ଭୁବନେଶ୍ୱର/ରାଉରକେଲା,୧୬/୦୧: କ୍ରମାନ୍ୱୟରେ ୨ଟି ମ୍ୟାଚ୍ ହାରିବା ପରେ ଶେଷରେ ଶ୍ରାଚୀ ରାହ ବେଙ୍ଗଲ ଟାଇଗର୍ସ ଚଳିତ ଏଚ୍ଆଇଏଲରେ ବିଜୟ ଧାରାକୁ ପ୍ରତ୍ୟାବର୍ତ୍ତନ କରିଛି । ବୁଧବାର ଦଳ ୫-୨ ଗୋଲରେ ୟୁପି ରୁଦ୍ରସକୁ ପରାଜିତ କରିଥିଲା ।
ସଂପୂର୍ଣ୍ଣ ମ୍ୟାଚ୍ରେ ବେଙ୍ଗଲ ଟାଇଗର୍ସ ପ୍ରଭାବ ବିସ୍ତାର କରି ଖେଳିଥିଲା । ପ୍ରଥମ କ୍ୱାର୍ଟରରେ ୮,୧୦ ଓ ୧୪ ମିନିଟରେ ଗୋଲ୍ ଦେଇ ୩-୦ରେ ଅଗ୍ରଣୀ ହାସଲ କରିଥିଲା । ଦ୍ୱିତୀୟ କ୍ୱାର୍ଟର ଖେଳ ଗୋଲଶୂନ୍ୟ ରହିଥିଲା । ୩୩ ଓ ୪୬ ମିନିଟରେ ପୁଣି ଦଳ ଆଉ ୨ଟି ଗୋଲ୍ ଦେଇଥିଲା ।
ଅନ୍ତିମ କ୍ୱାର୍ଟରର ୪୭ ଓ ୫୧ ମିନିଟରେ ୟୁପି ରୁଦ୍ରସ ୨ଟି ଗୋଲ୍ ସ୍କୋର କରିଥିଲା। କିନ୍ତୁ ପରେ ଆଉ ଦଳ ଅଧିକ ସୁଯୋଗ ପାଇନଥିଲା । ଶେଷ ୯ ମିନିଟରେ ଟାଇଗର୍ସ ମଧ୍ୟ ଏକାଧିକ ସୁଯୋଗ ସୃଷ୍ଟି କରିଥିଲା। ମାତ୍ର ଗୋଲ ହୋଇନଥିଲା । ପରିଶେଷରେ ବେଙ୍ଗଲ ଟାଇଗର୍ସ ୫-୨ ଗୋଲରେ ବିଜୟୀ ହୋଇ ପୂରା ପଏଣ୍ଟ ହାସଲ କରିଥିଲା । ୬ଟି ମ୍ୟାଚ୍ରୁ ୪ଟି ବିଜୟ ସହ ଦଳ ମୋଟ୍ ୧୨ ପଏଣ୍ଟ ପାଇ ଟେବୁଲର ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି।
