ଆଠମଲ୍ଲିକ, ୧୭/୧୧: ଆଠମଲ୍ଲିକ ବନଖଣ୍ଡରେ ଏବେ ବନ୍ୟଜନ୍ତୁ ଅସୁରକ୍ଷିତ । ଅକ୍ଟୋବର ମାସରେ ଦୁଇଟି ହାତୀ ମୃତ୍ୟୁ ବରଣ କରିଥିବା ବେଳେ ରବିବାର ଏକ ଜଙ୍ଗଲୀ ଭାଲୁର ମୃତ୍ୟୁଦେହକୁ ବନ ବିଭାଗ ଉଦ୍ଧାର କରିଛି । ଏନେଇ ଡିଏଫଓଙ୍କ ତରଫରୁ କୌଣସି ପ୍ରତିକ୍ରିୟା ମିଳି ପାରି ନାହିଁ । ଅନୁଗୁଳ ଜିଲ୍ଲା ଆଠମଲ୍ଲିକ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମାଧପୁର ରେଞ୍ଜର ହଟୁଆପଡ଼ା ଗ୍ରାମ ନିକଟରେ ଏକ ଭାଲୁର ମୃତ୍ୟୁଦେହ ପଡିଥିବାର ଲୋକେ ଦେଖିଥିଲେ । ଏହା ଦେଖି ବନ ବିଭାଗର କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ବନ ବିଭାଗର କର୍ମଚାରୀ ପହଞ୍ଚି ଥିଲେ । ସେଠାରେ ପହଞ୍ଚି ଭାଲୁର ମୃତଦେହକୁ ଏକ ପିଲିଥିନ୍ ସାହାଯ୍ୟରେ ଘୋଡ଼ାଇ ଦେଇଥିଲେ । କାହାରିକୁ ନିକଟକୁ ଛାଡି ନଥିଲେ । ଏପରିକି ଭିଡ଼ିଓ କିମ୍ବା ଫୋଟେ ଉଠାଇବାକୁ ଦେଇ ନଥିଲେ । ଏଭଳି ସ୍ଥିତିରେ ଭାଲୁକୁ କେହି ଗୁଳି ମାରିଥିବା ନେଇ ଅଞ୍ଚଳବାସୀ ସନ୍ଦେହ କରୁଛନ୍ତି । ତେବେ ଏନେଇ ଡିଏଫଓଙ୍କ ତରଫରୁ କୌଣସି ପ୍ରତିକ୍ରିୟା ମିଳି ପାରି ନାହିଁ ।
