ନୂଆଦିଲ୍ଲୀ ୨୬/୦୪: ଫ୍ଲିକର ସହ- ପ୍ରତିଷ୍ଠାତା ଅରବପତି ଷ୍ଟିୱାର୍ଟ ବଟରଫିଲ୍ଡ ଓ କ୍ୟାଟରିନା ଫେକ୍‌ଙ୍କ ୧୬  ବର୍ଷୀୟ ଝିଅ  ନିଖୋଜ । ରିପୋର୍ଟ  ଅନୁସାରେ, ମିଣ୍ଟ୍‌ ବଟରଫିଲ୍ଡ ମରିନ୍‌ କାଉଣ୍ଟି ସ୍ଥିତ ନିଜ ଘରୁ ପଳାୟନ  କରିଛନ୍ତି । ସେ ବର୍ତ୍ତମାନ ସାନ୍‌ ଫ୍ରାନ୍ସିସ୍କୋର ଟେଣ୍ଡରଲୋଇନ୍‌ ଅଞ୍ଚଳରେ ଥିବା ଅନୁମାନ କରାଯାଉଛି । 

ମା’ଙ୍କ ରିପୋର୍ଟ ଅନୁସାରେ, ଗତ ୨୧ ତାରିଖ ରବିବାର କାଲିଫର୍ଣ୍ଣିଆର, ବୋଲିନାସଠାରେ ନିଜ ଘର ପାଖରେ ମିଣ୍ଟ୍‌ଙ୍କୁ ଶେଷ ଥର ଦେଖାଯାଇଥିଲା । ମରିନ୍‌ କାଉଣ୍ଟି ଶେରିଫ୍‌ କାର୍ଯ୍ୟାଳୟ (ଥାନା) ଅନୁସାରେ, ମିଣ୍ଟ୍‌ଙ୍କ ଉଚ୍ଚତା ପ୍ରାୟ ୫ ଫୁଟ । ଓଜନ ୧୦୦ ପାଉଣ୍ଡ । କୁଞ୍ଚୁକୁଞ୍ଚିଆ ଓ ମାଟିଆଲାଲ ରଙ୍ଗର କେଶ ସାଙ୍ଗକୁ ସେ ଭ୍ରୂଲତାକୁ ଫୋଡ଼ାଇଛନ୍ତି । ଯିବାବେଳେ ତାଙ୍କ  ହାତରେ ଧୂସର ରଙ୍ଗର ଏକ ବ୍ୟାଗ୍‌ ଥିଲା । ସେ ଫ୍ଲାନେଲ ପାଇଜାମା, କଳା  ବୁଟ୍‌ ଓ କଳା ସ୍ୱେଟର ପିନ୍ଧିଥିଲେ । ଏସ୍‌ଏଫ୍‌ପିଡି ଗୁଇନ୍ଦାଙ୍କ ଜରିଆରେ ତାଙ୍କୁ  ଖୋଜିବାକୁ ଚେଷ୍ଟା କରାଯାଉଥିବା ଥାନାଧିକାରୀ କହିଛନ୍ତି ।