍ଞଙ୍କ ତତ୍ତ୍ୱାବଧାନରେ ଅଛନ୍ତି। କଂଗ୍ରେସ ଦଳ କିମ୍ବା ହସ୍ପିଟାଲ ପକ୍ଷରୁ ସୋନିଆଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ଏପର୍ଯ୍ୟନ୍ତ କୌଣସି ବିବୃତ୍ତି ଜାରି କରାଯାଇ ନାହିଁ।
ଦିଲ୍ଲୀର ପ୍ରଦୂଷଣ ସୋନିଆଙ୍କ ସ୍ୱାସ୍ଥ୍ୟା ଖରାପ କରୁଛି
ସୋନିଆ ୯ ଡିସେମ୍ବର ୨୦୨୫ ରେ ୭୯ ବର୍ଷ ବୟସରେ ପଦାର୍ପଣ କରିଥିଲେ। ସେ ଦୀର୍ଘ ସମୟ ଧରି କାଶରେ ପୀଡିତ ଥିଲେ, ଯେଉଁ କାରଣରୁ ସେ ସମୟ ସମୟରେ ଯାଞ୍ଚ ପାଇଁ ଯାଆନ୍ତି। ଦିଲ୍ଲୀରେ, ବିଶେଷକରି ବଢ଼ୁଥିବା ପ୍ରଦୂଷଣ ତାଙ୍କ ସମସ୍ୟାକୁ ଆହୁରି ବଢ଼ାଇ ଦେଉଛି।
ସୋନିଆ ଗାନ୍ଧୀ ସ୍ୱାସ୍ଥ୍ୟ ସମସ୍ୟା ସହିତ ଜଡ଼ିତ ଅଛନ୍ତି
ସୋନିଆ ଗତ କିଛି ବର୍ଷ ଧରି ସ୍ୱାସ୍ଥ୍ୟ ସମସ୍ୟା ସହିତ ସଂଘର୍ଷ କରୁଛନ୍ତି। ସେ ନିୟମିତ ଯାଞ୍ଚ ଏବଂ ଚିକିତ୍ସା ପାଇଁ ସମୟ ସମୟରେ ହସ୍ପିଟାଲକୁ ଯାଉଥିଲେ। ସେ ବର୍ତ୍ତମାନ ହସ୍ପିଟାଲର ଡାକ୍ତରଙ୍କ ତତ୍ତ୍ୱାବଧାନରେ ଅଛନ୍ତି। ତାଙ୍କ ସ୍ୱାସ୍ଥ୍ୟରେ ଉନ୍ନତି ହେଲେ ହିଁ ଅଧିକ ସୂଚନା ମିଳିପାରିବ।ବର୍ତ୍ତମାନ ସମ୍ପୂର୍ଣ୍ଣ ପରିସ୍ଥିତି ଉପରେ ନଜର ରଖାଯାଇଛି।
ସିମଲାରେ ଛୁଟି ସମୟରେ ସ୍ୱାସ୍ଥ୍ୟ ବିଗିଡ଼ିଲା
ଏହା ପୂର୍ବରୁ,୧୫ ଜୁନ୍ ୨୦୨୫ରେ, ପେଟ ସମସ୍ୟା ଯୋଗୁଁ ସୋନିଆଙ୍କୁ ସାର୍ ଗଙ୍ଗାରାମ ହସ୍ପିଟାଲର ସର୍ଜିକାଲ୍ ଗ୍ୟାଷ୍ଟ୍ରୋଏଣ୍ଟେରୋଲୋଜି ବିଭାଗରେ ଭର୍ତ୍ତି କରାଯାଇଥିଲା। ତାଙ୍କୁ ତିନିରୁ ଚାରି ଦିନ ପାଇଁ ଭର୍ତ୍ତି କରାଯାଇଥିଲା। ଜୁନ୍ ୭ ତାରିଖରେ ସୋନିଆଙ୍କ ସ୍ୱାସ୍ଥ୍ୟ ମଧ୍ୟ ହଠାତ୍ ଖରାପ ହୋଇଗଲା। ସେ ପ୍ରିୟଙ୍କା ଗାନ୍ଧୀଙ୍କ ସହିତ ସିମଲାରେ ତାଙ୍କ ଘରେ ଛୁଟି କାଟିବାକୁ ଯାଇଥିଲେ, କିନ୍ତୁ ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ପରଦିନ ଦିଲ୍ଲୀ ଫେରି ଆସିଥିଲେ। ଜୁନ୍ ୯ ତାରିଖରେ ସାର୍ ଗଙ୍ଗାରାମ ହସ୍ପିଟାଲରେ ତାଙ୍କର ଡାକ୍ତରୀ ଯାଞ୍ଚ କରାଯାଇଥିଲା।
ଆହୁରି ପଢନ୍ତୁ: ନେପାଳ ବୀରଗଞ୍ଜରେ ମସଜିଦ୍ ଭଙ୍ଗାରୁଜା ପରେ ହିଂସା, ଭାରତ ସୀମାରେ ଆଲର୍ଟ
