ନୂଆଦିଲ୍ଲୀ,୨୫।୧୧: ନିଜର ଉନ୍ନତ ଟେକ୍ନୋଲୋଜିର ବିକାଶରେ ଚୀନ୍ କରିଛି ଗୁରୁତ୍ବପୂର୍ଣ୍ଣ ଅଗ୍ରଗତି । ଏବେ ଚୀନ୍ର ବୈଜ୍ଞାନିକମାନେ ତିଆରି କରିଛନ୍ତି ବିଧ୍ବଂସକାରୀ ଅସ୍ତ୍ର। ଯାହକି କୌଣସି ଗ୍ରହକୁ ନଷ୍ଟ କରିବାର ରଖିଛି କ୍ଷମତା। ‘ଷ୍ଟାର ଓ୍ବାର୍ସ ମୁଭି ‘ଡେଥ୍ ଷ୍ଟାର’ରୁ ପ୍ରେରିତ ହୋଇ ତିଆରି ଡ୍ରାଗନ୍ ତିଆରି କରିଥିବା ଦାବି କରିଛି। ଯାହାକୁ କୁହାଯାଉଛି ‘ବିମ୍ ଓ୍ବିପନ’।
ଚୀନ୍ ବୈଜ୍ଞାନିକଙ୍କୁ ବଡ଼ ସଫଳତା। ଟେକ୍ନୋଲୋଜି କ୍ଷେତ୍ରରେ ଆଗେଇଲେ ଆହୁରି ଦୁଇ ପାଦ। ତିଆରି କଲେ ‘ଡେଥ୍ ଷ୍ଟାର’ ଭଳି ଅସ୍ତ୍ର। ଷ୍ଟାର ଓ୍ବାର୍ସ ମୁଭି ’ଡେଥ୍ ଷ୍ଟାର’ରୁ ପ୍ରେରିତ ହୋଇଥିବା ହତିଆର। ଏହି ଅସ୍ତ୍ର ହେଉଛି ମାଇକ୍ରୋଓ୍ବେଭ୍ ବିମ୍। ମହାକାଶରେ ଥିବା ଶତ୍ରୁ ରାଷ୍ଟ୍ରର ସାଟେଲାଇଟ୍କୁ କରିଦେବ ନଷ୍ଟ। ଏହି ବିଶାଳ ଅସ୍ତ୍ରର ନାଁ ହେଉଛି ‘ହାଇ ପାଓ୍ବାର୍ଡ ମାଇକ୍ରୋଓ୍ବେଭ୍ ଓ୍ବିପନ’ ବା ଏଚପିଏମ । ବହୁ ମାଇକ୍ରୋଓ୍ବେଭ୍ ବିମ୍କୁ ସିଙ୍ଗଲ ଟାର୍ଗେଟ କରିବା ଉପରେ ଏହା ଫୋକସ୍ କରିଥାଏ। ନିକଟରେ ଏହି ଓ୍ବିପନ ସିଷ୍ଟମର ସମସ୍ତ ଟେଷ୍ଟିଂ ସରିଛି। ଆଗକୁ ବ୍ୟବହାର କରିବ ଚୀନ୍ ସେନା।
ଏବେ ପ୍ରଶ୍ନ ଉଠୁଛି ଯେଉଁମାନେ ‘ଷ୍ଟାର ଓ୍ବାରର୍ସ’ ଫିଲ୍ମ ଦେଖି ନାହାନ୍ତି, ସେମାନେ କିଭଳି ଜାଣିବେ ? ଫିଲ୍ମର କାହାଣୀ ହେଉଛି ୮ଟି ଅଲଗା ଅଲଗା ଲେଜର ବିମ୍ ବା କିରଣକୁ ଯୋଡି ତିଆରି କରାଯାଉଛି ଗୋଟିମ୍ ବିମ୍ । ଏହି କିରଣ ଦ୍ବାରା ଶତ୍ରୁ ଉପରେ କରାଯାଏ ଆକ୍ରମଣ। ଏଭଳି ଶକ୍ତିଶାଳୀ କିରଣ ଦ୍ବାରା ପୁରା ଗ୍ରହ ନଷ୍ଟ ହୋଇଯାଏ। ଫିଲ୍ମରେ ବମ୍, ବାରୁଦ କିମ୍ବା ଟ୍ୟାଙ୍କ ନୁହେଁ କେବଳ ଲେଜର ଓ୍ବିପନ ଦେଖିବାକୁ ମିଳିଛି। ଚୀନ୍ ଦାବି କରୁଛି ଠିକ୍ ସେଭଳି ଏକ ହତିଆର ତିଆରି କରିଛି।
ସାଟେଲାଇଟ୍ ବ୍ୟତୀତ ଏହା ମେସିନ୍, ରାଡାର ସିଷ୍ଟମ, କମ୍ପ୍ୟୁଟର, କମ୍ୟୁନିକେସନ୍ ଇନଫ୍ରାଷ୍ଟକଚର ଓ ମିସାଇଲକୁ ମଧ୍ୟ ଟାର୍ଗେଟ କରିପାରେ। ଯୁଦ୍ଧରେ ଏହି ହତିଆର ଖୁବ୍ ଘାତକ ପ୍ରମାଣିତ ହୋଇପାରେ। ଏଭଳି ହତିଆର ବହୁ ଇଲେକ୍ଟେ୍ରା ମ୍ୟାଗ୍ନେଟିକ୍ ଓ୍ବେଭ୍କୁ ସଠିକ ସମୟରେ ନିର୍ଦ୍ଧାରିତ କରିଥାଏ। ତେବେ ଏହି ଟେକ୍ନୋଲୋଜିକୁ ମ୍ୟାନେଜ କରିବା ଖୁବ୍ କଷ୍ଟକର। କାରଣ କିରଣକୁ ନିୟନ୍ତ୍ରଣ କରି ଶତ୍ରୁକୁ ଟାର୍ଗେଟ କରିବା ସହଜ ନୁହେଁ। ମାଇକ୍ରୋଓ୍ବେଭ ବିମ୍କୁ ଫାୟାର କରିବା ପାଇଁ ୭ଟି ଭେଲକିଲ୍ ଦରକାର ପଡିଥାଏ। ଏହା ବହୁତ ବଡ ସ୍ଥାନ ନେବାପରେ ବି ଗୋଟିଏ ଟାର୍ଗେଟକୁ ହିଟ୍ କରିଥାଏ। ବର୍ତ୍ତମାନ ଏହାର ସଠିକ୍ ଲକ୍ଷ୍ୟର ଅଭାବ ହେତୁ, ଏହାର 'ଯୁଦ୍ଧ' କ୍ଷମତା ସେତେଟା ପ୍ରଭାବଶାଳୀ ନୁହେଁ। ଅଧିକ ସଠିକତା ହାସଲ କରିବା ପାଇଁ ଅପ୍ଟିକାଲ ଫାଇବର ବ୍ୟବହାର କରାଯାଉଛି। ଯାହାଫଳରେ ମାଇକ୍ରୋଓ୍ବେଭ୍ ଟ୍ରାନ୍ସମିଟିଂ ଭେଇକିଲକୁ ଯୋଡି ହେବ। ବିଶେଷଜ୍ଞଙ୍କ ମତରେ ଏହି ଅସ୍ତ୍ର ବର୍ତ୍ତମାନ କୌଣସି ଗ୍ରହକୁ ନଷ୍ଟ କରିବାର କ୍ଷମତା ରଖିନାହିଁ।
