ନୂଆଦିଲ୍ଳୀ,୨୩।୬: ଗତ ୬ ମାସରେ ୟୁକ୍ରେନ୍- ରୁଷ ଉପରେ ୮ ଲକ୍ଷରୁ ଅଧିକ ଡ୍ରୋନ୍ ଆଟାକ୍ କରିବାର ଦାବି କରାଯାଇଛି। ଏଥିରେ ରୁଷ ସୈନିକଙ୍କୁ ଖୋଜି ଖୋଜି ମାରୁଥିବା ଏଫପିବି ଡ୍ରୋନ୍ରୁ ନେଇ ଲମ୍ବା ଦୂରଗାମୀ (୨୫୦୦ କିଲୋମିଟର) ପର୍ଯ୍ୟନ୍ତ ମାରିବା କ୍ଷମତା ରଖିଥିବା କାମେକାଜି ଡ୍ରୋନ୍ ରହିଛି। ନିଜେ ୟୁକ୍ରେନର ପ୍ରତିରକ୍ଷା ମନ୍ତ୍ରୀ ମାଇଖୋଲେ ଫେଡୋରୋଭ ଏହି ଦାବି କରିଛନ୍ତି।
ଫେଡରୋଭଙ୍କ କହିବା ଅନୁସାରେ, ଚଳିତ ବର୍ଷ ଅର୍ଥାତ ଜାନୁଆରୀରୁ ନେଇ ଏପର୍ଯ୍ୟନ୍ତ ୟୁକ୍ରେନ୍ ସେନାର ଅଲଗା ଅଲଗା ଡ୍ରୋନ୍ ୟୁନିଟ୍ ରୁଷ ଉପରେ ଆକ୍ରମଣ କରିଥିଲା, ଯାହାକି ଯୁଦ୍ଧକ୍ଷେତ୍ରର ୯୦ ପ୍ରତିଣତ ଆକ୍ରମଣ। ଏକାକୀ ମଇ ମାସରେ ୧.୮୧ ଲକ୍ଷ ଡ୍ରୋନ୍ ଆକ୍ରମଣ କରାଯାଇଥିଲା। ଫେଡରୋଭ ଏକ ଭିଡିଓ ସେୟାର କରି କହିଛନ୍ତି, ଯେଉଁଥିରେ ୟୁକ୍ରେନ୍ ଡ୍ରୋନ୍ ରୁଷର ସୈନିକଙ୍କଠାରୁ ନେଇ ଟ୍ୟାଙ୍କ ଓ ବଙ୍କରକୁ ଟାର୍ଗେଟ କରୁଥିବାର ଦେଖିବାକୁ ମିଳିଛି।
ୟୁକ୍ରେନ ଡ୍ରୋନ ଯୁଦ୍ଧ ମାଧ୍ୟମରେ ରୁଷକୁ ଯଥେଷ୍ଟ କ୍ଷତି ପହଞ୍ଚାଇଥିବା ଦାବି କରିଛି। ୟୁକ୍ରେନ ଲକ୍ଷାଧିକ ସଂଖ୍ୟାରେ ଫାଷ୍ଟ ପର୍ସନ ଡ୍ରୋନ୍ (FPV) ତିଆରି କରିଛି। ଗ୍ରେନେଡ କିମ୍ବା ବୋମା ସହିତ ସଜ୍ଜିତ ଏହି କ୍ଷୁଦ୍ର ଡ୍ରୋନଗୁଡ଼ିକ ଯୁଦ୍ଧକ୍ଷେତ୍ରରେ ରୁଷ ସୈନିକଙ୍କୁ ଟାର୍ଗେଟ କରନ୍ତି। ଏହାଛଡା ରୁଷ ଟ୍ୟାଙ୍କ, ସାମରିକ ଯାନ, ବଙ୍କର ଏବଂ ସାମରିକ ବାରାକ ଉପରେ ମଧ୍ୟ ଗ୍ରେନେଡ ପକାଇଛନ୍ତି। ଏହି ଡ୍ରୋନଗୁଡ଼ିକ ରୁଷୀୟ ସେନା ଭିତରେ ଆତଙ୍କ ସୃଷ୍ଟି କରିଛି।
FPV ଡ୍ରୋନ ବ୍ୟତୀତ, ୟୁକ୍ରେନ ୨୫୦୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କ୍ଷମତା ବିଶିଷ୍ଟ କାମିକାଜେ ଡ୍ରୋନ ମଧ୍ୟ ବିକଶିତ କରିଛି। ଏହି ଡ୍ରୋନଗୁଡ଼ିକ ମସ୍କୋ, ସେଣ୍ଟ ପିଟର୍ସବର୍ଗ ଏବଂ ରୁଷ ସୀମାଠାରୁ ଦୂରରେ ଥିବା ଅନ୍ୟାନ୍ୟ ଅଞ୍ଚଳରେ ପ୍ରମୁଖ ସାମରିକ ପ୍ରତିଷ୍ଠାନ, ତୈଳ ବିଶୋଧନାଗାର ଏବଂ ତୈଳ ଟର୍ମିନାଲଗୁଡ଼ିକୁ ଆକ୍ରମଣ କରିପାରିବ। ଏହି ଆକ୍ରମଣଗୁଡ଼ିକ ରୁଷକୁ ବହୁତ କ୍ଷତି ପହଞ୍ଚାଉଛି। ସୋମବାର ୟୁକ୍ରେନ ପଶ୍ଚିମ ରୁଷ ସହର ଭୋରୋନେଜରେ କିଞ୍ଜାଲ୍ ହାଇପରସୋନିକ୍ କ୍ଷେପଣାସ୍ତ୍ରରେ ବ୍ୟବହୃତ ଏକ ପ୍ରମୁଖ ଚିପ୍ ଏବଂ ସେମିକଣ୍ଡକ୍ଟର ପ୍ଲାଣ୍ଟ ଉପରେ ଆକ୍ରମଣ କରିଥିଲା। ଏହା କ୍ରିମିଆ ଉପରେ ମଧ୍ୟ ରୁଷର ଏକ ତୈଳ ଡିପୋ ଓ ଏସ୍-୪୦୦ ମିସାଇଲ ସିଷ୍ଟମର ରାଡାକୁ ମଧ୍ୟ ୟୁକ୍ରେନ୍ ଟାର୍ଗେଟ କରିଥିଲା।
ଅନ୍ୟପକ୍ଷରେ, ରୁଷର ପ୍ରତିଆକ୍ରମଣ ବାଲିଷ୍ଟିକ୍ କ୍ଷେପଣାସ୍ତ୍ର ଦ୍ବାରା ଜୋରଦାର ଥିଲା। ଯାହା ୟୁକ୍ରେନର ରାଜଧାନୀ କିଭ୍ ଏବଂ ଅନ୍ୟାନ୍ୟ ପ୍ରମୁଖ ସହରରେ ବ୍ୟାପକ ଧ୍ୱଂସ ଘଟାଇଛି। ରୁଷର ପଦାତିକ ସେନା ଡୋନବାସ ଏବଂ ଖେରସନ୍ ପ୍ରଦେଶରେ ଆଗକୁ ବଢ଼ିଛି, ୟୁକ୍ରେନୀୟ ମାଟିରେ ଥିବା ଗ୍ରାମ ଏବଂ ସହରଗୁଡ଼ିକୁ କବଜା କରିଛି। ତଥାପି, ଏହି ଆକ୍ରମଣରେ ରୁଷର ପ୍ରବଳ କ୍ଷତି ହେଉଛି। ସୋମବାର, ଜାତିସଂଘରେ ଆମେରିକାର ରାଷ୍ଟ୍ରଦୂତ ଡନ୍ ନେଗେରା ମଧ୍ୟ ଯୁଦ୍ଧ ବନ୍ଦ କରିବାକୁ ଆହ୍ୱାନ ଦେଇ କହିଛନ୍ତି ଯେ ଯୁଦ୍ଧ ସମୟରେ ପ୍ରତି ସପ୍ତାହରେ ୪୦ ଜଣ ରୁଷ ସୈନିକ ନିହତ ହେଉଛନ୍ତି। ତେଣୁ ଦୁଇ ଦେଶକୁ ଯୁଦ୍ଧ ବନ୍ଦ କରି ଶାନ୍ତି ପାଇଁ ପ୍ରସ୍ତୁତ ହେବା ଦରକାର।
ଆହୁରି ପଢନ୍ତୁ :ଏଲନ୍ ମସ୍କଙ୍କ କମ୍ପାନୀରେ କାମ କରିବା ସହଜ ନୁହେଁ ! ଟେସଲା କର୍ମଚାରୀଙ୍କ ଭିଡିଓ ଇଣ୍ଟରନେଟ୍ରେ ହେଲା ଭାଇରାଲ
