ବାରାମତି – ବରିଷ୍ଠ ନେତା ତଥା ରାଷ୍ଟ୍ରବାଦୀ କଂଗ୍ରେସ ପାର୍ଟି ( ଏନସିପି) ( ଏସପି)ର ମୁଖ୍ୟ ଶରଦ ପାୱାର ଘୋଷଣା କରିଛନ୍ତି, ସେ ଆଉ ଭବିଷ୍ୟତରେ କୌଣସି ବି ନିର୍ବାଚନ ଲଢିବାକୁ ଚାହୁଁ ନାହାନ୍ତି। ତାଙ୍କର ଏହି ଘୋଷଣା ଏମିତି ସମୟରେ ଆସିଛି, ଯେତେବେଳେ ମହାରାଷ୍ଟ୍ରରେ ବିଧାନସଭା ନିର୍ବାଚନ ହେବାକୁ ଯାଉଛି।
କହି ରଖୁଛୁ କି, ରାଜ୍ୟସଭାରେ ତାଙ୍କର କାର୍ଯ୍ୟକାଳ ମଧ୍ୟ ଶେଷ ହେବାକୁ ଯାଉଛି। ଉଲ୍ଲେଖନୀୟ ଯେ , ଶରଦ ପାୱାର ୩ଥର ମହାରାଷ୍ଟ୍ରର ମୁଖ୍ୟମନ୍ତ୍ରୀ ରହି ସାରିଛନ୍ତି। ପାୱାର ଏହି କଥା ବାରାମତୀରେ ନିଜର ନିର୍ବାଚନୀ ଯାତ୍ରା ବେଳେ ଜନତାଙ୍କୁ ସମ୍ୱୋଧିତ କରି କହିଛନ୍ତି, ଯେଉଁଠି ସେ ନିଜର ନାତି ଯୋଗେନ୍ଦ୍ର ପାୱାରଙ୍କର ନିର୍ବାଚନ ପ୍ରଚାର ପାଇଁ ପହଞ୍ଚି ଥିଲେ।
ପାୱାର ଜନତାଙ୍କୁ ସମ୍ୱୋଧିତ କରି କହିଛନ୍ତି , ମୁଁ ଏବେ ଲୋକସଭା ନିର୍ବାଚନ ଲଢିବି ନାହିଁ। ଏବେସୁଦ୍ଧା ମୁଁ ୧୪ଟି ନିର୍ବାଚନ ଲଢିଛି ଏବଂ ଆପଣମାନେ ସମସ୍ତେ ପ୍ରତିଥର ମୋତେ ବିଜୟୀ କରିଛନ୍ତି। ଏବେ ସମୟ ଆସି ଯାଇଛି ନୂଆ ପିଢିକୁ ସୁଯୋଗ ଦେବାର। ମୁଁ ସାମାଜିକ କାର୍ଯ୍ୟ ଜାରି ରଖିବି, ବିଶେଷକରି ଗ୍ରାମୀଣ ଓ ପଛୁଆ କ୍ଷେତ୍ର ପାଇଁ। ଏହା କାମ ପାଇଁ କୌଣସି ନିର୍ବାଚନ ଜିତିବାର ଆବଶ୍ୟକ ନାହିଁ। ସେ ଏହା ମଧ୍ୟ ସ୍ପଷ୍ଟ କରିଛନ୍ତି କି ,୨୦୨୬ରେ ରାଜ୍ୟସଭାର କାର୍ଯ୍ୟକାଳ ସମାପ୍ତ ହେବା ପରେ ସେ ଭାବିବେ କି ସେ ପଦ ଠାରୁ ଅଲଗା ହେବା ଉଚିତ ନା ନାହିଁ।
ନିର୍ବାଚନୀ ସଭାକୁ ସମ୍ୱୋଧିତ କରିବା ବେଳେ ଶରଦ ପାୱାର ଭାରତୀୟ ଜନତା ପାର୍ଟି (ବିଜେପି) ଉପରେ ମଧ୍ୟ ଜୋରଦାର ଟିପ୍ପଣୀ କରିଛନ୍ତି। ସେ ଅଭିଯୋଗ ଲଗେଇଛନ୍ତି କି, ଅନେକ ବଡ଼ ବଡ଼ ପ୍ରୋଜେକ୍ଟ, ଯାହା ମହାରାଷ୍ଟ୍ରକୁ ଆସିବା ଥିଲା , ସେଗୁଡ଼ିକୁ ଗୁଜରାଟ ଶିଫ୍ଟ କରି ଦିଆଗଲା। ସେ କହିଛନ୍ତି, ଯେବେ ମୁଁ ଶାସନରେ ଥିଲି, ମୁଁ ପୁନେର ବିକାଶ ଉପରେ ଜୋର ଦେଇଥିଲି। ହେଲେ ଆଜିକା ସରକାର କେବଳ ଗୋଟିଏ ରାଜ୍ୟ ପାଇଁ କାମ କରୁଛନ୍ତି। ଟାଟା ଏୟାରବସର କାରଖାନା, ଯାହା ନାଗପୁରରେ ପ୍ରତିଷ୍ଠା ହେବାର ଥିଲା, ତାକୁ ଗୁଜରାଟ ପଠାଇ ଦିଆଗଲା। ଏହିପରି ବେଦାନ୍ତା-ଫକସ୍କାନର ସେମିକଣ୍ଡକ୍ଚର ପ୍ଲାଣ୍ଟ ମଧ୍ୟ ଗୁଜରାଟ ଚାଲି ଗଲା। ଯଦି ଆପଣ କେବଳ ଗୋଟିଏ ରାଜ୍ୟ ପାଇଁ କାମ କରିବେ , ତ ପ୍ରଧାନମନ୍ତ୍ରୀ ହେବାର କଣ ଅର୍ଥ ?
କହି ରଖୁଛୁ କି ବାରାମତିରେ ପୱାର ପରିବାର ମଧ୍ୟରେ ପୁଣି ଥରେ ନିର୍ବାଚନୀ ମୁକାବିଲା ଦେଖିବାକୁ ମିଳିବ। ଚଳିତ ବିଧାନସଭା ନିର୍ବାଚନରେ ଅଜିତ ପାୱାର ଓ ତାଙ୍କ ପୁତୁରା ଯୋଗେନ୍ଦ୍ର ପାୱାର ମୁହାଁମୁହିଁ ହେବେ।
