ନୂଆଦିଲ୍ଲୀ,୨୫।୪: ପ୍ରାଇଭେଟ୍ ସେକ୍ଟରରେ ଆଇସିଆଇସିଆଇ ବ୍ୟାଙ୍କ ୟୁଜରଙ୍କୁ ଆଇ-ମୋବାଇଲ ପେ ଆପ୍ ଟେକ୍ନୋଲୋଜିରେ ସମସ୍ୟାର ସମ୍ମୁଖୀନ ହେବାକୁ ପଡୁଛି। ନିକଟରେ କିଛି ୟୁଜର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଆପ୍ରେ ସମସ୍ୟା ନେଇ ଅଭିଯୋଗ କରିଥିଲେ। କିଛି ୟୁଜରଙ୍କ କହିବା ଅନୁସାରେ, ସେମାନେ ଆପ୍ରେ ନିଜ କ୍ରେଡିଟ୍ କାର୍ଡ ବିବରଣୀକୁ ଦେଖି ପାରୁନାହାନ୍ତି। ସେଭଳି କିଛି ୟୁଜରଙ୍କ ମତରେ ଅନ୍ୟ କ୍ରେଡିଟ୍ କାର୍ଡର ସେନସିଟିଭିଟି ଇନଫରମେସନ୍ ଆଦି ଦେଖି ପାରୁଛନ୍ତି।
ଟେକ୍ନୋଫିନୋର ଫାଉଣ୍ଡର ସୁମନ୍ତ ମଣ୍ଡଳ ଏହି ପ୍ରସଙ୍ଗରେ ତୁରନ୍ତ ସମାଧାନ ପାଇଁ ଆଇସିଆଇସିଆଇ ବ୍ୟାଙ୍କ ଓ ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ)କୁ ଟ୍ୟାଗ୍ କରିଛନ୍ତି। ସେ କହିଛନ୍ତି ବହୁ ୟୁଜର ନିଜର ଆଇ-ମୋବାଇଲ ପେ ଆପ୍ରେ ଅନ୍ୟ ଗ୍ରାହକଙ୍କ ଆଇସିଆଇସିଆଇ ବ୍ୟାଙ୍କ କ୍ରେଡିଟ୍ କାର୍ଡ ଦେଖିପାରୁଛନ୍ତି ବୋଲି ସୂଚନା ଦେଇଛନ୍ତି। ଆପ୍ରେ କ୍ରେଡିଟ୍ କାର୍ଡ ନମ୍ବର, ଏକ୍ସପାଏରୀ ଡେଟ୍ ଓ ସିଭିଭି ଦେଖା ଯାଇଥାଏ। ଏଭଳି ସ୍ଥିତିରେ ଠକେଇ ହେବାର ଆଶଙ୍କା ବଢି ଯାଉଛି। ୟୁଜରଙ୍କ କାର୍ଡ ଡିଟେଲ୍ ଜରିଆରେ ଫ୍ରଡ ଟ୍ରାଞ୍ଜାକସନ୍ କରାଯାଇପାରେ। ସୁମନ୍ତ ମଣ୍ଡଳ ଏହା ମଧ୍ୟ କହିଛନ୍ତି ଯେ, ନିଜକୁ ସୁରକ୍ଷିତ ରଖିବାର ସବୁଠାରୁ ଭଲ ପ୍ରଣାଳୀ ହେଉଛି ନିଜ କାର୍ଡକୁ ବ୍ଲକ କରିବା କିମ୍ବା ବଦଳାଇ ଦେବା।
ଆଇସିଆଇସିଆଇ ବ୍ୟାଙ୍କ ହିନ୍ଦୁସ୍ତାନ ଟାଇମ୍ସକୁ କହିଛି, ଆମ ଗ୍ରାହକ ଆମର ସର୍ବୋଚ୍ଚ ପ୍ରାଥମିକତା ଓ ଆମେ ତାଙ୍କ ହିତ ରକ୍ଷା ପାଇଁ ସମର୍ପିତ ରହିଛୁ। ଗତ କିଛି ଦିନ ହେବ ଜାରି ରହିଥିବା ପ୍ରାୟ ୧୭୦୦୦ ନୂଆ କ୍ରେଡିଟ୍ କାର୍ଡ ଭୁଲ ଭାବରେ ଆମ ଡିଜିଟାଲ ଚ୍ୟାନେଲରେ ଭୁଲ ୟୁଜର୍ସଙ୍କ ପାଇଁ ମ୍ୟାପ୍ କରିଦେଇଥିଲେ।ଏହି ବ୍ୟାଙ୍କ କ୍ରେଡିଟ୍ କାର୍ଡ ପୋର୍ଟୋଫୋଲିଓର ପ୍ରାୟ ୦.୧% ଅଂଶ ଅଟେ। ଆମେ ଏହି କାର୍ଡକୁ ବ୍ଲକ କରିଦେଇଥିଲୁ ଓ ଗ୍ରାହକଙ୍କୁ ନୂଆ କାର୍ଡ ଜାରି କରୁଛି। ସମସ୍ୟା ପାଇଁ ଆମେ ଦୁଃଖିତ।
