ଟିକିରି,୧୪।୧୧ :   ରାୟଗଡ଼ା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ଖୁରୀଗାଁ ପଞ୍ଚାୟତର ସରପଞ୍ଚଙ୍କ ବିରୋଧରେ ନାଏବ ସରପଞ୍ଚ ଅନାସ୍ଥା ପ୍ରସ୍ତାବ ଆଣିଛନ୍ତି। ନାଏବ ସରପଞ୍ଚ ବନିତା ନାଏକଙ୍କ ୬ ଜଣ ୱାର୍ଡ ମେମ୍ବର ଅନାସ୍ଥା ପ୍ରସ୍ତାବ ଆଣିବାପାଇଁ   ଏକ ଲିଖିତ ଅଭିଯୋଗ ରାୟଗଡ଼ ଉପଜିଲ୍ଲାପାଳ କଲ୍ୟାଣୀ ସଂଘମିତ୍ରା ଦେବୀଙ୍କୁ ଦେଇଛନ୍ତି । 

 ସୂଚନା ମୁତାବକ ସରପଞ୍ଚ ଶ୍ୟାମ ସୁନ୍ଦର ମାଝୀଙ୍କ ବିରୋଧରେ  ପଞ୍ଚାୟତର ମାସିକ ବୈଠକ ନକରିବା, ୱାର୍ଡ ମେମ୍ବର ମାନଙ୍କୁ ପଞ୍ଚାୟତ କାର୍ଯ୍ୟରେ ସହଯୋଗ ନ କରିବା , ବାର୍ଷିକ କାର୍ଯ୍ୟଖସଡ଼ା ନିଜ ମନୋମୁଖି ଭାବେ ପ୍ରସ୍ତୁତ କରିବା ଭଳି ସଙ୍ଗୀନ ଅଭିଯୋଗ ଲିଖିତ ଭାବରେ  କରିଛନ୍ତି। ଏହା ସହ ସରପଞ୍ଚ ଶ୍ରୀ ମାଝୀଙ୍କ ତାଙ୍କ ପଦବୀରୁ ବରଖାସ୍ତ କରିବା ସହ ସରପଞ୍ଚ ପଦବୀରୁ ବହିଷ୍କାର କରିବାକୁ ନିବେଦନ କରିଛନ୍ତି। ଏହି ଅଭିଯୋଗ ଦେବା ସମୟରେ ନାଏବ ସରପଞ୍ଚ ଶ୍ରୀମତୀ ନାଏକଙ୍କ ସହ ଅମରସିଂ ଗୁଡା ୱାର୍ଡ ମେମ୍ବର ଚନ୍ଦ୍ରାବତି ଝୋଡିଆ, ଉପର ମଣ୍ଡିଝୋଲା ୱାର୍ଡ ମେମ୍ବର ଦିନବନ୍ଧୁ ମାଝୀ , ତଳମାଳିଗାଁ ୱାର୍ଡ ମେମ୍ବର୍ ବସନ୍ତ ଗୌଡ଼ , ପଣସପଦର ୱାର୍ଡ ମେମ୍ବର ଯାମି ମାଝୀ, ଅଡ଼ାର ମାଝୀ ୱାର୍ଡ ମେମ୍ବର ଚନ୍ଦ୍ରମା ନାଏକ ଉପସ୍ଥିତ ଥିଲେ।