ନୂଆଦିଲ୍ଲୀ,୫।୧୨: ଆମେ ସବୁ ଜାଣୁ ପାଣି ଆମ ଜୀବନ ପାଇଁ କେତେ ଜରୁରୀ, କିନ୍ତୁ ଏହାପରେ ଲୋକ ପାଣି ନଷ୍ଟ କରୁଛନ୍ତି। ଏହାକୁ ଦେଖି ଏବେ କର୍ଣ୍ଣାଟକର ରାଜଧାନୀ ବେଙ୍ଗାଲୁରରେ ଏଆଇ ସ୍ମାର୍ଟ ଓ୍ବାଟର ମିଟର ଲଗା ହେବାକୁ ଯାଉଛି। ଏହି ନିଷ୍ପତ୍ତି ରାଜସ୍ବ ଭରଣା ପାଇଁ ନିଆଯାଇଛି। ଏହା ସହ ମିଟର ସାହାଯ୍ୟରେ କିଛି ଦୂର ପର୍ଯ୍ୟନ୍ତ ପାଣି ନଷ୍ଟକୁ ମଧ୍ୟ ରୋକିହେବ। ଆସନ୍ତୁ ଜାଣିବା ଏହି ସ୍ମାର୍ଟ ମିଟର କିଭଳି କାମ କରେ ?
ଉଲ୍ଲେଖନୀୟ ଯେ, ଏଆଇ ସ୍ମାର୍ଟ ମିଟର ଏକ ଅତ୍ୟାଧୁନିକ ଟେକ୍ନୋଲୋଜି, ଯାହାକି ପାଣି ନଷ୍ଟକୁ ମାପିବା ଓ କଟକଣା ଲଗାଇବାରେ ସାହାଯ୍ୟ କରିଥାଏ। ଏହି ମିଟର ପରମ୍ପରାଗତ ଓ୍ବାଟର ମିଟରଠାରୁ ବହୁ ଗୁଣାରେ ଉନ୍ନତ ଓ ସଠିକ। କାରଣ ଏଥିରେ ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ)ର ବ୍ୟବହାର କରାଯାଇଛି।
ଏଆଇ ସ୍ମାର୍ଟ ଓ୍ବାଟର ମିଟରର ମୁଖ୍ୟ ଉଦେଶ୍ୟ ପାଣିର ଅଭାବକୁ ରିୟଲ-ଟାଇମ୍ରେ ମନିଟର କରିବା ଓ ଉପଯୋଗକାରୀଙ୍କ ସଠିକ ଡାଟା ପ୍ରଦାନ କରିବା। ମିଟରରେ ହାଇ ସେନ୍ସର ପାଣି ଚାଲିଥାଏ। ଚାପ ଓ ପାଣିର ଚାପକୁ ମାପିଥାଏ, ଏହି ସେନ୍ସର ପ୍ରତି ସେକେଣ୍ଡ ଡାଟା ରେକର୍ଡ କରିଥାଏ ଯାହାଫଳରେ ପାଣି ନଷ୍ଟର ବିସୃତ ବିଶ୍ଲେଷଣ କରିହେବ। ଏଆଇ ସ୍ମାର୍ଟ ମିଟର ଇଣ୍ଟରନେଟ୍ ଅଫ୍ ଥିଙ୍ଗସ୍ ଟେକ୍ନୋଲୋଜି ମାଧ୍ୟମରେ ରିୟଲ-ଟାଇମ୍ ଡାଟା ଉପଯୋଗକାରୀଙ୍କ ସ୍ମାର୍ଟଫୋନ୍ ସମ୍ପର୍କିତ ଡାସ୍ବୋର୍ଡରେ ପଠାଇଥାଏ। ଏହି ଡାଟା ଉପଭୋକ୍ତାଙ୍କୁ ପାଣି ଖର୍ଚ୍ଚ କରିବାର ସଠିକ ମାପ ଦେଇଥାଏ। ଏହି ମିଟରରେ ଏଆଇ ଆଲଗୋରିଦିମ୍ ଉପଯୋଗ କରାଯାଇଥାଏ, ଯାହାକି ପାଣିର ଉପଯୋଗର ପାର୍ଟନକୁ ଚିହ୍ନଟ କରିଥାଏ। ଏହି ଟେକ୍ନୋଲୋଜି ସମ୍ଭାବିତ ଲିକ୍, ପାଣିର ଅପଚୟ ଓ ଅନିୟମିତତା ଭଳି ସମସ୍ୟାର ତୁରନ୍ତ ଚିହ୍ନଟ କରି ସୂଚିତ କରିଥାଏ।
ଯେତେବେଳେ ପାଣିର ଅପଚୟ ସ୍ବାଭାବିକଠାରୁ ଅଧିକ ହୋଇଥାଏ, ମିଟର ଉପଭୋକ୍ତାକୁ ଆର୍ଲଟ ପଠାଇଥାଏ। ଏହି ଟେକ୍ନୋଲୋଜି ପାଣିର ଅପବ୍ୟାୟକୁ ରୋକିବାରେ ସାହାଯ୍ୟ କରିଥାଏ। ଏହି ମିଟରର ବହୁ ଫାଇଦା ମଧ୍ୟ ରହିଛି। ଏଆଇ ଆଧାରିତ ଏହି ଟେକ୍ନୋଲୋଜି ଉପଭୋକ୍ତାଙ୍କ ପାଣି ଖର୍ଚ୍ଚକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ। ଏହାଛଡା ଛୋଟ ଛୋଟ ଲିକେଜ୍ ମଧ୍ୟ ତୁରନ୍ତ ଧରାପଡିଥାଏ।
