ନୂଆଦିଲ୍ଲୀ,୨୦/୦୬: ବିଶିଷ୍ଟ ନିବେଶକ ତଥା ବର୍କସାୟାର ହାଥାୱେର ଅଧ୍ୟକ୍ଷ ୱାରେନ ବଫେଟ୍ ଜନକଲ୍ୟାଣ ଲାଗି ତାଙ୍କର ୯୯% ସମ୍ପତ୍ତି ଦାନ କରିବେ । ଏହି ସମ୍ପତ୍ତିର ମୂଲ୍ୟ ପ୍ରାୟ ୧୦୦ ବିଲିୟନ ଡଲାର ହେବ । ସମ୍ପତ୍ତିକୁ ପରବର୍ତ୍ତି ପିଢ଼ିଙ୍କ ଲାଗି ଛାଡି ଯିବା ପରିବର୍ତ୍ତେ ଏହାକୁ ଦାତବ୍ୟ କାମ ଲାଗି ବ୍ୟବହାର କରିବାକୁ ନିଷ୍ପତ୍ତି ନେଇଛନ୍ତି ବଫେଟ୍ । ତାଙ୍କର ଏହି ନୀତି ସାମାଜିକ ଉତ୍ତରଦାୟିତ୍ୱ , ସ୍ୱଚ୍ଛତା ଏବଂ ସୁଯୋଗ ଉପରେ ପର୍ଯ୍ୟବେସିତ ।
୨୦୨୪ରେ ସେ ଏକ ବିବୃତ୍ତିରେ କହିଥିଲେ, କୌଣସି ବଂଶଗତ ଐତିହ୍ୟ ରଖିବାକୁ ଆଗ୍ରହୀ ନୁହେଁ । ସମାଜରେ ସକରାତ୍ମକ ପ୍ରଭାବ ଆଣିବା ଦିଗରେ ସମ୍ପତ୍ତିର ଅର୍ଥ ଖର୍ଚ୍ଚ ହେଉ । ସମ୍ପତ୍ତି କୌଣସି ଏକକ ପରିବାରରେ ନ ରହି ସମାଜକୁ ପ୍ରତିଦାନ ଦେବା ଉଦ୍ଦେଶ୍ୟରେ ବ୍ୟବହାର କରାଯାଉ । ମୋ ମୃତ୍ୟୁ ପରେ ଦାତବ୍ୟ ଅନୁଷ୍ଠାନର ଦେଖାରେଖା ପରିବାର ଦାୟାଦ ମାନେ କରିବେ । ଦାତବ୍ୟ କାର୍ଯ୍ୟକ୍ରମକୁ ସେମାନେ ଆଗକୁ ଜାରି ରଖିବେ ବୋଲି ସେ କହିଛନ୍ତି ।
ଅଧିକ ପଢ଼ନ୍ତୁ :- Reliance Jio : ଆଇପିଓ ଆଣିବ ଜିଓ, ଉପଗ୍ରହ ଇଣ୍ଟରନେଟ୍ ସେବା ଆରମ୍ଭ କରିବ ରିଲାଏନ୍ସ
ଉଲ୍ଲେଖଯୋଗ୍ୟ, ବିଗତ କିଛି ଦଶନ୍ଧି ଧରି ୱାରେନ ବଫେଟ୍ ବୃହତ ପରିମାରଣ ଅର୍ଥ ଦାନ କରିଛନ୍ତି । ଶିକ୍ଷା, ସ୍ୱାସ୍ଥ୍ୟ, ଦାରିଦ୍ର୍ୟ ଦୂରୀକରଣ, ସାମାଜିକ ବିକାଶ ଭଳି କ୍ଷେତ୍ରରେ ଏହି ଅର୍ଥ ବିନିଯୋଗ କରାଯାଇଛି ।
