ନୂଆଦିଲ୍ଲୀ,୭।୫: କ’ଣ ଆପଣଙ୍କ ଆକାଉଣ୍ଟ ପଞ୍ଜାବ ନ୍ୟାସନାଲ ବ୍ୟାଙ୍କ(ପିଏନ୍ବି)ରେ ରହିଛି ? ଯଦି ହଁ ତେବେ ଖବର ଆପଣଙ୍କ ପାଇଁ ଖୁବ୍ ଗୁରୁତ୍ବପୂର୍ଣ୍ଣ। ପିଏନ୍ବି ପକ୍ଷରୁ ସେହି ଗ୍ରାହକ କିମ୍ବା ଆକାଉଣ୍ଟ ହୋଲ୍ଡର୍ସଙ୍କୁ ଆର୍ଲଟ ଜାରି କରାଯାଇଛି, ଯାହାଙ୍କ ଖାତାରେ ଗତ ତିନି ବର୍ଷ ହେବ କୌଣସି ଟ୍ରାଞ୍ଜାକସନ୍ ନାହିଁ ଓ ସେହି ଆକାଉଣ୍ଟରେ ଟଙ୍କା ମଧ୍ୟ ନାହିଁ। ଏଭଳି ଖାତାକୁ ଏକ ମାସରେ ବନ୍ଦ କରିଦିଆଯିବ। ଏଭଳି ସ୍ଥିତିରେ ଯଦି ଆପଣ ମଧ୍ୟ ନିଜର ପିଏନ୍ବି ଆକାଉଣ୍ଟରେ ୩ ବର୍ଷ ହେବ କୌଣସି ଲେଣ-ଦେଣ ନକରନ୍ତି, ତେବେ ଧାର୍ଯ୍ୟ କରାଯାଇଥିବା ସମୟରେ ନିଶ୍ଚିତ କରନ୍ତୁ।
ପବ୍ଲିକ୍ ସେକ୍ଟରରେ ପିଏନ୍ବି ନିଜ ଗ୍ରାହକଙ୍କୁ ଚେତାବନୀ ଦେଇ କହିଛି, ଯଦି ତାଙ୍କ ଖାତାରେ ଗତ ତିନି ବର୍ଷରେ କୌଣସି ପ୍ରକାର ଲେଣ ଦେଣ ହୋଇନି ଓ ତାଙ୍କ ଆକାଉଣ୍ଟରେ ବାଲାନ୍ସ ନାହିଁ, ତେବେ ଏକ ମାସରେ ଏହି ଖାତାକୁ ସସପେଣ୍ଡ କରି ଦିଆଯିବ। ଏହି ପଦକ୍ଷେପ ପିଏନ୍ବି ଦ୍ବାରା ଅପରେଟ୍ ନ ହୋଇଥିବା ଏଭଳି ଖାତାର ମିସ୍ୟୁଜକୁ ରୋକିବା ପାଇଁ ଉଠାଯାଇଛି। ନୋଟିଫିକେସନ୍ ଜାରି କରି ପିଏନ୍ବି କହିଛି, ଏଭଳି ସବୁ ଖାତାର କ୍ୟାଲକୁଲେସନ୍ ୩୦ ଏପ୍ରିଲ ୨୦୨୪ ଆଧାରରେ କରାଯିବ।
ପିଏନ୍ବି ନ୍ୟାସନାଲ ବ୍ୟାଙ୍କ ନିଜର ନୋଟିଫିକେସନ୍ରେ ସ୍ପଷ୍ଟ କରିଛନ୍ତି ଏକ ମାସ ପରେ ଏଭଳି ଆକାଉଣ୍ଟକୁ ବିନା ନୋଟିସ୍ରେ ବନ୍ଦ କରି ଦିଆଯିବ। ତେବେ ଏଭଳି ଆକାଉଣ୍ଟ, ଯାହାକି ଡିମାଟ୍ ଖାତା ସହ ଲିଙ୍କ ଅଛି, ତାକୁ ବନ୍ଦ କରାଯିବନି। ସେଭଳି ୨୫ ବର୍ଷରୁ କମ୍ ବୟସର ଗ୍ରାହକ ଥିବା ଷ୍ଟୁଡେଣ୍ଟ ଆକାଉଣ୍ଟ, ନାବାଳିକାଙ୍କ ଖାତା, SSY/PMJJBY/PMSBY/APY ଭଳି ସ୍କିମ୍ ପାଇଁ ଖୋଲାଯାଇଥିବା ଖାତାକୁ ମଧ୍ୟ ସସପେଣ୍ଡ କରାଯିବନି।
