ନୂଆଦିଲ୍ଲୀ,୨୬।୪: ନିର୍ବାଚନରେ ଇଭିଏମ୍ରୁ ଭୋଟିଂ ପରେ ୧୦୦ ପ୍ରତିଶତ ଭିଭିପିଏଟି ଯାଞ୍ଚ ଆବେଦନ ଖାରଜ କରିଛନ୍ତି ସୁପ୍ରିମକୋର୍ଟ।ଏହା ଭିତରେ ଆଉ ଏକ ଆବେଦନର ସୁପ୍ରିମକୋର୍ଟରେ ପହଁଞ୍ଚିଛି, ଯେଉଁଥିରେ ଦାବି ହେଉଛି ଯେ, ଯଦି କୌଣସି ଆସନରେ ସବୁଠାରୁ ଅଧିକ ଭୋଟ୍ ନୋଟାର ଥାଏ ତେବେ ଦ୍ବିତୀୟ ଥର ନିର୍ବାଚନ କରାଯିବ। ଏହା ଉପରେ ଶୁଣାଣି କରି ପ୍ରଧାନ ବିଚାରପତି ଡିଓ୍ବାଇ ଚନ୍ଦ୍ରଚୂଡ କହିଛନ୍ତି, ଏହି କଥା ନିର୍ବାଚନ ପକ୍ରିୟାକୁ ନେଇ ରହିଛି। ଏଭଳି ସ୍ଥିତିରେ ଆମେ ଦେଖୁଛୁ ଯେ, ନିର୍ବାଚନ କମିଶନ କ’ଣ ଜବାବ ଦେଉଛନ୍ତି।’ ଏହି ଟିପ୍ପଣୀ ଦେଇ ସୁପ୍ରିମକୋର୍ଟଙ୍କ ଖଣ୍ଡପୀଠ ନିର୍ବାଚନ କମିଶନଙ୍କୁ ନୋଟିସ୍ ଜାରି କରିଛନ୍ତି ଓ ଜବାବ୍ ମାଗିଛନ୍ତି।
ଏହି ଜନସ୍ବାର୍ଥ ମାମଲାର ଆବେଦନ ମୋଟିଭେସନାଲ ସ୍ପିକର ଓ ଲେଖକ ଶିବ ଖେଡାଙ୍କ ପକ୍ଷରୁ ଦାଖଲ କରାଯାଇଥିଲା। ଖେଡାଙ୍କ ପକ୍ଷରୁ ଦାଖଲ କରାଯାଇଥିବା ଆବେଦନ ଉପରେ ଚର୍ଚ୍ଚା କରି ଓକିଲ ଗୋପାଳ ଶଙ୍କର ନାରାୟଣ କହିଛନ୍ତି, ଏହା ଏକ ଗୁରୁତ୍ବପୂର୍ଣ୍ଣ ପ୍ରସଙ୍ଗ, ଯାହା ଉପରେ ବିଚାର କରିବା ଜରୁରୀ। ସେ ସୁରଟ ଲୋକସଭା ଆସନରୁ ବିଜେପି ପ୍ରାର୍ଥୀଙ୍କୁ ନିର୍ବିରୋଧରେ ଜିତିବାର ଉଦାହରଣ ଦେଇ କହିଛନ୍ତି, ସେ ମଇଦାନରେ ଏକାକୀ ହିଁ ଥିଲେ। ଓକିଲ ଜଣକ କହିଛନ୍ତି, ଆମେ ଦେଖିଛୁ ସୁରଟରେ କୌଣସି କ୍ୟାଣ୍ଡିଡେଟ୍ ଆଉ ନାହାନ୍ତି। ସବୁ ଭୋଟ କେବଳ ଜଣେ ପ୍ରାର୍ଥୀଙ୍କୁ ଯିବାର ଥିଲା। ଏହି ଆବେଦନରେ କୁହାଯାଇଥିଲା ନିର୍ବାଚନ କମିଶନଙ୍କୁ ନୋଟାକୁ ମଧ୍ୟ ଏକ ନିର୍ବାଚନୀ ପ୍ରାର୍ଥୀ ଘୋଷିତ କରିବା ଦରକାର।
ଏହାଛଡା ଯଦି ନିର୍ବାଚନରେ ସବୁଠାରୁ ଅଧିକ ଭୋଟ୍ ନୋଟାକୁ ମିଳେ ତେବେ ନିର୍ବାଚନ ପୁଣିଥରେ କରାଯିବା ଦରକାର।ଆବେଦନରେ କୁହାଯାଇଛି, ଲୋକସଭା ଓ ବିଧାନସଭା ସହିତ ସବୁ ନିର୍ବାଚନରେ ନୋଟାକୁ ୨୦୧୩ରେ ଲାଗୁ କରି ଦିଆଯାଇଥିଲା। ସେବେଠାରୁ ଏପର୍ଯ୍ୟନ୍ତ ଦୁଇ ଥର ଦାବି କରାଯାଇ ସାରିଛି। ନୋଟାକୁ ଏକ କାଳ୍ପନିକ କ୍ୟାଣ୍ଡିଡେଟ୍ ଭାବରେ ଘୋଷିତ କରାଯାଉ। ଆବେଦନରେ କୁହାଯାଇଛି, ମହାରାଷ୍ଟ୍ର,ହରିୟାଣା, ଦିଲ୍ଲୀ ଓ ପୁଡୁଚେରୀ ସହିତ ବହୁ ରାଜ୍ୟ ଓ କେନ୍ଦ୍ର ଶାସିତ ରାଜ୍ୟରେ ନୋଟାକୁ ନେଇ ଏହି ନିୟମ ଲାଗୁ କରାଯାଇଛି। ଏହି ଚାରୋଟି ସ୍ଥାନରେ ଏଭଳି ନିୟମ ରହିଛି ଯଦି କୌଣସି ନିର୍ବାଚନରେ ନୋଟାରେ ଭୋଟ ସବୁଠାରୁ ଅଧିକ ରୁହେ, ତେବେ ଦ୍ବିତୀୟ ଥର ନିର୍ବାଚନ କରାଯିବ। କେବଳ ସେତିକି ନୁହେଁ ଖେଡା ନିଜ ଆବେଦନରେ କହିଛନ୍ତି, ନିର୍ବାଚନ କମିଶନ ନୋଟାର ଭଲ ଭାବରେ ପ୍ରଚାର କରନ୍ତୁ। ସେହି କ୍ୟାମ୍ପେନରେ କୁହାଯାଉ ନିର୍ବଚନରେ ଆପଣ ପାଖରେ ନୋଟାର ମଧ୍ୟ ଏକ ବିକଳ୍ପ ହେବ। ଯଦି ଆପର ନୋଟାକୁ ସବୁଠାରୁ ଅଧିକ ଚୟନ କରିବେ ତେବେ ଦ୍ବିତୀୟ ଥର ନିର୍ବାଚନ କରାଯିବ। କେବଳ ସେତିକି ନୁହେଁ ସେ ଦାବି କରିଛନ୍ତି, ନୋଟା ଦ୍ବାରା ପଛୁଆ ବର୍ଗର ସବୁ ପ୍ରାର୍ଥୀଙ୍କ ଉପରେ ନିର୍ବାଚନ ଲଢିବାକୁ ୫ ବର୍ଷର ରୋକ ଲଗାଯାଉ।