ନୂଆଦିଲ୍ଲୀ,୨୬/୦୪: ଇଣ୍ଟରଗ୍ଲୋବ ଆଭିଏସନ ଲିମିଟେଡ ବା ଇଣ୍ଡିଗୋ ୩୦ ଏୟାରବସ୍ ଏ୩୫୦-୩୯୦ ବିମାନ କ୍ରୟ ନେଇ ଅର୍ଡର ଦେଇଛି । ଏହା ଦ୍ୱାରା କମ୍ପାନି ୱାଇଡ ବଡି ଏୟାରକ୍ରାଫ୍ଟ କ୍ଷେତ୍ରରେ ଏଣ୍ଟ୍ରି କରିବ । କମ୍ପାନି ଷ୍ଟକ୍ ବଜାରକୁ ଏ ସମ୍ପର୍କରେ ସୂଚନା ଦେଇଛି । ଏହି ବିମାନ ଗୁଡିକରେ ରୋଲ୍ସ ରଏସ ଟ୍ରେଣ୍ଟ ଏକ୍ସଡବ୍ଲ୍ୟବି ଇଞ୍ଜିନ ରହିବ । ୨୦୨୭ ବେଳକୁ ଏହି ବିମାନ ସବୁର ଡେଲିଭରି ମିଳିବ । ଏହା ଦ୍ୱାରା ଇଣ୍ଡିଗୋକୁ ନିଜ ନେଟୱର୍କ ବିସ୍ତାର କରିବା ସୁଯୋଗ ମିଳିବ । ୩୦ ବିମାନ କ୍ରୟ ବାଦ୍ ଇଣ୍ଡିଗୋ ୭୦ ଅତିରିକ୍ତ ଏ୩୫୦ ବିମାନ କ୍ରୟ ନେଇ ମଧ୍ୟ ଚୁକ୍ତି କରିଛି ।
ବିମାନ ସବୁ ଦୂରଗାମୀ ସ୍ଥାନଗୁଡିକୁ ଉଡ଼ାଣ ଭରିପାରିବ । ଏହା ଦ୍ୱାରା କମ୍ପାନି ଏୟାର ଇଣ୍ଡିଆ ସହ ପ୍ରତିଯୋଗିତା କରିବାକୁ ସକ୍ଷମ ହୋଇପାରିବ । ଏବେ ଇଣ୍ଡିଗୋ ପାଖରେ ପ୍ରାୟ ୩୫୦ ବିମାନ ରହିଛି । ବର୍ତ୍ତମାନ ଏହା ୧୯୦୦ରୁ ଉଦ୍ଧ୍ୱର୍ ଫ୍ଲାଇଟ ପରିଚାଳନା କରୁଛି । ୮୧ ଡୋମେଷ୍ଟିକ ଡେଷ୍ଟିନେସନ ସହ ୩୨ ଅନ୍ତର୍ଜାତୀୟ ଡେଷ୍ଟିନେସନକୁ ଏହା କଭର କରୁଛି । ଭାରତରେ ଏହି ବିମାନ କମ୍ପାନି ନିକଟରେ ୬୦% ବଜାର ଅଂଶ ରହିଛି । ୨୦୩୦ ସୁଦ୍ଧା ନିଜ କ୍ଷମତାକୁ ଦୁଇ ଗୁଣ କରିବା ସହ ଅନ୍ତର୍ଜାତୀୟ ସ୍ତରରେ ମଧ୍ୟ ନିଜ ସ୍ଥିତି ମଜବୁତ କରିବା ଲକ୍ଷ୍ୟ ରଖିଛି କମ୍ପାନି ।
