ନୂଆଦିଲ୍ଲୀ : ମାଲେସିଆର ରାଜଧାନୀରେ ଏକ ୧୩୦ ବର୍ଷର ପୁରୁଣା ହିନ୍ଦୁ ମନ୍ଦିରକୁ ଭାଙ୍ଗିବା ଓ ଏହାକୁ ଅନ୍ୟତ୍ର ସ୍ଥାନାନ୍ତରଣ କରାଯିବା ନେଇ ବିପଦ ଘନେଇଛି, କାରଣ କୁଆଲାଲମପୁରର ମଧ୍ୟ ଭାଗରେ ଯେଉଁ ମୁଖ୍ୟ ସ୍ଥାନରେ ଏହି ମନ୍ଦିରଟି ଅଛି ,ଏହାକୁ ଟେକ୍ସଟାଇଲ୍ ଜିଆଣ୍ଟ ଜ୍ୟାକେଲଙ୍କୁ ବିକ୍ରି କରି ଦିଆ ଯାଇଛି, ଯିଏକି ଏହି ସ୍ଥାନରେ ଏକ ମସଜିଦ୍ ତିଆରି କରିବାକୁ ଯୋଜନା କରୁଛନ୍ତି।
ଭକ୍ତମାନେ ମନ୍ଦିରର ମୁଖ୍ୟ ଦେବତା , ଦେବୀ ଶ୍ରୀ ପଥରା କାଳିଅମ୍ମା ଅମ୍ମାଙ୍କର ପୂଜା ଅନେକ ପିଢିରୁ କରି ଆସୁଛନ୍ତି। ଦେବୀ ଶ୍ରୀ ପଥରାକାଳିଅମ୍ମନ ମନ୍ଦିର ମୂଳତଃ ସରକାରୀ ଭୂମିରେ ତିଆରି କରାଯାଇ ଥିଲା,ଯାହାକୁ ୨୦୧୪ରେ ଜ୍ୟାକେଲ୍ଙ୍କୁ ବିକ୍ରି କରାଯାଇ ଥିଲା ଏବଂ ଉଦ୍ଦେଶ୍ୟ ସ୍ପଷ୍ଟ ଥିଲା- କମ୍ପାନୀର ଦିବଙ୍ଗତ ସଂସ୍ଥାପକ ମହମ୍ମଦ ଜ୍ୟାକେଲ୍ ଅହମ୍ମଦ ଏହି ସ୍ଥାନରେ ୪ର୍ଥ ମସଜିଦ୍ ତିଆରି କରିବା ଓ ଏହାକୁ ମୁସଲିମ୍ ସଂପ୍ରଦାୟକୁ ଉପହାର ସ୍ୱରୂପ ଦେବାର ଯୋଜନାରେ ଜମି କିଣି ଥିଲେ।
ସାଉଥ୍ ଚାଇନା ମର୍ଣ୍ଣିଂ ପୋଷ୍ଟର ରିପୋର୍ଟ ଅନୁସାରେ , ମସଜିଦ୍ ତିଆରି ପାଇଁ ହିନ୍ଦୁ ମନ୍ଦିରକୁ ସ୍ଥାନାନ୍ତରିତ କରିବାର ପରାମର୍ଶ ଉପରେ ସାର୍ବଜନିକ ପ୍ରତିକ୍ରିୟାକୁ ନିମନ୍ତ୍ରଣ କରାଯାଇଛି ,ଯେଉଁଥିରେ ମାଲେସିଆରେ ଧାର୍ମିକ ସମାନତାକୁ ନେଇ ଦୀର୍ଘ ଦିନରୁ ଚାଲିଥିବା ଅଭିଯୋଗ ଗୁଡ଼ିକ ତେଜି ଉଠିଛି। ଏହିସବୁ ଆଶଙ୍କା କରାଯିବା ଜାରି ରହିଛି ଯେପର୍ଯ୍ୟନ୍ତ ଏକ ପୂର୍ଣ୍ଣ କାର୍ଯ୍ୟାନୁଷ୍ଠାନ ନିଆଯାଇ ନାହିଁ, କାରଣ ନୂଆ ମସଜିଦ୍ ପାଇଁ ଭୂମିପୂଜନ ଉତ୍ସବ ବିଷୟରେ ଖବର ଆସିବା ପର୍ଯ୍ୟନ୍ତ, ଆଲୋଚନା ପେଣ୍ଡିଂ ରହିବା ଯାଏ ବିଧ୍ୱଂସକୁ ରୋକି ଦିଆ ଯାଇଥିଲା, ଯାହା ଗୁରୁବାର ୨୭ ମାର୍ଚ୍ଚକୁ ନିର୍ଦ୍ଧାରିତ କରାଯାଇଛି। ଏହି ଉତ୍ସବର ପରିଚାଳନା ପ୍ରଧାନମନ୍ତ୍ରୀ ଅନୱର ଇବ୍ରାହିମ କରିବେ।
ରିପୋର୍ଟ ଅନୁସାରେ , ଜ୍ୟାକେଲ୍ ପୂଜା ସ୍ଥଳୀକୁ ସ୍ଥାନାନ୍ତରିତ କରିବା ପାଇଁ ଭୂମି କିଣିବା ପର ଠାରୁ ମନ୍ଦିର କମିଟି ସହ କଥାବାର୍ତ୍ତା କରୁଛନ୍ତି ଏବଂ ସ୍ଥାନାନ୍ତରଣର ମୂଲ୍ୟକୁ ପେମେଣ୍ଟ କରିବାକୁ ପ୍ରସ୍ତାବ ଦେଇଛନ୍ତି। ୨୦୨୧ରେ , କମ୍ପାନୀକୁ ସାଇଟ୍ରେ ଏକ ମସଜିଦ୍ର ନିର୍ମାଣ ଆରମ୍ଭ କରିବାର ଅନୁମତି ମିଳିଛି, କିନ୍ତୁ ମନ୍ଦିରକୁ ସ୍ଥାନାନ୍ତିରତ କରିବାର ପ୍ରକ୍ରିୟା ପାଇଁ ସମ୍ମାନର କାରଣ ପ୍ରକ୍ରିୟାରେ ବିଳମ୍ୱ ହୋଇଛି।
ଲାୟର୍ସ ଫର୍ ଲିବର୍ଟିର କାର୍ଯ୍ୟକାରୀ ନିର୍ଦ୍ଦେଶକ ଜୈଦ ମାଲେକ ଏହା ଉପରେ ପ୍ରଶ୍ନ କରି କହିଛନ୍ତି ଯେ, ମନ୍ଦିର,ଜ୍ୟାକେଲ୍ ଓ ସିଟି ହଲ୍ ମଧ୍ୟରେ ଆଲୋଚନା ଏବେ ବି ଜାରି ରହିଛି। “ଅନୱର ଏହି ପ୍ରକ୍ରିୟାକୁ ପୂରା କରିବା ପାଇଁ ଆବଶ୍ୟକୀୟ ସ୍ଥାନ ଓ ସମୟ ଦେବାକୁ କାହିଁକି ପ୍ରସ୍ତୁତ ନୁହଁନ୍ତି ? ଏହା ଅସ୍ୱୀକାର୍ଯ୍ୟ ଯେ, ଅନୱରଙ୍କୁ ଲାଗୁଛି ଯେ, ମନ୍ଦିରକୁ ହଟାଇବା ଉଚିତ୍ , ଏହାକି ଏହି ସ୍ଥାନରେ ମସଜିଦ ତିଆରି କରାଯାଇ ପାରିବ ” , ଜୈଦ କହିଛନ୍ତି।
ସୋସିଆଲ ମିଡ଼ିଆରେ ମଧ୍ୟ ଏହିପରି ଚର୍ଚ୍ଚା ହେଉଛି , କାରଣ ପ୍ରସ୍ତାବିତ ମସଜିଦ୍ର ନିର୍ମାଣ ପାଇଁ ସ୍ୱର ଉଠୁଛି-କଥିତ ଭାବେ ଏହାର ନାଁ ପିଏମଙ୍କର “ମାଲେସିଆ ମଦାନି” ନାରାର ଆଧାରେ ମସଜିଦ୍ ମଦାନୀ ରଖାଯିବ –ଯାହାକି ଅନାବଶ୍ୟକୀୟ ସଂଘର୍ଷରୁ ରକ୍ଷା ପାଇ ପାରିବ। ପିଏମ ଅନୱର ଗତ ଶୁକ୍ରବାର କହିଥିଲେ ଯେ ମସଜିଦ୍ର ନିର୍ମାଣ ମନ୍ଦିରର ଦ୍ୱିତୀୟ ସ୍ଥାନକୁ ସ୍ଥାନାନ୍ତରିକ ହେବା ପରେ ହିଁ କରାଯିବ।
ଏହି ସମୟରେ , କିଛି ମାଲୟ ମୁସଲମାନ ମନ୍ଦିରର ବର୍ତ୍ତମାନ ବ୍ୟକ୍ତିଗତ ମାଲିକାନା ଜମିରେ ରହିବା ଅଧିକାର ଉପରେ ପ୍ରଶ୍ନ ଉଠାଇଛନ୍ତି ଏବଂ କହିଛନ୍ତି ଯେ ଜମି ମାଲିକଙ୍କୁ ଦିବଙ୍ଗତ ମହମ୍ମଦ ଜାକେଲଙ୍କ ସ୍ୱପ୍ନକୁ ପୂରଣ କରିବାକୁ ଅନୁମତି ଦିଆଯିବା ଉଚିତ୍। ମାଲୟ ରାଷ୍ଟ୍ରବାଦୀ ପାର୍ଟି ଉମନୋର ଫାୟାରବ୍ରାଣ୍ଡ ନେତା ଅକମଲ ସାଲେହ କହିଛନ୍ତି ଯେ, ମନ୍ଦିର ପ୍ରବନ୍ଧନ ଅନେକ ଦଶକ ପରେ ମଧ୍ୟ ଜମିର ମାଲିକାନା ହାସଲ କରିବାରେ ବିଫଳ ରହିଛନ୍ତି।
ମନ୍ଦିର ସମିତି ନିଜର ପ୍ରାଥମିକତା ବ୍ୟକ୍ତି କରିଛି ଯେ, ପୂଜା ସ୍ଥଳ ନିଜର ବର୍ତ୍ତମାନ ସ୍ଥାନରେ ହିଁ ରହୁ ଏବଂ କହିଛି ଯେ ଏହା ମଲଟିକଲଚରାଲ ସୋସାଇଟି ( ବହୁସାଂସ୍କୃତିକ ସମାଜ)ରେ ସହାବସ୍ଥାନ ଓ ଧାର୍ମିକ ସ୍ୱାଧୀନତାର ମୂଲ୍ୟବୋଧକୁ ବଜାୟ ରଖିବା ପାଇଁ ନିକଟରେ ଯେକୌଣସି ବି ନୂଆ ନିର୍ମାଣ ସହ ସହବାସ୍ଥାନ କରିପାରିବ।
