ବଲାଙ୍ଗୀର, ୦୩/୧୨ : ଭାରସାମ୍ୟ ହରାଇ ରାସ୍ତାକଡ଼ ଦୋକାନ ଭିତରକୁ ମାଡିଗଲା ଟ୍ରକ୍। ନାଇଟ ଡ୍ୟୁଟି କରୁଥିବା ସିକ୍ୟୁରିଟି ଗାର୍ଡଙ୍କ ଟ୍ରକ୍ ଧକ୍କାରେ ମୃତ୍ୟୁ। ବଲାଙ୍ଗୀର ସହର ମୁଖ୍ୟ ମାର୍କେଟ ପାଟଣାଛକ ନିକଟରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ମୃତ ସିକ୍ୟୁରିଟି ଗାର୍ଡ ଜଣକ ହେଲେ ବଲାଙ୍ଗିର ସଦର ଥାନା ଅନ୍ତର୍ଗତ ବଘଲା ଗାଁର ସିଦ୍ଧାନ୍ତ ପ୍ରଧାନ।
ସୂଚନାନୁଯାୟୀ, ବଘଲା ଗାଁର ସିଦ୍ଧାନ୍ତ ପ୍ରଧାନ ରାଧିକା ହୋଟେଲରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟରତ ଥିଲେ। ସେ ସୋମବାର ରାତିରେ ହୋଟେଲରେ ଡ୍ୟୁଟି କରୁଥିଲେ। ବିଳମ୍ଵିତ ରାତିରେ ସେହି ବାଟ ଦେଇ ଯାଉଥିବା ଏକ ଟ୍ରକ୍ ଭାରସାମ୍ୟ ହରାଇ ଦୋକାନ ଭିତରକୁ ମାଡି ଯାଇଥିଲା। ଫଳରେ ଟ୍ରକ୍ ଧକ୍କାରେ ସିଦ୍ଧାନ୍ତଙ୍କ ମୃତ୍ୟୁ ହୋଇଛି। ସ୍ଥାନୀୟ ଲୋକେ ଟ୍ରକ୍ ଡ୍ରାଇଭର୍ଙ୍କୁ କାବୁ କରି ପୋଲିସ ଜିମା ଦେଇଛନ୍ତି।ସେପଟେ ମୃତ ସିକ୍ୟୁରିଟି ଗାର୍ଡଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ବଲାଙ୍ଗୀର ଭୀମଭୋଇ ମେଡିକାଲକୁ ପଠାଇ ଦିଆଯାଇଛି। ଘଟଣାସ୍ଥଳରୁ ଗାଡି ଜବତ କରି ଥାନାକୁ ନେଇଛି ଟାଉନ ଥାନା ପୋଲିସ।
