ନୂଆଦିଲ୍ଲୀ,୦୧/୧୨: ହିଣ୍ଡେନବର୍ଗ ବିବାଦରୁ ମୁକୁଳିବା ପରେ ଆଉ ଏକ ଝଡ଼ର ସାମ୍ନା କରିଛନ୍ତି ଭାରତୀୟ ବ୍ୟବସାୟୀ ଗୌତମ ଆଦାନୀ । ଲାଞ୍ଚ କାରବାର ନେଇ ଆମେରିକୀୟ କୋର୍ଟ ଆଦାନୀଙ୍କ ବିରୋଧରେ ସାଂଘାତିକ ଅଭିଯୋଗ ଆଣିବା ପରେ ଚର୍ଚ୍ଚା ଜୋର ଧରିଛି । ଏହାକୁ ସଂସଦରେ ମଦ୍ୟ ଝଡ଼ ଉଠିଛି । ସଂସଦ ଶୀତଅଧିବେଶନରେ ବିରୋଧୀ ଏହାକୁ ବଡ ପ୍ରସଙ୍ଗ କରିଛନ୍ତି । ଏହାରି ଭିତରେ ଲାଞ୍ଚ ମାମଲାକୁ ନେଇ ମୁହଁ ଖୋଲିଛନ୍ତି ଗୌତମ ଆଦାନୀ । ସେ କହିଛନ୍ତି ପ୍ରତି ଆକ୍ରମଣ ଆମକୁ ସୃଦୁଢ କରିଛି । ଏଥିରୁ ଜଣାପଡୁଛି ତାଙ୍କ ଉପରେ ହୋଇଥିବା ଅଭିଯୋଗକୁ ସେ ଖଣ୍ଡନ କରିଛନ୍ତି ।
ଆମେରିକାର ନ୍ୟାୟ ବିଭାଗ ଗୌତମ ଆଦାନୀଙ୍କ ସମେତ ୮ ଜଣଙ୍କ ବିରୋଧରେ ଲାଞ୍ଚ ପ୍ରଦାନ ସଂକ୍ରାନ୍ତ ଅଭିଯୋଗ ଆଣିଛି । ଏହା ପରେ ପ୍ରଥମ ଥର ପାଇଁ ମୁହଁ ଖୋଲିଛନ୍ତି ଗୌତମ ଆଦାନୀ । ଅଭିଯୋଗକୁ ଖଣ୍ଡନ କରିବା ସହ ପ୍ରତ୍ୟେକ ଆକ୍ରମଣ ଆମକୁ ସୁଦୃଢ କରିଛି ବୋଲି କହିଛନ୍ତି । ଜୟପୁରଠାରେ ଆୟୋଜିତ ୫୧ତମ ଜେମ୍ ଆଣ୍ଡ ଜୁଏଲାରୀ ପୁରସ୍କାର ପ୍ରଦାନ ସମାରୋହରେ ଯୋ ଦେଇ ଗୌତମ ଆଦାନୀ ଏହା କହିଛନ୍ତି ।
ସେ କହିଛନ୍ତି, ଏହା ପ୍ରଥମ ନୁହେଁ । ଆମ ଉପରେ ଅନେକ ଆଭିଯୋଗ ହୋଇଛି । ଯଦିଓ ଆମର ଅନେକ ସଫଳତା ରହିଛି, ଅନେକ ଚ୍ୟାଲେଞ୍ଜ ମଧ୍ୟ ରହିଛି । ଏସବୁ ଚ୍ୟାଲେଞ୍ଜ ଆମକୁ ଭାଙ୍ଗି ଦେଇ ନାହିଁ ବରଂ ମଜଭୁତ କରିଛି । ଆମ ନୀତିଗୁଡିକ ପ୍ରତି ଆମର ବଳିଷ୍ଠ ଅଙ୍ଗୀକାରବଦ୍ଧ ରହିଛି । ନିକଟ ଅତୀତରେ ଘଟିଥିବା ଏକ ଘଟଣା ଏହାର ଉଦାହରଣ ।
ସେ ଆହୁରି କହିଛନ୍ତି, ଆମେରିକାଠାରୁ ଆମେ କେତେକ ଅଭିଯୋଗର ସମ୍ମୁଖୀନ ହୋଇଛୁ । ପ୍ରଥମଥର ଏପରି ସମସ୍ୟାରେ ପଡିନାହୁଁ । ପ୍ରତି ଆକ୍ରମଣ ଆମକୁ ସୃଦୁଢ କରିଛି । ପ୍ରତି ପ୍ରତିବଦ୍ଧକ ଆମକୁ ଉପରକୁ ଉଠିବାକୁ ପାହାଚ ସମାନ ହୋଇଛି । ଆପଣ ଯେତେ ଉପରକୁ ଉଠିବେ ସେତେ ଯାଞ୍ଚର ସାମ୍ନା କରିବେ । ବିଦେଶୀ ଦୁର୍ନୀତି ଆଚରଣ ଆଇନ ବା ଏଫସିସି ଅଧୀନରେ ଆଦାନୀ ଗ୍ରୁପର କେହି ଏ ନେଇ ଅଭିଯୋଗ ପାଇନାହାନ୍ତି । କିନ୍ତୁ ନକାରାତ୍ମକ ବିଷୟ ତୀବ୍ର ବେଗରେ ପ୍ରସାରିତ ହୁଏ ।
