ଭୁବନେଶ୍ୱର,୨୫/୦୪: ଯଦି ଜଣେ ବୋର୍ଡ଼ ପରୀକ୍ଷାରେ ଫେଲ୍‌ ହୋଇଛନ୍ତି, ତେବେ ତାଙ୍କ ପାଖରେ ଆଉ ଏକ ସୁଯୋଗ ରହିଛି, ଯଦ୍ଦ୍ୱାରା ଗୋଟିଏ ବର୍ଷ ବର୍‌ବାଦ ହେବ ନାହିଁ । ନ୍ୟାସ୍‌ନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଓପନ୍‌ ସ୍କୁଲିଙ୍ଗ୍‌ (ଏନ୍‌ଆଇଓଏସ୍‌) ରେ ଷ୍ଟ୍ରିମ୍‌-୨ରେ ମେ’ ୧ରୁ ନାମଲେଖା ପ୍ରକ୍ରିୟା ଆରମ୍ଭ ହେବାକୁ ଯାଉଛି । ଏହି  ଉଦ୍ଦେଶ୍ୟରେ ଆବେଦନ କରୁଥିବା ଛାତ୍ରଛାତ୍ରୀଙ୍କ ପରୀକ୍ଷା ଅକ୍ଟୋବର ଏବଂ ନଭେମ୍ବର ମାସରେ କରାଯିବ । ଡିସେମ୍ବରରେ ଏହାର ଫଳାଫଳ ଜାରି ହେବ ।  

ଏହା ସହିତ ଏନ୍‌ଆଇଓଏସ୍‌ରେ ଅସଫଳ ହୋଇଥିବା ଛାତ୍ରଛାତ୍ରୀଙ୍କ ନିମନ୍ତେ  ଅନ୍‌ ଡିମାଣ୍ଡ ଏଗ୍‌ଜାମର ବିକଳ୍ପ ମଧ୍ୟ ଅଛି । ଏଥିପାଇଁ ଫେଲ୍‌ ଛାତ୍ରଛାତ୍ରୀମାନଙ୍କ  ମୂଳ ବୋର୍ଡ଼ରୁ ଯେଉଁ ଦୁଇଟି ବିଷୟରେ ଉତ୍ତୀର୍ଣ୍ଣ ହୋଇଛନ୍ତି, ସେମାନଙ୍କ ଅଙ୍କ  ଏନ୍‌ଆଇଓଏସ୍‌ ତରଫରୁ ଏହିଭଳି ଭାବେ ମିଶାଇ ଦିଆଯିବ । ଛାତ୍ରଛାତ୍ରୀଙ୍କୁ  କେବଳ ତିନୋଟି ବିଷୟରେ ପରୀକ୍ଷା ଦେବାକୁ ହେବ ।  ଅନ୍‌ ଡିମାଣ୍ଡ ଏଗ୍‌ଜାମ ନିମନ୍ତେ ଆବେଦନ କରିବା ଦ୍ୱାରା ମାସେରୁ ଦେଢ଼ ମାସ  ମଧ୍ୟରେ ପରୀକ୍ଷା କରାଯିବ । ଛାତ୍ରଛାତ୍ରୀ ଏନ୍‌ଆଇଓଏସ୍‌ର ୱେବ୍‌ସାଇଟ୍‌ ପରିଦର୍ଶନ  କରି ଆବେଦନ କରିପାରିବେ । ଏହି ଦୁଇଟି ବିକଳ୍ପରେ ପ୍ରତି ବର୍ଷ ହଜାର ହଜାର  ସଂଖ୍ୟାରେ ଛାତ୍ରଛାତ୍ରୀ ଆବେଦନ କରିପାରିବେ ।