ପ୍ରମୂଖ ଖବର
  • ମେକ୍ସିକୋ ଏବଂ ଇୟୁ ଉପରେ ଟାରିଫ୍‌ ବୋମା ପକାଇଲେ ଟ୍ରମ୍ପ, ଲାଗିବ ୩୦ ପ୍ରତିଶତ ଶୁଳ୍କ
  • ||
  • ପ୍ରଥମ ଥର ଟି-୨୦ ବିଶ୍ୱକପ୍ ପାଇଁ ଯୋଗ୍ୟତା ଅର୍ଜନ କଲା ଇଟାଲୀ, ନେଦରଲ୍ୟାଣ୍ଡସକୁ ବି ମିଳିଲା ସୁଯୋଗ
  • ||
  • ଏଫଏମ କଲେଜ ଛାତ୍ରୀ ଆତ୍ମହତ୍ୟା ଉଦ୍ୟମ ଘଟଣା ; କଲେଜ ଅଧ୍ୟକ୍ଷ ନିଲମ୍ବିତ, ଏଚଓଡି ଗିରଫ
  • ||
  • ବ୍ରହ୍ମପୁର ରେଳ ଷ୍ଟେସନରୁ ୨ ଜଣଙ୍କ ମୃତଦେହ ଉଦ୍ଧାର, ବିଷ ପିଇ ଜୀବନ ହାରିଥିବା ସନ୍ଦେହ
  • ||
  • ନୀଳଗିରି ବ୍ଲକ ତେଲିପାଳ ପଞ୍ଚାୟତ ଋଷିଆ କେନାଲରେ ଅଘଟଣ, ବଜ୍ରପାତରେ ୩ ମୃତ
  • ||
  • କଟକ: ଓସିଏ କନ୍‌ଫରେନ୍ସ ହଲ୍‌ରେ ଅଗ୍ନିକାଣ୍ଡ , କାରଣ ଅସ୍ପଷ୍ଟ
  • ||
  • ଅସହ୍ୟ ହେଲା ଅଧ୍ୟାପକଙ୍କ ନିର୍ଯାତନା, ଦେହରେ ପେଟ୍ରୋଲ ଢାଳି ନିଆଁ ଲଗାଇଲେ ଛାତ୍ରୀ, ଉଦ୍ଧାର କରିବାକୁ ଯାଇ ଛାତ୍ର ଗୁରୁତର
  • ||
  • ରାୟଗଡ଼ା : କଞ୍ଜାମଯୋଡି ଗ୍ରାମରେ କଙ୍ଗାରୁକୋର୍ଟ ଘଟଣା: ରାୟଗଡ଼ା ଉପଜିଲ୍ଲାପାଳଙ୍କ ତଦନ୍ତ ନିର୍ଦ୍ଦେଶ
  • ||
  • ଅନୁଗୁଳ : ସାପ କାମୁଡ଼ାରେ ନାବାଳକ ମୃତ
  • ||
  • କଟକ : ପାରିବାରିକ କଳହର କରୁଣ ପରିଣତି, ମୁଣ୍ଡଳୀ ବ୍ରିଜ୍‌ରେ ଗାଡ଼ି ରଖି ମହାନଦୀକୁ ଡେଇଁ ପଡ଼ିଲେ ଯୁବକ!
  • ||
  • ମୁମ୍ବାଇରୁ ଓଡ଼ିଶା ଫେରିବେ ବିରୋଧୀ ଦଳ ନେତା ନବୀନ, ସ୍ୱାଗତ ପାଇଁ ବିଜେଡି ନେତା ଓ କର୍ମୀ ପ୍ରସ୍ତୁତ
  • ||
  • ଡ୍ରାଇଭର ମହାସଂଘ ହାତ ଛାଡ଼ିଲେ ବସ୍‌ ମାଲିକ, ରାଜ୍ୟରେ ସ୍ୱାଭାବିକ ହେଲା ଘରୋଇ ବସ୍‌ ଚଳାଚଳ
  • ||
  • ଦିଲ୍ଲୀରେ ଭୁଶୁଡ଼ିଲା ୪ ମହଲା ବିଲ୍ଡିଂ, ୧୨ ଜଣ ଚାପି ହୋଇଥିବା ଆଶଙ୍କା
  • ||
  • ଦୁର୍ବଳ ହେଉଛି ମାଓ ସଙ୍ଗଠନ, ଆତ୍ମସମର୍ପଣ କଲେ ୨୨ ମାଓବାଦୀ
  • ||
  • ଭୁବନେଶ୍ୱର : ପୁଲିସ ଭବନ ସମ୍ମୁଖରେ ସିରିଜ୍ ଦୁର୍ଘଟଣା, ଡ୍ରାଇଭର ଗୁରୁତର
  • ||
  • କେନ୍ଦୁଝର: ଗୋଠଛଡ଼ା ଦନ୍ତା ଆକ୍ରମଣରେ ଜଣେ ମୃତ, ଜଣେ ଗୁରୁତର
  • ||
  • ଅହମ୍ମଦାବାଦ ପ୍ଲେନ୍‌ କ୍ରାସ୍‌ର ଆସିଲା ତଦନ୍ତ ରିପୋର୍ଟ, ଉଡ଼ାଣର ୯୦ ସେକେଣ୍ଡରେ ବନ୍ଦ ହୋଇଥିଲା ବିମାନ ଇଞ୍ଜିନ୍‌
  • ||
  • ମେଗା ରୋଜଗାର ମେଳା, ଆଜି ୫୧ ହଜାର ନିଯୁକ୍ତିପତ୍ର ବାଣ୍ଟିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ଘୂର୍ଣ୍ଣିବଳୟ ସକ୍ରିୟ: ଆଜି ୧୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ, ୧୩ରୁ ଅଧିକ ବର୍ଷା ହୋଇପାରେ
  • ||

ପିଲାର ଆତ୍ମବିଶ୍ୱାସ କମୁଛି କି ? ଜାଣନ୍ତୁ କେମିତି ଆତ୍ମବିଶ୍ୱାସକୁ ଜାଗ୍ରତ କରାଇପାରିବେ...

Published By : Prameya | October 24, 2024 2:45 PM

 "ଆତ୍ମବିଶ୍ୱାସର ଅଭାବ ଯୋଗୁ ପିଲା ଅନ୍ୟ ସାମ୍‌ନାରେ ନିଜର ମତ ପ୍ରକାଶ କରିପାରି ନଥାଏ ।  ତେଣୁ ତା'ର ପ୍ରତିଭା ବାହାରକୁ ଆସିବା ପରିବର୍ତ୍ତେ ସୁପ୍ତ ହୋଇ ରହିଯାଏ । ଫଳରେ ସେହି  ପିଲା ସମୟ ସହ ତାଳ ଦେଇ ଚାଲି ପାରିନଥାଏ । କିନ୍ତୁ ମା’ମାନେ ଚାହିଁଲେ ଆତ୍ମବିଶ୍ୱାସର ଅଭାବ  ଥିବା ପିଲାମାନଙ୍କ ଭିତରେ ଆତ୍ମବିଶ୍ୱାସକୁ ଜାଗ୍ରତ କରାଇପାରିବେ । ଏଥିପାଇଁ ପ୍ରୟାସ ଆବଶ୍ୟକ ।"

ସମସ୍ୟାର ମୂଳକୁ ଖୋଜନ୍ତୁ: ଆତ୍ମବିଶ୍ୱାସ ହେଉଛି ସେହି  ଆଧାରା, ଯାହା ଉପରେ ଚାଲିବା ଦ୍ୱାରା ପିଲା ନିଜ  ପରିବାର ତଥା ନିଜ କ୍ଷମତା ପ୍ରତି ସମ୍ମାନ ଦେବା  ଶିଖିପାରିବ । ଯେଉଁ ପିଲାମାନଙ୍କଠାରେ ଆତ୍ମବିଶ୍ୱାସର  ଅଭାବ ରହିଥାଏ, ସେମାନେ ନିଜର ଆଲୋଚନା  କରିବା, ବିଫଳତାକୁ ଡରିବା ଓ ଚ୍ୟାଲେଞ୍ଜକୁ ସାମ୍‌ନା  କରିବାକୁ ସାହସ କରିପାରି ନଥାନ୍ତି । ନିଜକୁ ନେଇ  ନକାରାତ୍ମକ ଚର୍ଚ୍ଚା, ହାରିବାର ଭୟ ଓ ଅନ୍ୟର ସହମତି  ବିନା ଆଗକୁ ବଢିବା ବେଳେ ଡର ଲାଗିବା ଆଦି  ହେଉଛି ଆତ୍ମବିଶ୍ୱାସ ଅଭାବର ଲକ୍ଷଣ । ନିଜର  ସମାଲୋଚନା କରିବା ଦ୍ୱାରା ମାନସିକ ସ୍ୱାସ୍ଥ୍ୟ ପ୍ରଭାବିତ  ହୋଇଥାଏ । ଫଳରେ ବିଫଳତାର ଭୟ କିଛି ନୂଆ  କରିବାଠାରୁ ଦୂରେଇ ରଖିଥାଏ । ମାତାପିତା ଏଭଳି  ଲକ୍ଷଣକୁ ଚିହ୍ନିବା ସହ ପିଲାର କମୁଥିବା ଆତ୍ମବିଶ୍ୱାସକୁ  ବଢାଇବା ପାଇଁ ସହାୟତା କରିପାରିବେ ।  

ପ୍ରୟୋଗ କରନ୍ତୁ ଟେକ୍ନୋଲୋଜି: ପିଲାଙ୍କ ଭିତରେ  କମୁଥିବା ଆତ୍ମବିଶ୍ୱାସକୁ ବିକଶିତ କରିବା ଦିଗରେ  ମାତାପିତା ସମସ୍ୟାର ସମାଧାନ ପାଇଁ ପ୍ରୋତ୍ସାହିତ  କରିପାରିବେ । ଏଥିପାଇଁ ପିଲାମାନେ ଉଠାଉଥିବା  ପଦକ୍ଷେପକୁ ପ୍ରଶଂସା କରିବା ସହ ଲକ୍ଷ୍ୟ ନିର୍ଦ୍ଧାରିତ  କରିବା ଆବଶ୍ୟକ । ଏଥିପାଇଁ ପ୍ରଥମେ ଛୋଟ ଛୋଟ  ପଦକ୍ଷେପରୁ ଆରମ୍ଭ କରିବା ଉଚିତ୍‌ । ପିଲାଙ୍କୁ ନିର୍ଣ୍ଣୟ  ନେବାର ଅଧିକାର ଦିଅନ୍ତୁ, ଯାହା ଦ୍ୱାରା ପିଲାର  ଏହି କ୍ଷମତା  ବଢିପାରିବ । ପିଲାର ପରିଶ୍ରମକୁ  ଚିହ୍ନନ୍ତୁ, ସଫଳତାରେ ଖୁସି ହୁଅନ୍ତୁ । ଏପରି କରିବା  ଦ୍ୱାରା ପିଲା ଭିତରେ ବିକାଶ କରିବାର ମାନସିକତାକୁ  ପ୍ରୋତ୍ସାହନ ମିଳିପାରିବ । କୌଣସି ବଡ଼ କାମକୁ ଛୋଟ  ଛୋଟ ଭାଗରେ ବାଣ୍ଟି ଦିଅନ୍ତୁ । ଏପରି କରିବା ଦ୍ୱାରା  ଛୋଟ ଛୋଟ ସଫଳତାକୁ ପିଲା ବାରମ୍ବାର ଅନୁଭବ  କରିପାରିବ । ଫଳରେ ତା' ଭିତରେ ପ୍ରତି ସଫଳତା  ସହ ଆତ୍ମବିଶ୍ୱାସ ବଢିଚାଲିବ ।  

ଘରେ ରଖନ୍ତୁ ସକାରାତ୍ମକ ପରିବେଶ: ଘରର  ପରିବେଶ ପିଲାର ଆତ୍ମବିଶ୍ୱାସ ଓ ଆତ୍ମ-ସମ୍ମାନ  ଉପରେ ଖୁବ୍‌ ପ୍ରଭାବ ପକାଇଥାଏ । ମନୋବିଜ୍ଞାନୀଙ୍କ  କହିବା କଥା ଘର ଏମିତି ଏକ ଜାଗା, ଯେଉଁଠାରେ  ପିଲା ବିନା ଭୟ ଓ ସଙ୍କୋଚରେ ବିଚାରକୁ ବ୍ୟକ୍ତ  କରିପାରିଥାଏ । ତେଣୁ ପରିବାର ଭିତରେ ପିଲାକୁ  ସେତିକି ସ୍ୱାଧୀନତା ରହିବା  ଆବଶ୍ୟକ, ଯାହାଦ୍ୱାରା ସେ ନିଜର ଭାବନା ଓ  ବିଚାରକୁ ବିନା ଦ୍ୱନ୍ଦ୍ୱରେ କହିପାରିବ । ଏପରି କରିବା  ଦ୍ୱାରା ତା’ ଭିତରେ ନମନୀୟତା ବିକଶିତ ହୋଇଥାଏ ।  ଫଳରେ ସମାଜର ବିଭିନ୍ନ ନୂଆ ନୂଆ ଚ୍ୟାଲେଞ୍ଜକୁ  ଗ୍ରହଣ କରିବା ତା’ ପାଇଁ ସହଜ ହୋଇପଡିଥାଏ ।  ପିଲାଙ୍କୁ ପ୍ରୋତ୍ସାହିତ କରିବା ପାଇଁ ପରିବାରର  ମାହୋଲକୁ ସକାରାତ୍ମକ ରଖିବା ଆବଶ୍ୟକ ।  

ବିଶେଷ ଧ୍ୟାନ ଦିଅନ୍ତୁ...

 „ ପିଲାର ଅତ୍ୟଧିକ ତାରିଫ କରନ୍ତୁ ନାହିଁ ।  ନଚେତ୍‌ ଅତ୍ୟଧିକ ଆତ୍ମବିଶ୍ୱାସୀ ହୋଇପଡିବ । 

„ ଏମିତି ମାହୋଲ ଦିନ୍ତୁନାହିଁ, ଯେପରି ସେ  କୌଣସି ନିଷ୍ପତ୍ତି ନେବା ସମୟରେ ଅନ୍ୟର  ସହମତିକୁ ଅପେକ୍ଷା କରିବ ।  

„ ବ୍ୟକ୍ତିତ୍ୱକୁ ବିକଶିତ କରିବା ପାଇଁ ତାକୁ  ବିଫଳତାକୁ ସାମ୍‌ନା କରିବା ଶିଖାନ୍ତୁ ।  

„ ପିଲାର ଛୋଟ ଛୋଟ ପ୍ରଗତିକୁ ମଧ୍ୟ ଚିହ୍ନଟ  କରନ୍ତୁ । ସେହି କ୍ଷେତ୍ରରେ ଆଗେଇବାକୁ ଦିଅନ୍ତୁ । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.