ଲେମ୍ବୁ ଭିଟାମିନ୍ ସିର ଏକ ଭଲ ଉତ୍ସ, ଯାହା ଥଣ୍ଡା ଏବଂ ଫ୍ଲୁ ସହିତ ଲଢ଼ିବାରେ ସାହାଯ୍ୟ କରେ। ଲେମ୍ବୁ ରସ ହଜମ ପ୍ରକ୍ରିୟାକୁ ଉନ୍ନତ କରେ ଏବଂ ଗ୍ୟାସ୍, ଏସିଡିଟି ଏବଂ ପେଟ ଫୁଲିବା ଭଳି ସମସ୍ୟାକୁ କମ୍ କରିଥାଏ। ଲେମ୍ବୁ ମେଟାବୋଲିଜିମ୍ ବୃଦ୍ଧି କରିପାରେ, ଯାହା ଓଜନ ହ୍ରାସ କରିବାରେ ସାହାଯ୍ୟ କରେ। ଲେମ୍ବୁ ପାଣି ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ। ଏଥିରେ ଥିବା ଆଣ୍ଟିଅକ୍ସିଡାଣ୍ଟ ତ୍ୱଚାକୁ ଚମକ ଦେଇଥାଏ।
ଲେମ୍ବୁ ବହୁତ ଏସିଡିକ୍। ଏହାର ଅତ୍ୟଧିକ ବ୍ୟବହାର ଆପଣଙ୍କ ଦାନ୍ତର ଏନାମେଲ୍କୁ କ୍ଷତି ପହଞ୍ଚାଇପାରେ, ଯାହା ଦାନ୍ତ ସମ୍ବେଦନଶୀଳତା ଏବଂ ଖୋଳ ହେବାର ଆଶଙ୍କା ବୃଦ୍ଧି କରେ । ଏପରି ପରିସ୍ଥିତିରେ ଲେମ୍ବୁ ପାଣି ପିଇବା ପରେ ସାଦା ପାଣିରେ କୁଳି କରିବା କିମ୍ବା ଷ୍ଟ୍ର ବ୍ୟବହାର କରିବା ଗୁରୁତ୍ୱପୂର୍ଣ୍ଣ।
ଯେଉଁମାନଙ୍କର ପୂର୍ବରୁ ଏସିଡିଟି କିମ୍ବା ପେଟ ପୋଡ଼ିବା ସମସ୍ୟା ଅଛି, ସେମାନେ ଅଧିକ ଲେମ୍ବୁ ଖାଇବା ଉଚିତ୍ ନୁହେଁ। ଲେମ୍ବୁରେ ଥିବା ସାଇଟ୍ରିକ୍ ଏସିଡ୍ ଏହି ସମସ୍ୟାଗୁଡ଼ିକୁ ଆହୁରି ବଢ଼ାଇପାରେ, ବିଶେଷକରି ଖାଲି ପେଟରେ ସେବନ କଲେ । କିଛି ଗବେଷଣାରୁ ଜଣାପଡିଛି ଯେ, ଏହା ପେପ୍ସିନ୍ ଏନଜାଇମକୁ ସକ୍ରିୟ କରିପାରେ, ଯାହା ପେଟ ପୋଡ଼ିବା ସମସ୍ୟାକୁ ବୃଦ୍ଧି କରେ।
ଲେମ୍ବୁ ଖାଇବା ବାରମ୍ବାର ପରିସ୍ରା କରିବାର କାରଣ ହୋଇପାରେ। ଅତ୍ୟଧିକ ସେବନ ଡିହାଇଡ୍ରେସନ୍ ଏବଂ ଇଲେକ୍ଟ୍ରୋଲାଇଟ୍ ଅସନ୍ତୁଳନ ସୃଷ୍ଟି କରିପାରେ । ସାଇଟ୍ରିକ୍ ଏସିଡ୍ ବ୍ୟତୀତ, ଏଥିରେ କିଛି ପରିମାଣର ଅକ୍ସାଲେଟ୍ ମଧ୍ୟ ଥାଏ। ଅତ୍ୟଧିକ ଲେମ୍ବୁ ଖାଇବା ଦ୍ୱାରା କିଛି ବ୍ୟକ୍ତିଙ୍କଠାରେ ସ୍ଫଟିକ ଆକାରରେ ଅକ୍ସାଲେଟ୍ ଜମା ହୋଇପାରେ, ଯାହା ବୃକକ୍ ପଥର ହେବାର ଆଶଙ୍କା ବୃଦ୍ଧି କରେ । କିଛି ଗବେଷଣାରୁ ଏହା ମଧ୍ୟ ଜଣାପଡିଛି ଯେ, ଲେମ୍ବୁ ପାଣିର ଅତ୍ୟଧିକ ସେବନ ହାଡ଼କୁ ଦୁର୍ବଳ କରିପାରେ।
ଲେମ୍ବୁ ମଧ୍ୟ ସୀମିତ ପରିମାଣରେ ଖାଇବା ଉଚିତ । ପୁଷ୍ଟିସାର ବିଶେଷଜ୍ଞମାନେ ପ୍ରାୟତଃ ଫୁଟୁଥିବା କିମ୍ବା ଅତ୍ୟଧିକ ଗରମ ଖାଦ୍ୟରେ ଲେମ୍ବୁ ରସ ନ ମିଶାଇବାକୁ ପରାମର୍ଶ ଦିଅନ୍ତି । କାରଣ ଭିଟାମିନ୍ ସି ଗରମ ପ୍ରତି ସମ୍ବେଦନଶୀଳ ଏବଂ ଏହାର ପୁଷ୍ଟିସାର ହ୍ରାସ ପାଇପାରେ । ଖାଦ୍ୟ ରନ୍ଧା ହେବା ପରେ କିମ୍ବା ଟିକିଏ ଥଣ୍ଡା ହେବା ପରେ ଲେମ୍ବୁ ମିଶାନ୍ତୁ।
ଲେମ୍ବୁ ରସକୁ ଲଙ୍କା କିମ୍ବା ସବୁଜ ପନିପରିବାରେ ମିଶାଇଲେ ଲୌହ ଏବଂ ଅନ୍ୟାନ୍ୟ ପୋଷକ ତତ୍ତ୍ୱର ଶୋଷଣ ଉନ୍ନତ ହୁଏ । ଲଙ୍କା ହଜମ କରିବାରେ ସହାଜ୍ୟ କରିଥାଏ । ନିଃସନ୍ଦେହରେ ଲେମ୍ବୁ ଏକ ସୁସ୍ଥ ଏବଂ ସ୍ୱାଦିଷ୍ଟ ଉପାଦାନ, କିନ୍ତୁ ଏହାକୁ ବୁଦ୍ଧିମାନ ଭାବରେ ବ୍ୟବହାର କରିବା ଗୁରୁତ୍ୱପୂର୍ଣ୍ଣ। ଆପଣଙ୍କ ଶରୀରର କଥା ଶୁଣନ୍ତୁ ଏବଂ ଯଦି ଆପଣ କୌଣସି ଅସୁବିଧା ଅନୁଭବ କରନ୍ତି ତେବେ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।
