ନୂଆଦିଲ୍ଲୀ,୨୦/୦୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗ୍ରୀନଲାଣ୍ଡକୁ କବ୍ଜା କରିବାକୁ ବାରମ୍ବାର ଦେଉଥିବା ଧମକ ଦେଇ ଆସୁଛନ୍ତି । ଏହାରି ଭିତରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଗ୍ରୀନଲାଣ୍ଡକୁ ଆମେରିକାର ଅଂଶ ବୋଲି ଦର୍ଶାଇଛନ୍ତି । ପୋଷ୍ଟରେ ଟ୍ରମ୍ପଙ୍କୁ ଗ୍ରୀନଲାଣ୍ଡରେ ଏକ ଆମେରିକୀୟ ପତାକା ସହିତ ଚିତ୍ରିତ କରାଯାଇଛି । ତାଙ୍କ ପାଖରେ ବିଦେଶ ସଚିବ ମାର୍କୋ ରୁବିଓ ଏବଂ ଉପରାଷ୍ଟ୍ରପତି ଜେଡି ଭାନ୍ସ ଅଛନ୍ତି । ଟ୍ରମ୍ପ ଆନୁଷ୍ଠାନିକ ଭାବରେ ଗ୍ରୀନଲାଣ୍ଡକୁ ଆମେରିକୀୟ ଅଞ୍ଚଳ ଘୋଷଣା କରିବାକୁ ଦାବି କରି ଆସୁଥିବାବେଳେ ଏହି ପୋଷ୍ଟ ଚର୍ଚ୍ଚାର ବିଷୟ ହୋଇଛି ।
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗ୍ରୀନଲାଣ୍ଡ ବିରୁଦ୍ଧରେ ତାଙ୍କର ଧମକର କାରଣ ଭାବରେ ଜାତୀୟ ସୁରକ୍ଷାକୁ ବାରମ୍ବାର ଉଲ୍ଲେଖ କରିଛନ୍ତି । ସେ କହିଛନ୍ତି ଯେ, ଆମେରିକାକୁ ଏହାର ଜାତୀୟ ସୁରକ୍ଷା ପାଇଁ ଗ୍ରୀନଲାଣ୍ଡର ଆବଶ୍ୟକତା ଅଛି, ଏବଂ ଏହି କାରଣରୁ ସେ ଗ୍ରୀନଲାଣ୍ଡ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ଚାହାଁନ୍ତି । ଗ୍ରୀନଲାଣ୍ଡ ଏହାକୁ ବିରୋଧ କରି ଏହାର ସାର୍ବଭୌମତ୍ୱ ସହିତ କୌଣସି ପ୍ରକାରର ଆପତ୍ତି କରିବ ନାହିଁ ବୋଲି କହିଛି । ଗ୍ରାନଲାଣ୍ଡ ପାଇଁ ୭ ୟୁରୋପୀୟ ଦେଶ ୪୦ ସୈନ୍ୟ ପଠାଇଛନ୍ତି । ଯାହାକୁ ଏକ ପ୍ରହେଳିକା ଭାବେ ବିବେଚନା କରାଯାଉଛି । ମାତ୍ର ଏତିକି ସୈନ୍ୟରେ ଗ୍ରୀନଲାଣ୍ଡ କିପରି ଲଢିବା ତାହା ପ୍ରଶ୍ନ ସୃଷ୍ଟି କରିଛି ।
ଭେନେଜୁଏଲା ଉପରେ ଆକ୍ରମଣ ପରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବେ ଗ୍ରୀନଲାଣ୍ଡ ଉପରେ ଆଖି ପକାଇଛନ୍ତି । ଟ୍ରମ୍ପ ତାଙ୍କର ଉଦ୍ଦେଶ୍ୟ ସ୍ପଷ୍ଟ କରିଛନ୍ତି, ଏବଂ ଆମେରିକୀୟ ସେନାକୁ ଗ୍ରୀନଲାଣ୍ଡ ପଠାଯାଉଛି। ଟ୍ରମ୍ପ ଗ୍ରୀନଲାଣ୍ଡକୁ ମିଶାଇବାକୁ ଧମକ ଦେଇ ଚାଲିଛନ୍ତି । ବର୍ତ୍ତମାନ, ଏହି ପ୍ରସଙ୍ଗରେ ଆମେରିକା ଏବଂ ଅନେକ ୟୁରୋପୀୟ ଦେଶ ମୁହାଁମୁହିଁ ହୋଇଛନ୍ତି ଫଳରେ ପରିସ୍ଥିତି କ୍ରମାଗତ ଭାବରେ ଖରାପ ହେଉଛି ।
ଗ୍ରୀନଲାଣ୍ଡ କେଉଁଠି ?
ଗ୍ରୀନଲାଣ୍ଡ ହେଉଛି ଆର୍କଟିକ ମହାସାଗର ଏବଂ ଉତ୍ତର ଆଟଲାଣ୍ଟିକ ମହାସାଗର ମଧ୍ୟରେ ଅବସ୍ଥିତ ଏକ ଦ୍ୱୀପ । ଗ୍ରୀନଲାଣ୍ଡ କୌଣସି ଦେଶ ନୁହେଁ, ବରଂ ଡେନମାର୍କର ଏକ ସ୍ୱୟଂଶାସିତ ଅଞ୍ଚଳ । ଡେନମାର୍କ ଗ୍ରୀନଲାଣ୍ଡର ସୁରକ୍ଷା ଏବଂ ଅତ୍ୟାବଶ୍ୟକ ନୀତି ପାଇଁ ଦାୟୀ । ଗ୍ରୀନଲାଣ୍ଡର ମୋଟ ଜନସଂଖ୍ୟା ମାତ୍ର ୫୭,୦୦ ଏବଂ ଏହା ଏକ ସୁନ୍ଦର ସ୍ଥା । ଇନୁଇଟ୍ ସମୂଦାୟ, ଯାହାଙ୍କର ସରକାରୀ ଭାଷା ଗ୍ରୀନଲାଣ୍ଡିକ, ହଜାର ହଜାର ବର୍ଷ ଧରି ଏଠାରେ ବାସ କରି ଆସୁଛନ୍ତି ।
