ଆସିକା, ୨୭।୪: ଧରାକୋଟ ଥାନା ଅନ୍ତର୍ଗତ ବରୀଗୁଡ଼ା ଗାଁ କାଠ ମାଫିଆଙ୍କ ଆତଙ୍କ । ବିଳମ୍ୱିତ ରାତିରେ ଗାଁର ଶାଗୁଆଣି କାଠ କାଟୁଥିବା ବେଳେ ଗାଁ ଲୋକ ଘଟଣାସ୍ଥଳରେ ପହଞ୍ଚିବା ପରେ ଦୁଇଟି ବୋମା ମାଡ଼ କରି ଚମ୍ପଟ ହୋଇଯାଇଥିଲେ । ଲୋକଙ୍କ ଅଭିଯୋଗ ଅନୁସାରେ, ଦୁଇଟି ବାଇକରେ ଶୁକ୍ରବାର ୪ ଜଣ କଳା ମୁଖାଧାରୀ ଲୋକ ଆସି ମୂଲ୍ୟବାନ କାଠ କାଟୁଥିଲେ । ଗାଁ ଲୋକ କୌଣସି ସୂତ୍ରରୁ ଜାଣିବା ପରେ ପାଖାପାଖି ୫୦ରୁ ଉର୍ଦ୍ଧ୍ୱ ଲୋକ ଆସିଥିବା ବେଳେ ତାଙ୍କ ଉପରକୁ ବୋମା ଫିଙ୍ଗି ପଳାଇ ଯାଇଛନ୍ତି । ଖବର ପାଇ, ଧରାକୋଟ ପୋଲିସ ଓ ଧରାକୋଟ ବନପାଳ ପହଞ୍ଚି ଅଧିକ ତଦନ୍ତ କରୁଛନ୍ତି । ଅନ୍ୟପଟେ କଟାଯାଇଥିବା କାଠ ଘଟଣାସ୍ଥଳରେ ପଡ଼ିଛି ।
