ନୂଆଦିଲ୍ଲୀ,୩୦/୦୪: ଜମ୍ମୁ-କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଭାରତ ସରକାର ପାକିସ୍ତାନ ବିରୁଦ୍ଧରେ ଅନେକ କଠୋର ନିଷ୍ପତ୍ତି ନେଇଛନ୍ତି। ସାରା ଭାରତର ଜନସାଧାରଣ ମଧ୍ୟ ପାକିସ୍ତାନ ଉପରେ ପ୍ରତିଶୋଧ ଦାବି କରୁଛନ୍ତି। ଏହି ଆକ୍ରମଣର ଉଚିତ ଜବାବ ଦିଆଯିବ ବୋଲି ସରକାର ମଧ୍ୟ ପ୍ରତିଶ୍ରୁତି ଦେଇଛନ୍ତି। ଏହାରି ଭିତରେ ସେନା ମଧ୍ୟ ପ୍ରତ୍ୟେକ ପରିସ୍ଥିତିର ମୁକାବିଲା କରିବାକୁ ପ୍ରସ୍ତୁତ ଅଛି। ଯଦି ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ହୁଏ, ତେବେ ପାକିସ୍ତାନ ନିଶ୍ଚିତ ଭାବରେ ମାଟି କାମୁଡ଼ି ପଡ଼ିବ। ତେବେ ଆଜି ଆମେ ଆପଣଙ୍କୁ ଉଭୟ ଦେଶର ସାମରିକ ଶକ୍ତି ବିଷୟରେ କହିବାକୁ ଯାଉଛୁ।

୧. ପାକିସ୍ତାନୀ ସେନାକୁ ଧୂଳି ଚଟାଇବ ଇଣ୍ଡିଆନ ଆର୍ମି:

ଭାରତର ସେନା ସଂଖ୍ୟା ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଏହା ପାକିସ୍ତାନଠାରୁ ବହୁତ ଆଗରେ। ଭାରତର ସାମରିକ ବାହିନୀ ବିଶାଳ, ଯେଉଁଥିରେ ୧୪.୫୫ ଲକ୍ଷ ସକ୍ରିୟ ସୈନିକ, ୧୧.୫୫ ଲକ୍ଷ ରିଜର୍ଭ ଏବଂ ୨୫.୨୭ ଲକ୍ଷ ଅର୍ଦ୍ଧସାମରିକ ବାହିନୀ ଅଛନ୍ତି। ଭାରତର ୪୨୦୧ ଟ୍ୟାଙ୍କ (T-90 ଭୀଷ୍ମ, ଅର୍ଜୁନ) ଏବଂ ଅଗ୍ନି-୫ (୫୦୦୦+ କିମି) ଏବଂ ବ୍ରହ୍ମୋସ (୪୫୦-୬୦୦ କିମି) ଭଳି ଆଧୁନିକ କ୍ଷେପଣାସ୍ତ୍ର ଏହାକୁ ଏକ ରଣନୈତିକ ଧାର ପ୍ରଦାନ କରୁଛି। ଡ୍ରୋନ୍ (ହେରନ୍ ଟିପି) ଏବଂ ଆଧୁନିକ ଅସ୍ତ୍ରଶସ୍ତ୍ର (ସିଗ୍-୭୧୬) ଭାରତର ଶକ୍ତିକୁ ବୃଦ୍ଧି କରୁଛି। ଅନ୍ୟପଟେ ପାକିସ୍ତାନ ପାଖରେ ୬.୫୪ ଲକ୍ଷ ସକ୍ରିୟ ସୈନିକ, ୨,୬୨୭ ଟ୍ୟାଙ୍କ (ଅଲ-ଖାଲିଦ, T-80UD) ଏବଂ ଶାହିନ-ଥ୍ରୀ (୨୭୫୦ କିଲୋମିଟର କ୍ଷମତା) ଭଳି କ୍ଷେପଣାସ୍ତ୍ର ଅଛି, କିନ୍ତୁ ଏହା ପ୍ରଯୁକ୍ତିବିଦ୍ୟା ଏବଂ ଡ୍ରୋନରେ ପଛରେ ଅଛି। ପାକିସ୍ତାନର ୭୫୨ ସ୍ୱୟଂଚାଳିତ ବନ୍ଧୁକ ରହିଛି। କିନ୍ତୁ ଭାରତର ବୃହତ ସେନା ଏବଂ ଉନ୍ନତ ଉପକରଣ ଏହାଠାରୁ ଅଧିକ ଶକ୍ତିଶାଳୀ ଅଟେ।

୨. ଅଧିକ ଆଡ୍‌ଭାନ୍ସ ଭାରତୀୟ ବାୟୁସେନା: 

ପାକିସ୍ତାନର ୧୩୯୯ ବିମାନ ତୁଳନାରେ ଭାରତର ବାୟୁସେନା ୨୨୨୯ ବିମାନ ସହିତ ବଡ଼ ଏବଂ ପ୍ରଯୁକ୍ତିବିଦ୍ୟା ଦୃଷ୍ଟିରୁ ଅଧିକ ଉନ୍ନତ। ଏହାର ୬୩୩ଟି ଯୁଦ୍ଧ ବିମାନ (ରାଫେଲ, ସୁଖୋଇ Su-30 MKI, ତେଜସ) ଏବଂ S-400 ବାୟୁ ପ୍ରତିରକ୍ଷା ପ୍ରଣାଳୀ ଏହାକୁ ଆକାଶମାର୍ଗ ଯୁଦ୍ଧରେ ଏକ ଅଗ୍ରଣୀ ସ୍ଥାନ ପ୍ରଦାନ କରିଛି। ଫାଲକନ୍ AWACS ଏବଂ ହେରନ୍ ଡ୍ରୋନ୍ ଭାରତକୁ ଉତ୍ତମ ନିରୀକ୍ଷଣ ଏବଂ ଆକ୍ରମଣ କ୍ଷମତା ପ୍ରଦାନ କରିଛି। ଅନ୍ୟପକ୍ଷରେ, ପାକିସ୍ତାନର ୩୯୮ଟି ଯୁଦ୍ଧ ବିମାନ (JF-17 Thunder, F-16) ଏବଂ HQ-9 ପ୍ରତିରକ୍ଷା ପ୍ରଣାଳୀ ସକ୍ଷମ କିନ୍ତୁ ସଂଖ୍ୟା ଏବଂ ପ୍ରଯୁକ୍ତିର ଅଭାବ ରହିଛି। ପାକିସ୍ତାନ ପାଖରେ ସୀମିତ AWACS (ZK-03) ଏବଂ ବୁରାକ୍ ଡ୍ରୋନ ରହିଛି, ଯାହା ଏହାକୁ ଭାରତର ବାୟୁସେନାର କ୍ଷମତା ଆଗରେ ଦୁର୍ବଳ କରୁଛି ।

୩. ପାକିସ୍ତାନ ନୌସେନାକୁ ମାତ୍‌ ଦେବ ଇଣ୍ଡିଆନ ନେଭି: 

ଭାରତୀୟ ନୌସେନାକୁ ଏକ ବ୍ଳୁ ଓ୍ବାଟର ନେଭି କୁହାଯାଏ। ଯେଉଁଥିରେ ୨୯୩ଟି ଜାହାଜ, ୨ଟି ବିମାନ ବାହକ (ବିକ୍ରମାଦିତ୍ୟ, ବିକ୍ରାନ୍ତ) ଏବଂ ୧୮ଟି ବୁଡ଼ାଜାହାଜ (ଅରିହନ୍ତ, କଲଭାରୀ) ଅନ୍ତର୍ଭୁକ୍ତ। ବ୍ରହ୍ମୋସ ଏବଂ ବାରାକ-୮ କ୍ଷେପଣାସ୍ତ୍ର, ଏବଂ ପି-୮ଆଇ ବିମାନ ଏହାକୁ ଏକ ବିଶ୍ୱ ସାମୁଦ୍ରିକ ଶକ୍ତି କରିଛି। ସେପଟେ, ପାକିସ୍ତାନର ଗ୍ରୀନ୍‌ ଓ୍ବାଟର ନେଭିରେ ୧୨୧ଟି ଜାହାଜ, ୮ଟି ବୁଡ଼ାଜାହାଜ (ଅଗୋଷ୍ଟା 90B) ଏବଂ କୌଣସି ବିମାନ ବାହକ ଜାହାଜ ନାହିଁ। ବାବର ଏବଂ ହରବାହ କ୍ଷେପଣାସ୍ତ୍ରଗୁଡ଼ିକ ଆଞ୍ଚଳିକ ପ୍ରତିରକ୍ଷା ପାଇଁ ଉଦ୍ଦିଷ୍ଟ, କିନ୍ତୁ ଭାରତୀୟ ନୌସେନାର ସଂଖ୍ୟା, ପ୍ରଯୁକ୍ତିବିଦ୍ୟା ଏବଂ ବିଶ୍ୱ ପହଞ୍ଚ କ୍ଷମତା ଆଗରେ ଏଗୁଡ଼ିକ ଦୁର୍ବଳ।

ପରମାଣୁ ଶକ୍ତିରେ ଆଗରେ କିଏ?

ଭାରତ ଏବଂ ପାକିସ୍ତାନର ପରମାଣୁ ଅସ୍ତ୍ର ସଂଖ୍ୟା ପ୍ରାୟ ସମାନ। ଭାରତ ପାଖରେ ୧୭୨ଟି ପରମାଣୁ ଅସ୍ତ୍ର ରହିଥିବା ବେଳେ ପାକିସ୍ତାନ ପାଖରେ ୧୭୦ଟି ଅଛି। କିନ୍ତୁ ଭାରତର ପରମାଣୁ ସ୍ଥଳ, ବାୟୁ, ସମୁଦ୍ର ଏହାକୁ ଏକ ରଣନୈତିକ ସୁବିଧା ପ୍ରଦାନ କରୁଛି। ଅଗ୍ନି-୫ (୫,୦୦୦+ କିଲୋମିଟର) ଏବଂ ଅରିହନ୍ତ ବୁଡ଼ାଜାହାଜରୁ ନିକ୍ଷେପ କରାଯାଇଥିବା K-୪ କ୍ଷେପଣାସ୍ତ୍ର (୩,୫୦୦ କିଲୋମିଟର ବିଶିଷ୍ଟ କ୍ଷମତା) ଭାରତର ଦ୍ୱିତୀୟ ଆକ୍ରମଣ କ୍ଷମତାକୁ ସୁଦୃଢ଼ କରୁଛି। ସେହି ସମୟରେ, ପାକିସ୍ତାନର ଶାହିନ-୩ (୨,୭୫୦ କିମି) ଏବଂ ନାସର (୭୦-୧୦୦ କିମି) କ୍ଷେପଣାସ୍ତ୍ରଗୁଡ଼ିକ ତାଙ୍କ ତୁଳନାରେ ଫିକା ପଡ଼ିଯିବ।

୫. ଭାରତର ବିଶ୍ୱ ରାଙ୍କିଂ ପାକିସ୍ତାନ ଅପେକ୍ଷା ବହୁତ ଆଗରେ:

ଭାରତର ପ୍ରତିରକ୍ଷା ବଜେଟ୍ ଏବଂ ବିଶ୍ୱ ରାଙ୍କିଂ ୪ ନମ୍ବର ସ୍ଥାନରେ ଥିବା ବେଳେ ପାକିସ୍ତାନ ୧୨ ସ୍ଥାନରେ ରହିଛି। ଭାରତର ବିଶାଳ ସେନା, ସ୍ୱଦେଶୀ ଅସ୍ତ୍ରଶସ୍ତ୍ର ଏବଂ ମେଣ୍ଟ ଏହାକୁ ଶକ୍ତିଶାଳୀ କରିରଖିଛି। ପାକିସ୍ତାନର ସେନା ଅଭିଜ୍ଞ, କିନ୍ତୁ ଆର୍ଥିକ ସମସ୍ୟା ଏବଂ ପୁରୁଣା ପ୍ରଯୁକ୍ତିବିଦ୍ୟା ଏହାକୁ ସୀମିତ କରୁଛି। ପହଲଗାମ ଆକ୍ରମଣ ପରେ ବର୍ଦ୍ଧିତ ଉତ୍ତେଜନାରେ, ଭାରତର ସାମରିକ ଶକ୍ତି ପାକିସ୍ତାନ ଠାରୁ ବହୁତ ଆଗରେ। ଭାରତର ସ୍ଥଳସେନା, ବାୟୁସେନା ଏବଂ ନୌସେନା ସଂଖ୍ୟା, ପ୍ରଯୁକ୍ତିବିଦ୍ୟା ଏବଂ ବଜେଟ୍ ଦୃଷ୍ଟିରୁ ଉତ୍କୃଷ୍ଟ। ଉଭୟ ଦେଶର ପରମାଣୁ ଅସ୍ତ୍ର ଯୁଦ୍ଧକୁ ରୋକିପାରେ, କିନ୍ତୁ ଭାରତର ପାରମ୍ପରିକ ଏବଂ ରଣନୈତିକ ଶକ୍ତି ସ୍ପଷ୍ଟ ଭାବରେ ଅଧିକ।