ଚନ୍ଦ୍ରଶେଖରପୁର, ୨୩/୦୯: ନେଟ୍ୱର୍କ ଇଭେଣ୍ଟ୍ସ ଆଣ୍ଡ୍ ପ୍ରମୋସନ୍ସ ଓ କ୍ରିଷ୍ଟାଲ କ୍ରାଉନ ସହଭାଗିତାରେ ଆସନ୍ତା ସେପ୍ଟେମ୍ବର ୨୯ରୁ ପଟିଆସ୍ଥିତ କ୍ରିଷ୍ଟାଲ କ୍ରାଉନଠାରେ ନବରାତ୍ରି ମହୋତ୍ସବ ‘ଦାଣ୍ଡିଆ କାର୍ଣ୍ଣିଭାଲ’ଅନୁଷ୍ଠିତ ହେବ । ଏହା ଅକ୍ଟୋବର ୧ ପର୍ଯ୍ୟନ୍ତ ଚାଲିବ । ଏହି ଦାଣ୍ଡିଆ କାର୍ଣ୍ଣିଭାଲରେ ୩ ରାତିର ଅତୁଳନୀୟ ଉତ୍ସାହ, ଆକର୍ଷଣୀୟ ନୃତ୍ୟ, ଲାଇଭ ମ୍ୟୁଜିକ୍ ଓ ଅସୀମିତ ପାର୍ବଣ ଆନନ୍ଦର ମାହୋଲ ମିଳିବ ବୋଲି ସୋମବାର ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ନେଟ୍ୱର୍କ ଇଭେଣ୍ଟ୍ସ ଆଣ୍ଡ୍ ପ୍ରମୋସନ୍ସର ପ୍ରତିଷ୍ଠାତା ଚନ୍ଦନ ନାୟକ କହିଛନ୍ତି, ଚଳିତବର୍ଷ ଏହି ଉତ୍ସବର ପ୍ରଥମ ଦିନ ଓଡ଼ିଶାର ପ୍ରଥମ ଡିଜେ ବ୍ୟାଣ୍ଡ, ବଲି ବଏଜ୍, ପ୍ଲେବ୍ୟାକ୍ ସିଙ୍ଗର, ନବ୍ୟା ଜଇତି, ସେଲିବ୍ରିଟି ଆଙ୍କର ଶୁଭମ୍ ପ୍ରମୁଖ କାର୍ଯ୍ୟକ୍ରମ ପରିବେଷଣ କରିବେ । ଦ୍ୱିତୀୟ ଦିନ ବଲିଉଡ଼୍ ପ୍ଲେବ୍ୟାକ ସିଙ୍ଗର ମେହରୋଲିୟା, ଇଣ୍ଡିଆନ ଆଇଡଲ ସେନ୍ସେସନ୍ ତୋରଶା ସରକାର, ଆଙ୍କର ପୁନ୍ୟା, ଡିଜେ ଏସକେବି (ରିମିକ୍ସ ମାଷ୍ଟର)ଙ୍କ କାର୍ଯ୍ୟକ୍ରମ ରହିଛି । ଶେଷ ଦିବସରେ ପିନାକୀ ଝା, ମୁମ୍ବାଇ ଡିଜେ ବ୍ୟାଣ୍ଡ, ଶୁଭାରମ୍ଭ, ବଲିଉଡ଼୍ ଡିଜେ, ଡିଜେ ରାଜ୍ ପ୍ରମୁଖ କାର୍ଯ୍ୟକ୍ରମ ପରିବେଷଣ କରିବେ । କ୍ରିଷ୍ଟାଲ କ୍ରାଉନର ଜେନେରାଲ ମ୍ୟାନେଜର ରମେଶ ସିଂ କନ୍ଦାରୀ କହିଛନ୍ତି, ଏହି ମହୋତ୍ସବରେ ଓପନ-ଫ୍ଲୋର ପାର୍ଟିସିପେଶନ ସାମିଲ ଥିବାବେଳେ ଅସିମୀତ ଖାଦ୍ୟ ଓ ବୁଫେ, ଗିଫ୍ଟ ହାମ୍ପର, ଫେଷ୍ଟିଭ କ୍ଲିକ ଓ ସ୍ମରଣୀୟ ଅନୁଭୂତି ରହିଛି । ଏକ୍ସକ୍ଲୁସିଭ ଭିଆଇପି ଲାଉଞ୍ଜରେ ଏନର୍ଜି ଡ୍ରିଙ୍କ, ବଟ୍ଲର ସର୍ଭିସ, ହୁକା, ଭିଆଇପି ସୋଫା ସିଟିଙ୍ଗ ଓ ପ୍ରିମିୟମ ହସ୍ପିଟାଲିଟି ଉପଲବ୍ଧ । ଟିକଟ ମୂଲ୍ୟ ବୟସ୍କ ବ୍ୟକ୍ତିଙ୍କ ପାଇଁ ୧୨୦୦ ଟଙ୍କା ଏବଂ ୬ରୁ ୧୧ ବର୍ଷ ବୟସର ପିଲାମାନଙ୍କ ପାଇଁ ୮୦୦ ଟଙ୍କା ରହିଛି । ୫ ଜଣଙ୍କ ପାଇଁ ଏକ ଭିଆଇପି ଅନୁଭୂତି କେବଳ ୧୫ ହଜାର ଟଙ୍କାରେ ଉପଲବ୍ଧ । ଏହାର ଟିକଟଗୁଡିକୁ ଅନ୍ଲାଇନରେ ବୁକ୍ମାଇଁ ଶୋ’ ମାଧ୍ୟମରେ ଏବଂ ଅଫ୍ଲାଇନରେ ପଟିଆସ୍ଥିତ ଜଷ୍ଟ୍ ଡେଲିସିୟସ ବାଏ କ୍ରିଷ୍ଟାଲ କ୍ରାଉନ ଏବଂ ଅଶୋକ ନଗରସ୍ଥିତ ପଣ୍ଡା ଟ୍ରାଭେଲ ମାର୍ଟରେ ବୁକ୍ କରାଯାଇପାରିବ । ପ୍ରମେୟ ଖବରକାଗଜ ଓ ନ୍ୟୁଜ୍ ୭ ଏହି ମହୋତ୍ସବର ମିଡିଆ ପାର୍ଟନର ରହିଛନ୍ତି । ସାମ୍ବାଦିକ ସମ୍ମିଳନୀରେ ଅଭିନେତ୍ରୀ ଲିପସା ମିଶ୍ର ଏବଂ ପ୍ରିୟଙ୍କା ପାଣିଗ୍ରାହୀ, କ୍ରିଷ୍ଟାଲ କ୍ରାଉନର ଡାଇରେକ୍ଟର ନିକଲାସ ମହାନ୍ତି ଏବଂ ଜୁନିୟର ସେଫ୍ ଜୀବନ କୃଷ୍ଣ ଦାଶ ପ୍ରମୁଖ ଉପସ୍ଥିତ ଥିଲେ ।
