ନୂଆଦିଲ୍ଲୀ ୦୫/୧୧: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ୍ର ଟେଲିକମ ୟୁନିଟ ଜିଓ ୨୦୨୫ ସୁଦ୍ଧା ପ୍ରାଥମିକ ପବ୍ଲିକ ଅଫର (ଆଇପିଓ) ଆଣିପାରେ । ରିଟେଲ ବିଜ୍ନେସର ଆଇପିଓକୁ କମ୍ପାନି ଟାଳିପାରେ । ନ୍ୟୁଜ ଏଜେନ୍ସି ରୟଟର୍ସ ସୂତ୍ର ଆଧାରରେ ଏଭଳି ରିପୋର୍ଟ ପ୍ରକାଶ କରିଛି ।
ବିଶେଷଜ୍ଞ କହିଛନ୍ତି, ଜିଓର ଭାଲ୍ୟୁଏସନ ୧୦୦୦୦ କୋଟି ଡଲାରରୁ ଅଧିକ ହେବ । ଗତ କିଛି ବର୍ଷରେ ଏସିଆର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନି କେକେଆର୍, ଜେନେରାଲ ଆଟ୍ଲାଣ୍ଟିକ ଏବଂ ଆବୁଧାବି ଇନ୍ଭେଷ୍ଟମେଣ୍ଟ ଫଣ୍ଡରୁ ଡିଜିଟାଲ, ଟେଲିକମ ଏବଂ ରିଟେଲ ବିଜ୍ନେସ ଲାଗି ୨୫ ବିଲିୟନ ଡଲାର ପାଣ୍ଠି ଉଠାଇଛନ୍ତି । ତେବେ କମ୍ପାନି ଅନୁଷ୍ଠାନିକ ଭାବେ ଆଇପିଓ ସମ୍ପର୍କରେ କିଛି ସ୍ପଷ୍ଟ ସୂଚନା ଦେଇନାହିଁ ।
