କୁଆଁପାଳ,୧୮/୦୭: କଟକ ଜିଲ୍ଲା ମାହାଙ୍ଗା ବ୍ଲକ ମଉଦା ଗ୍ରାମରେ ଘଟିଛି ଅଭାବନୀୟ ଘଟଣା। ଗୁହାଳ ଘରେ ନିଆଁ ଲାଗି ଦୁଇଟି ଗାଈ ଗୋଟେ ବାଛୁରୀ ଜୀବନ୍ତ ଦଗ୍ଧ । ତେବେ ଗ୍ରାମର ମଲ୍ଲୀ ସ୍ୱାଇଁ ନାମକ ଏକ ମହିଳାଙ୍କ ଗୁହାଳ ଘରେ ବିଳମ୍ବିତ ରାତ୍ରିରେ କୌଣସି କାରଣରୁ ନିଆଁ ଲାଗି ଯାଇଥିଲା। ଏହି ଅଗ୍ନିକାଣ୍ଡ ଏତେ ତୀବ୍ର ଥିଲା ଯେ ଗୁହାଳ ଘରେ ବନ୍ଧା ହୋଇଥିବା ଦୁଇଟି ଗାଈ ଓ ଗୋଟେ ବାଛୁରୀ ଜୀବନ୍ତ ଦଗ୍ଧ ହୋଇଯାଇଥିଲେ । ଏଥିସହ ଗୋଟେ ଗାଈ ଏବଂ ତିନୋଟି ଛେଳିଙ୍କୁ ଅର୍ଦ୍ଧ ଦଗ୍ଧ ଅବସ୍ଥାରେ ଉଦ୍ଧାର କରାଯାଇଛି।
ସୂଚନା ମୁତାବକ, ମଲ୍ଲି ସ୍ୱାଇଁ ରାତିରେ ଘରେ ଶୋଇଥିବା ବେଳେ ହଠାତ୍ ଗାଈମାନେ ବିକଟାଳ ଶବ୍ଦ କରିବା ସେ ଜାଣିବାକୁ ପାଇଲେ।ବାହାରକୁ ଉଠି ଦେଖିଲା ବେଳକୁ ତାଙ୍କ ଗୁହାଳ ଘରେ ନିଆଁ ଲାଗି ହୁତୁ ହୁତୁ ହୋଇ ଜଳୁଛି। ଏହା ଦେଖି ପଡୋଶୀମାନେ କୁଆଁପାଳ ଅଗ୍ନିଶମ ବିଭାଗକୁ ଖବର ଦେବା ସହ ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ମଧ୍ୟ ଦୁଇଟି ଗାଈ ଓ ଗୋଟେ ବାଛୁରୀ ନିଆଁରେ ପୋଡ଼ି ଯାଇଥିଲେ। ବାକି ଗୋଟେ ଗାଈ ଓ ତିନୋଟି ଛେଳିକୁ ଅର୍ଦ୍ଧ ଦଗ୍ଧ ଅବସ୍ଥାରେ ଉଦ୍ଧାର କରିଥିଲେ,ଘଟଣାସ୍ଥଳରେ ମାହାଙ୍ଗା ପଶୁ ସମ୍ପଦ ଅଧିକାରୀ ପହଞ୍ଚି ଅର୍ଦ୍ଧ ପୋଡ଼ି ହୋଇଥିବା ଗାଈ ଓ ଛେଳିୃର ଚିକିତ୍ସା ଚଳାଇଥିବା ଜଣାପଡ଼ିଛି ।
