ନୂଆଦିଲ୍ଲୀ,୨୨/୧ : ୧୯ ବର୍ଷରୁ କମ୍ ମହିଳା ଟି-ଟ୍ବେଣ୍ଟି ବିଶ୍ବକପରେ ଭାରତୀୟ ଦଳ ଦମଦାର ପ୍ରଦର୍ଶନ କରିଛି । ଲଗାତାର ଦ୍ବିତୀୟ ବିଜୟ ହାସଲ କରିଛି ଭାରତୀୟ ୟୁବା ଦଳ । ଟି-ଟ୍ବେଣ୍ଟି ବିଶ୍ବକପରେ ପ୍ରଥମେ ନେପାଳ ବିପକ୍ଷରେ ଓ ଦ୍ବିତୀୟ ମ୍ୟାଚରେ ମାଲେସିଆକୁ ହରାଇ ପଏଣ୍ଟ ତାଲିକାରେ ଶୀର୍ଷ ସ୍ଥାନ ବଜାୟ ରଖିଛି ଦଳ । ବୈଷ୍ଣବୀଙ୍କ ହ୍ୟାଟ୍ରିକ୍ ସହ ୫ଟି ୱିକେଟ ମିଳିଛି । ଫଳରେ ଆୟୋଜକ ମାଲେସିଆକୁ ୧୦ ୱିକେଟରେ ହରାଇ ଦମଦାର ବିଜୟ ହାସଲ କରିଛି ଭାରତୀୟ ମହିଲା କ୍ରିକେଟ ଦଳ ।

Debut ✅
Hat-trick ✅
Five wickets ✅

Vaishnavi Sharma etched her name in the record books 📚✏️

Scoreboard ▶️ https://t.co/3K1CCzgAYK#TeamIndia | #MASvIND | #U19WorldCup pic.twitter.com/NfbBNNs3zw

— BCCI Women (@BCCIWomen) January 21, 2025

ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଭାରତ । ମାଲେସିଆକୁ ବ୍ୟାଟିଂ ଆମନ୍ତ୍ରଣ ଦେଇଥିଲା ଇଣ୍ଡିଆ । ପ୍ରଥମେ ବ୍ୟାଟିଂ କରି ମାଲେସିଆ ୧୪.୩ ଓଭରରେ ମାତ୍ର ୩୧ ରନ କରି ଅଲଆଉଟ ହୋଇଥିଲା । ମାଲେସିଆର ଦଳୀୟ ସ୍କୋର ଅର୍ଦ୍ଧଶତକ ବି ହୋଇନଥିଲା । ଦଳର କେହି ବ୍ୟାଟର ୨ ଅଙ୍କ ଛୁଇଁପାରିନଥିଲେ । ଭାରତ ପକ୍ଷରୁ ଘାତକ ସାବ୍ୟସ୍ତ ହୋଇଥିଲେ ବୈଷ୍ଣବୀ ଶର୍ମା । ମାଲେସିଆ ବ୍ୟାଟରଙ୍କୁ ଘାଇଲା କରିଥିଲେ । ୪ ଓଭର ବୋଲିଂ କରି ଗୋଟିଏ ମେଡେନ ସହ ୫ରନ ଦେଇ ୫ଟି ୱିକେଟ ଅକ୍ତିଆର କରିଥିଲେ ।

୩୨ରନର ଛୋଟିଆ ବିଜୟ ଲକ୍ଷ୍ୟ ନେଇ ବ୍ୟାଟିଂ ଆରମ୍ଭ କରିଥିଲା ଭାରତ । ଯାହାକୁ ବିନା ୱିକେଟରେ ସହଜରେ ହାସଲ କରି ନେଇଥିଲା ନିକି ପ୍ରସାଦଙ୍କ ନେତୃତ୍ବାଧୀନ ଭାରତୀୟ ମହିଳା କ୍ରିକେଟ ଦଳ । ମାତ୍ର ୧୭ଟି ବଲରେ ବିଜୟ ଲକ୍ଷ୍ୟ ହାସଲ କରି ନେଇଥିଲା ଭାରତ । ଓପନିଂ ଯୋଡି ଗଙ୍ଗୋଦି ତ୍ରିଶା ୫ଟି ଚୌକା ବଳରେ ୨୭ ରନ ଓ ଜ. କମିଳିନୀ ୪ ରନ କରି ଅପରାଜିତ ରହିଥିଲେ । ଭାରତ ପକ୍ଷରୁ ବାମ ହାତୀ ସ୍ପିନର ଆୟୂଷୀ ଶୁକ୍ଳା ୩ଟି ୱିକେଟ ନେଇଥିଲେ ।

ଏହା ବି ପଢନ୍ତୁ...୧୯ବର୍ଷରୁ କମ୍‌ ମହିଳା ଟି-ଟ୍ୱେଣ୍ଟି ବିଶ୍ୱକପ୍‌: ନ୍ୟୁଜିଲାଣ୍ଡକୁ ହରାଇଲା ନାଇଜେରିଆ

୧୯ବର୍ଷରୁ କମ୍ ବିଶ୍ବକପରେ ପ୍ରଥମ ଭାରତୀୟ ଭାବେ ହ୍ୟାଟ୍ରିକ୍ ସହ ୫ ୱିକେଟ ନେଇ ଇତିହାସ ରଚିଥିବା ବାମ ହାତୀ ସ୍ପିନର ବୈଷ୍ଣବୀ ଶର୍ମା ପ୍ଲେୟାର ଅଫ୍ ଦ ମ୍ୟାଚ ବିବେଚିତ ହୋଇଥିଲେ । ଭାରତ ଗ୍ରୁପ-ଏ' ତାଲିକାରେ ମୋଟ ୪ ପଏଣ୍ଟ (+୯.୧୪୮) ସହ ଶୀର୍ଷ ସ୍ଥାନରେ ରହିଛି । ଶ୍ରୀଲଙ୍କା (+ ୫.୫୦୦) ସମାନ ସଂଖ୍ୟକ ପଏଣ୍ଟ ପାଇଥିଲେ ହେଁ ଦ୍ବିତୀୟ ସ୍ଥାନରେ ରହିଛି ।