ନୂଆଦିଲ୍ଲୀ,୮।୫: ଶରଦ ପାଓ୍ବାର ଲୋକସଭା ନିର୍ବାଚନ ୨୦୨୪ ପରେ ରାଜନୈତିକ ଫଟୋକୁ ନେଇ ବଡ ଭବିଷ୍ୟବାଣୀ କରିଛନ୍ତି। ସେ କହିଛନ୍ତି, ସାଧାରଣ ନିର୍ବାଚନ ପରେ ବହୁ କ୍ଷେତ୍ରୀୟ ଦଳ କଂଗ୍ରସ ନେତାଙ୍କ ନିକଟର ହେବ। ଏହାଛଡା କିଛି ଦଳ କଂଗ୍ରେସରେ ବିଲୟ ହୋଇପାରେ। ବିରୋଧି ଦଳର ବରିଷ୍ଠ ନେତା ଶରଦ ପାଓ୍ବାର କହିଛନ୍ତି, ଆଗାମୀ କିଛି ବର୍ଷରେ କୌଣସି ଦଳ କଂଗ୍ରେସର ନିକଟତର ହେବ। କେବଳ ସେତିକି ନୁହେଁ କିଛି କଂଗ୍ରେସରେ ବିଲୟ ହେବାର ବିକଳ୍ପ ଉପରେ ବିଚାର କରିପାରନ୍ତି। ଯଦି ତାଙ୍କୁ ଲାଗୁଛି ତାଙ୍କ ଦଳ ପାଇଁ ଏହା ଭଲ ହେବ। ଏକ ସାକ୍ଷାତକାରରେ ଶରଦ ପାଓ୍ବାର ଏଭଳି ଏକ ହିଣ୍ଟ ଦେଇଛନ୍ତି।
ତାଙ୍କୁ ଯେତେବେଳେ ପଚରା ଯାଇଥିଲା ଏହି କଥା ତାଙ୍କ ଦଳ ଏନ୍ସିପି ଶରଦ ଚନ୍ଦ୍ର ପାଓ୍ବାରଙ୍କ ଉପରେ ଲାଗୁ ହେଉଛି କି ନାହିଁ ? ଏହାର ଉତ୍ତରରେ ସେ କହିଥିଲେ ମୁଁ କଂଗ୍ରେସ ଓ ନିଜ ଦଳ ଭିତରେ ପ୍ରାର୍ଥକ୍ୟ ଦେଖିବାକୁ ଚାହୁଁନି। ବିଚାରଗତ ଭାବରେ ଆମେ ଗାନ୍ଧୀ ଓ ନେହୁରୁଙ୍କୁ ହିଁ ମାନୁ।’ ମୁଁ ଏବେ ବି କିଛି କହିପାରୁନି। ମୋ ସାଥିଙ୍କ ସହିତ କଥା ନହୋଇ କିଛି କରିବାକୁ ଚାହୁଁନି। ଆଗର ରଣନୀତି ଓ ପଦକ୍ଷେପ ଉପରେ ସାମୁହିକ ରୂପରେ ନିଷ୍ପତ୍ତି ନେବୁ।
ପାଓ୍ବାର ଯଦିଓ ଖୋଲିକି କିଛି କହି ନାହାନ୍ତି କିନ୍ତୁ ଇଶାରାରେ କଂଗ୍ରେସରେ ବିଲୟ ହୋଇପାରେ ବୋଲି କହିଛନ୍ତି। ଶରଦଙ୍କ ଏଭଳି ଟିପ୍ପଣୀ ସେହି ସମୟରେ ଆସିଛି, ଯେତେବେଳେ କଂଗ୍ରେସଠାରୁ ଅଲଗା ହୋଇ ତିଆରି ହୋଇଥିବା ଦଳର ନେତୃତ୍ବ ଏବେ ତାଙ୍କର ଦ୍ବିତୀୟ ପିଢୀ ହାତରେ ରହିଛି।
