ଧରାକୋଟ , ୧୬।୧୧ : ଧରାକୋଟ ବ୍ଲକର ଗାଙ୍ଗପୁରର ଥାନା ଅନ୍ତର୍ଗତ ପଣିବନ୍ଧ ଗ୍ରାମରେ ଜଣେ ଯୁବକଙ୍କ ସନ୍ଦେହ ଜନକ ଅଵସ୍ଥାରେ ମୃତ୍ୟୁ ହୋଇଛି। ମୃତ ଯୁବକ ଜଣକ ହେଲେ ବସନ୍ତ ବେହେରା (୩୦) । ଧରାକୋଟ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ୩ ଦିନ ହେଲା ପଡି ରହିଛି ମୃତଦେହ। ମୃତକ ବସନ୍ତଙ୍କ ବାପଘର ଓ ଶାଶୁ ଘରର ଲୋକ ମୃତ୍ୟୁ ପାଇଁ ପରସ୍ପର ମଧ୍ୟରେ ଆପତ୍ତି ଅଭିଯୋଗ କାରଣରୁ ପୋଲିସ କରି ପାରୁନି ଶବ ବ୍ୟବଚ୍ଛେଦ। ପରିବାର ଲୋକ ବି ୩ ଦିନ ହେଲା ଦିନ ରାତି ଶବ ପାଖରେ ଜଗି ରହିଛନ୍ତି । ମୃତ୍ୟୁ କୁ ନେଇ ଉଠିଛି ବିବାଦ। ଫଳରେ ଶବ ସେମିତି ମେଡ଼ିକାଲ ରେ ପଡି ରହିଛି।
ସୂଚନା ପ୍ରକାରେ ବସନ୍ତଙ୍କ ନିଜ ଗ୍ରାମ ପୁରୁଷୋତ୍ତମପୁର ବ୍ଲକ ରେଙ୍ଗୁଟି ପଲ୍ଲି ଗ୍ରାମ। ତାଙ୍କ ଶଶୁର ଘର ହେଉଛି ଧରାକୋଟ ବ୍ଲକ ପଣିବନ୍ଧ । ସେ ଗତ ୬ ଦିନ ତଳେ ନିଜ ଶଶୁର ଘର ଗ୍ରାମକୁ ଆସିଥିଲେ। ସେଠାରେ ଗତ ଗୁରୁବାର ରାତ୍ରରେ ଶଶୁର ଘରେ ଖାଇ ଶୋଇ ବାକୁ ଅନ୍ୟ ଏକ ଘରକୁ ଯାଇଥିଲେ। ସେଠାରେ ଶୋଇଥିବା ସମୟରେ ଶ୍ବଶୁର ଘର ଲୋକଙ୍କ କହିବା ମୁତାବକ ଆଉ ଡାକିଲେ ମଧ୍ୟ ଶୁଣି ନଥିଲେ। ଫଳରେ ତାଙ୍କୁ ଧରାକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଗୁରୁବାର ରାତ୍ର ପ୍ରାୟ ଗୋଟାଏରେ ଆଣିଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରେ ମେଡିକାଲ ପକ୍ଷ ରୁ ପୋଲିସ କୁ ଖବର ଦିଆ ଯାଇଥିଲା। ଖବର ପାଇ ପୋଲିସ ଯୁବକଙ୍କ ଶବ ଜବତ କରିଛି।
ହେଲେ ବସନ୍ତଙ୍କ ମୃତ୍ୟୁକୁ ନେଇ ତାଙ୍କ ଭାଇ ମାନେ ଓଲଟା ଅଭିଯୋଗ ଆଣୁଛନ୍ତି। ସେମାନଙ୍କ ଆଭିଯୋଗ ଯେ ବସନ୍ତଙ୍କ ଶଶୁର ଘର ଲୋକ ତାଙ୍କୁ ହତ୍ୟା କରିଛନ୍ତି। ତେଣୁ ସେମାନେ ଘଟଣାର ସତ୍ୟତା ଜାଣିବା ପରେ ହିଁ ଶବ ନେବେ। ଏପଟେ ବସନ୍ତଙ୍କ ଶଶୁର ଘର ଲୋକେ ୩ ଦିନ ହେଲା ମେଡ଼ିକାଲ ରେ ପୋଲିସ ସହ ଅନିଦ୍ରା ରହିଛନ୍ତି। ସେପଟେ ପୋଲିସ ମଧ୍ୟ ଶବକୁ ନେଇ ବିବାଦ ଫଳରେ ଶବ ବ୍ୟବଚ୍ଛେଦ ପାଇଁ ପଠାଇ ପାରୁ ନାହିଁ। ଏପଟେ ମେଡିକାଲ ପରିସରେ ଶବ ସେମିତି ପଡି ରହିଥିବାରୁ ରୋଗୀ ହନ୍ତ ସନ୍ତ ହେଉଛନ୍ତି। ଡାକ୍ତର ମଧ୍ୟ ପୋଲିସ କୁ ବାରମ୍ବାର ଖବର ଦେବା ପରେ ବି କିଛି ସୁଫଳ ମିଳିନଥିଲା । ତେଣୁ ପଚା ଶବ ଯୋଗୁ ରୋଗୀ ସେବା ବ୍ୟାହତ ହୋଇଛି। ଶନିବାର ଦିନ ୨ ଟାରେ ଧରାକୋଟ ଓ ଗାଙ୍ଗ ପୁର ପୋଲିସ ର ଉପସ୍ଥିତି ରେ ସାଇଣ୍ଟଫିକ ଟିମ୍ ପହଞ୍ଚି ତଦନ୍ତ କରି ଫେରି ଥିବା ବେଳେ ପୁଲିସ ଶବ କୁ ଜବତ କରି ବ୍ୟବଚ୍ଛେଦ ପାଇଁ ପଠଯାଇଚ୍ଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ଏହି ସନ୍ଦେହ ଜନକ ମୃତ୍ୟୁର କାରଣ ସ୍ପଷ୍ଟ ହେବ ।
