ନୂଆଦିଲ୍ଲୀ,୦୩/୧୦: ଡୋନାଲ୍ଡ ଟ୍ରମ୍ପଙ୍କୁ ପରିହାସ କଲେ ଆଲବାନିଆ ପ୍ରଧାନମନ୍ତ୍ରୀ ଡୋନାଲ୍ଡ ଟ୍ରମ୍ପ। ଡେନମାର୍କର କୋପେନହେଗେନରେ ଅନୁଷ୍ଠିତ ୟୁରୋପୀୟ ରାଜନୈତିକ ସମ୍ପ୍ରଦାୟ ବୈଠକରେ ଏକ ଭୁଲ ପାଇଁ ଆଲବାନିଆ ପ୍ରଧାନମନ୍ତ୍ରୀ ଏଡି ରାମା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମଜା ଉଡ଼େଇଥିଲେ। ଯାହାକୁ ଦେଖି ତାଙ୍କ କଥା ଶୁଣି ବିଶ୍ୱ ନେତାମାନେ ନିଜ ହସ ରୋକିପାରିନଥିଲେ । ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଏବଂ ଆଜରବୈଜାନିସ୍ତାନ ରାଷ୍ଟ୍ରପତି ଇଲହାମ ଆଲିୟେଭଙ୍କ ସହ ଆଲୋଚନା ସମୟରେ, ଏଡି ରାମା ଆମେରିକାର ରାଷ୍ଟ୍ରପତିଙ୍କ ବିଶ୍ୱ ମାନଚିତ୍ର ଏବଂ ଭୂଗୋଳ ବୁଝାମଣା ଉପରେ ମଜା କରୁଥିବା କ୍ୟାମେରାରେ ଦେଖିବାକୁ ମିଳିଛି।
ଡୋନାଲ୍ଡ ଟ୍ରମ୍ପ ଅତୀତରେ ଅନେକ ପୂର୍ବ ୟୁରୋପୀୟ ଦେଶ ମଧ୍ୟରେ ପାର୍ଥକ୍ୟ କରିବାରେ ବିଫଳ ହୋଇଛନ୍ତି। EPC ବୈଠକ ସମୟରେ କେହି ଜଣେ ଆଲବାନିଆ ପ୍ରଧାନମନ୍ତ୍ରୀଙ୍କ ଫ୍ରାନ୍ସ ଏବଂ ଆଜରବୈଜାନିସ୍ତାନ ରାଷ୍ଟ୍ରପତିଙ୍କ ସହ କଥାବାର୍ତ୍ତା ରେକର୍ଡ କରିଥିଲେ, ଏବଂ ଭିଡିଓଟି ଶିଖର ସମ୍ମିଳନୀରେ ଉପସ୍ଥିତ ଲୋକଙ୍କ ମଧ୍ୟରେ ଶୀଘ୍ର ପ୍ରସାରିତ ହୋଇଥିଲା, ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ, ଏଡି ରାମା ହସି ମାକ୍ରୋନଙ୍କୁ କହୁଛନ୍ତି, "ଆଲବାନିଆ ଏବଂ ଆଜରବୈଜାନ ମଧ୍ୟରେ ରାଷ୍ଟ୍ରପତି ଟ୍ରମ୍ପ ସ୍ୱାକ୍ଷରିତ ଶାନ୍ତି ଚୁକ୍ତିନାମା ପାଇଁ ଆପଣ ଆମକୁ ଅଭିନନ୍ଦନ ଜଣାଇ ନଥିଲେ ତେଣୁ ଆପଣ ଆମକୁ କ୍ଷମା ମାଗିବା ଉଚିତ ।" ତାଙ୍କର ମନ୍ତବ୍ୟ ମାକ୍ରୋନ ଏବଂ ଆଲିୟେଭଙ୍କୁ ହସ ଲାଗିଥିଲା। ପ୍ରକୃତରେ, ମାକ୍ରୋନଙ୍କ ସହ ରାମାଙ୍କ କଥାବାର୍ତ୍ତା ସିଧାସଳଖ ଟ୍ରମ୍ପଙ୍କ ଭୁଲ ବୟାନ ସହିତ ଜଡିତ ଥିଲା, ଯାହା ଆମେରିକା ରାଷ୍ଟ୍ରପତି ଭାବରେ ତାଙ୍କର ଦ୍ୱିତୀୟ କାର୍ଯ୍ୟକାଳ ସମୟରେ ଅନ୍ତର୍ଜାତୀୟ ମହଲରେ ଚର୍ଚ୍ଚାର ବିଷୟ ପାଲଟିଛି।
