ଜଟଣୀ ୧୦/୧୨: ଜଟଣୀ ତଳକ୍ଷେତା କିଷ୍ଟ୍ କଲେଜ ପାଖରେ ମର୍ମନ୍ତୁଦ ସଡକ ଦୁର୍ଘଟଣା। ବାଇକକୁ ପିଟିଲା ୨୪ ଚକିଆ ଟ୍ରାନ୍ସପୋର୍ଟ କଣ୍ଟେନର ଟ୍ରକ୍। ଦୁର୍ଘଟଣା ବାଇକ ଆରୋହୀଙ୍କ ଚାଲିଗଲା ଜୀବନ। ମୃତକ ଜଣକ ଅସ୍ତରଙ୍ଗ ଥାନା ଅନ୍ତର୍ଗତ ରତନପୁର ଗ୍ରାମର ଗୋକୁଳାନନ୍ଦ ପ୍ରଧାନ। ଘଟଣାସ୍ଥଳରେ ଇମ୍ଫୋଭ୍ୟାଲି ପୋଲିସ ପହଞ୍ଚି ମୃତଦେହ ଜବତ କରିବା ସହ ଟ୍ରକ୍ ଚାଳକଙ୍କୁ ଅଟକ ରଖିଥିବା ଜଣାପଡିଛି।
ସୂଚନା ମୁତାବିକ, ଅସ୍ତରଙ୍ଗ ଥାନା ରତନପୁର ଗୋକୁଳାନନ୍ଦ ପ୍ରଧାନ ବାଇକ୍ କୌଣସି କାମରେ ଗଙ୍ଗପଡ଼ା ଅଭିମୁଖେ ଯାଉଥିଲେ। ଜଟଣୀ ତଳକ୍ଷେତା କିଷ୍ଟ୍ କଲେଜ ନିକଟରେ ବାଇକ୍କୁ ଧକ୍କା ଦେଇଥିଲେ ଟ୍ରକ୍। ଗୋକୁଳାନନ୍ଦ ଛିଟିକି ପଡିବାରୁ ଗୁରୁତର ହୋଇଥିଲେ। ତାଙ୍କୁ ରକ୍ତାକ୍ତ ଅବସ୍ଥାରେ ଉଦ୍ଧାର କରି ୧୦୮ ଆମ୍ବୁଲାନ୍ସରେ ଏମ୍ସ ହସ୍ପିଟାଲ ନିଆଯାଇଥିଲା । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଇମ୍ଫୋଭ୍ୟାଲି ଥାନା ଘଟଣାର ତଦନ୍ତ କରୁଛି। ଦୁର୍ଘଟଣା ଘଟାଇଥିବା ଟ୍ରକକୁ ପୋଲିସ ଜବତ କରିବା ସହ ଡ୍ରାଇଭରକୁ ଅଟକ ରଖିଥିବା ଜଣାପଡିଛି।
