ରିଆମାଳ,୧୮/୧୧: କରଲଗା ଗାଁରେ ଥିବା ବିଦ୍ୟୁତ ବିଭାଗର ଗ୍ରୀଡ଼ରୁ ଚୋରି କରିବାକୁ ଆସିଥିବା ବେଳେ ମାଡ଼ି ବସିଲା ପୋଲିସ । ଏହି ଘଟଣାରେ ଦୁଅ ଜଣଙ୍କୁ ଅଟକ ରଖାଯାଇ ଥିବା ବେଳେ ଏକ ଟାଟା ଏସି ଗାଡ଼ିକୁ ଜବତ କରାଯାଇଛି । ଅନୁଗୁଳ ଜିଲ୍ଲା ରିଆମାଳ ବ୍ଲକ କୁଣ୍ଢେଇଗୋଳା ଥାନା ଖଇରପାଲି ଫାଣ୍ଡି ଅନ୍ତର୍ଗତ କରଲଗା ଗାଁରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ରବିବାର ରାତି ୧୧ଟାରୁ ୧ ଟା ମଧ୍ୟରେ ଚୋରି କରିବା ପାଇଁ କିଛି ଦୁର୍ବୃତ୍ତ ଆସି ବିଦ୍ୟୁତ ବିଭାଗର ଗ୍ରୀଡ଼କୁ ପଶିଥିଲେ । ଏହା ଜଣା ପଡିବା ପରେ ଖଇରପାଲି ପୋଲିସ ତତ୍ପରତାର ସହିତ ଉକ୍ତ ସ୍ଥାନରେ ପହଞ୍ଚିଥିଲା । ସେଠାରେ ପହଞ୍ଚି ଏକ ଟାଟା ଏସି ନଂ ଓଡି ୩୫ ଇ ୫୦୧୯ ଗାଡିକୁ ଜବତ କରିବା ସହିତ ଦୁଇ ଜଣଙ୍କୁ ଅଟକ ରଖିଛି ପୋଲିସ । ଅଭିଯୁକ୍ତଙ୍କୁ ଅଟକ ରଖି ତଦନ୍ତ ଚଳାଇଛି ପୋଲିସ । ତେବେ ବର୍ତ୍ତମାନ ଅନୁଗୁଳ ଜିଲ୍ଲାରେ ଦୁର୍ବୃତ୍ତ ମାନେ ଶାନ୍ତ ରିଆମାଳ ବ୍ଲକ କୁଣ୍ଢେଇଗୋଳ ଥାନା ଅଞ୍ଚଳକୁ ଆଶାନ୍ତ କରିବା ସହିତ ବହୁ ଚୋରି ତଥା ଅନ୍ୟ କାର୍ଯ୍ୟରେ ଲିପ୍ତ ରହିଥିବା ଜଣା ପଡିଛି l